Expliquer certaines hadis et dispositions de conversations

إنما الأعمال بالنيات

عن أمير المؤمنين أبي حفص عمر بن الخطاب رضي الله عنه قال: سمعتُ رسول الله صلى الله عليه وسلم يقول: "إنَّما الأعمال بالنيَّات، وإنَّما لكلِّ امرئ ما نوى، فمَن كانت هجرتُه إلى الله ورسوله فهجرتُه إلى الله ورسوله، ومن كانت هجرته لدنيا يُصيبها أو امرأة ينكحها فهجرته إلى ما هاجر إليه".

رواه البخاري ومسلم.

Eggaama e Amiirul Muuminiina Abii Hafs Umar Ibnul Khattaab (Yo Alla wele mo), o wi’i : Mi nanii Nulaaɗo Alla on mo jam e kisiyee woni e mun on hino maaka : «Anndu no golleeji ɗin ko sabu annuyeeji ɗin [1], hino woodani neɗɗo kala ko o anniyii kon. Kala on mo fergu mun ngun laatanii fii Alla e Nulaaɗo makko on ; haray fergu makko ngun ko fii Alla e Nulaaɗo makko on. Kala non mo fergu mun ngun laatanii fii aduna himo heɓa ɗum maa debbo himo resa on ; haray fergu makko ngun ko fii kon ko o ferani ɗon ».

Fillke mo Almaamiiɓe Hadiise ɓen ɗiɗo: Abu Abdillahi Muhammad ibn Ismaa’iil Ibn Ibraahiim Ibnul Mughiira Ibn Bardizbah Al Buxariiyu, e Abul husayn Muslim Ibnul hajjaaji Ibn Muslim Al Qushayriiyu Anniisaabuuriyuu ; ka selluɗe maɓɓe ɗiɗi ɓurɗe sellude e ko wallifaa kon.

Nafoore hadiise on

Oo hadiise ko lasli ka diina, ko e makko woni ko ñaawooje ɓureɗe ɗen yiilotoo. Imaam Shaafi’ii e Ahmad wi’i : « Tataɓal ganndal ngal hino naata e oo hadiise, tawde non fagannde jiyaaɗo on ko ɓernde nden e ɗemngal ngal e tere ɗen woni ko laatorta, anniyorgol ɓernde nden le ko gootel e ɗin tati ».

Ibnu Rajab wi’i : « Jooma gannde en fottanii sellugol oo hadiise e jaɓeede makko ka mofte ɗen, ko kanko woni Buxarii udditiri deftere makko sellunde nden, e waɗi mo maqaamu hunorde mayre ; fii jooporagol mo wonde golle ɗe faandoraaka fii Alla ɗen fow ko meere, dimɗe alanaa ɗe ka aduna wanaa ka laakara »[2].

Firo Konguɗi

1. Al hafs: ko piyoori, Abul Hafs non ko jammoore Umar Ibnul Khattaab (yo Alla wele mo).

2. Annuyee ka luxa : Ko faandaare. Hinde ardira fii serndugol hakkunde dewe ɗen, wano lootanagol longal janaaba, e longal goyki (furee); ɗi ɗiɗi kala ko ɗi longal, ko woni tun hiɗi sertira faandaare nden.

3. Fergu hino wona accitirgol leydi kulol faade e leydi hoolaare, wano fergu Nulaaɗo (yo O his) iwde Makka faadee e Habasha. Hingu wona kadi iwgol e leydi heeferɓe yaha e leydi julɓe, wano fergu Makka ngun yaha Madiina.

Bayyino

Annuyee on ko ka ɓernde, lafzugol mo ko bid’a, sellataa lafzugol mo si wanaa ka glleeji Hajju e ka Umra.

الحديث الثاني:

الإسْلامُ والإيمَانُ والإحْسَان

عَن عُمَر رضي اللهُ عنه أَيْضاً قال: " بَيْنَما نَحْنُ جُلْوسٌ عِنْدَ رسُولِ الله صلى الله عليه وسلم إذْ طَلَعَ عَلَيْنَا رَجُلٌ شَدِيدُ بَياضِ الثِّيَاِب شَديدُ سَوَادِ الشَّعَرِ، لا يُرَى عليه أَثَرُ السَّفَرِ ولا يَعْرِفُهُ مِنَّا أَحَدٌ، حَتى جَلَسَ إلى النَّبِّي صلى الله عليه وسلم، فأسْنَدَ رُكْبَتَيْهِ إلى رُكْبَتَيْهِ ووَضَعَ كَفَّيْهِ على فَخِذَيْهِ، وقال: يا محمَّدُ أَخْبرني عَن الإسلامِ، فقالَ رسُولُ الله صلى الله عليه وسلم: الإسلامُ أَنْ تَشْهَدَ أَنْ لا إلهَ إلا اللهُ وأَنَّ محمِّداً رسولُ الله، وتُقِيمَ الصَّلاةَ، وتُؤتيَ الزَّكاةَ، وتَصُومَ رَمَضان، وتَحُجَّ الْبَيْتَ إن اسْتَطَعتَ إليه سَبيلاً. قالَ صَدَقْتَ. فَعَجِبْنا لهُ يَسْأَلُهُ ويُصَدِّقُهُ، قال : فَأَخْبرني عن الإِيمان. قال: أَن تُؤمِنَ باللهِ، وملائِكَتِهِ وكُتُبِهِ، ورسُلِهِ، واليَوْمِ الآخِرِ، وتُؤمِنَ بالْقَدَرِ خَيْرِهِ وشَرِّهِ. قال صدقت. قال : فأخْبرني عَنِ الإحْسانِ. قال أنْ تَعْبُدَ الله كَأَنَّكَ تَرَاهُ فإنْ لَمْ تَكُنْ تَرَاهُ فإنَّهُ يَرَاك. قال: فأَخبرني عَنِ السَّاعةِ، قال:ما المَسْؤولُ عنها بأَعْلَمَ من السَّائِلِ . قال: فأخبرني عَنْ أَمَارَتِها، قال: أن تَلِدَ الأمَةُ رَبَّتَها، وأَنْ تَرَى الحُفاةَ العُراةَ العالَةَ رِعاءَ الشَّاءِ يَتَطَاوَلُون في الْبُنْيانِ، ثُمَّ انْطَلَقَ، فَلَبثْتُ مَلِيّاً، ثُمَّ قال : يا عُمَرُ، أَتَدْرِي مَنِ السَّائِلُ؟ قُلْتُ: اللهُ ورسُولُهُ أَعلَمُ . قال: فإِنَّهُ جِبْرِيلُ أَتاكُمْ يُعَلِّمُكُمْ دِينَكُمْ ".

رواه مسلم.

Hadiise ɗimmo on

Fii : Lislaamu, e liimaanu, e lihsaanu (Moƴƴinngol)

Eggaama e Umar (yo Alla wele mo kadi)[3], o wi’i: Fewndo men jooɗinoo ka Nulaaɗo Alla jom kisiyee on, tun ƴellitii e dow amen gorko tiiɗuɗo rawnude comci, tiiɗuɗo ɓawlude sukundu, yi’otaako e makko batte seteyaagal, hay gooto e amen kadi anndaa mo. Haa o jooɗii takko Annabuuji on (yo O his), o tuugindiri kopi makko ɗin e kopi maɓɓe ɗin (Nulaaɗo), o waɗi newe makko ɗen e hoore buse makko ɗen. O wi’i: Ko am yo Muhammadu! Humpitan fii lislaamu. Nelaaɗo Alla on mo jam e kisyee woni e mun on Maaki: “Ko woni lislaamu, ko nde seedoto-ɗaa reweteeɗo tanaa Allaahu alaa, e wonde Muhammadu ko nelaaɗo Alla, ñinnaa julde, tottaa askal (zakka), hooraa koorka (suumayee), hajjoyaa ka suudu hormanteendu si a taaqanaama e muuɗum; laawol. O wi’i[4]: A goongii. Men haawii fii makko[5], himo lamndaade Mo[6] o goongina Mo. O wi’i[7]: Humpitan fii liimaanu. O[8] maaki: “Ko nde gomɗintaa Alla, e malaa’ka en Makko, e Defte Makko ɗen, e Nulaaɓe Makko ɓen, e ñalaande sakkitorde, gomɗinaa koddoruyee; ko moƴƴi e mun e ko boni e mun. O wi’i: A goongii. O wi’i: Humpitan ko woni lihsaanu (moƴƴingol). O Maaki: “Ko nde rewirtaa Alla wa si tawii hiɗaa reeni Mo. Si a laataaki non hiɗa reeni Mo, anndu kan himo reenu maa”. O wi’i: Humpitan fii darngal. O Maaki: “Lamndaaɗo on fii maggal wonaali ɓurɗo anndude lamndiiɗo on”. O wi’i: Humpitan fii maande maggal. O Maaki: “Ko nde korɗo jibinta jeyɗo mo on. E nde yi’ataa seppayɓe (ɓe alaano paɗe), holuɓe, waasuɓe, aynaynooɓe dammi, hino foolondira e didugol cuuɗi”. Refti o yehi[9]. Mi ñiiɓi ko ɓooyi, refit Nulaaɗo on Maaki: “Ko am yo Umar, hiɗa anndi ko hombo woni oo lamndiiɗo?”. Mi wi’i: ko Alla e Nulaaɗo makko on anndi. O Maaki: “Oo ɗoo ko Jibiriilu, o arii on himo anndina on diina mon kan”.

Fillike mo Muslim.

Nafoore hadiise on

Ibn daghiigh Al iid[10] wi’i: “Oo ɗoo ko hadiise mawɗo, o moftii dendaangal golleeji kuuɗe feeñuɗe ɗen e suuɗiiɗe ɗen. Gannde Shari’a ɗen fow ko e makko ruttotoo ko e makko kadi ɗe suppitetee; sabu ko o mufti kon ganndal sunna, himo wa’I wa neene sunna on, wanno Faatiha innitiraa non neene Al Qur’aana; sabu moftude maggol maanaaji Al Qur’aana ɗin”.

Firo konguɗi

1. waɗi newe makko ɗen e hoore buse makko ɗen: E maanaa buse makko ɗen kano tigi, e mbaadi jonde needi. Ka fillayee Nasaa’ii[11]: “O waɗi juuɗe makko ɗen e dow kopi Annabiijo on (Yo O his)”. Ko fillayee arano on non ɓure sellude lollude.

2. Men haawii fii makko, himo lamndaade Mo o goongina Mo: E maanaa men ŋalɗi fii makko, himo lamndoo lamndal annduɗo fellituɗo goonginɗo. Walla men hawnii tawde lamndal makko ngal hino tindina majjeede makko ko lamndaa fii mun kon, goongingol makko ngol kadi hino tindina anndugol makko ɗum.

3. Ko nde gomɗintaa Alla: Liimaanu ka luxa: Ko goongingol e fellitirgol ka ɓernde. Ko shari’a: Ko goongingol kon ko Annabiijo on addi kon (Yo Alla juulu e maɓɓe o hisna ɓe).

4. Maandeeji maggal on: Ɗum ko keewal maande. Faandaare nden ko maandeeji maggal adotooɗi daragol maggal on.

5. Nde korɗo jibinta jeyɗo mo o: E maanaa koohoojo makko on. Hino jeyaa e maandeeji darngal, ɗuuɗireede korɓe ɓe himo rendira ɗum jeyde ñaamo, ɓe heɓa ɓiɓɓe rinɗirɓe wa ben maɓɓe. Sabu ɓiɗɗo korɗo on; mo o heɓani jeyɗo mo on; hino wa’I wa koohoojo makko on. Ko fii ɓiɗɗo ko ka baaba mun jeyraa. E ngal banŋgal ɗon ɓiɗɗo on ko jeyɗo yumma mun.

6. Waasuɗo: ko mo alaa.

7. Mi ñiiɓi ko ɓooyi: Mi habbii ko neeɓi. E maanaa mi wayrindiri e Nulaaɗo on mo jam e kisiyee woni e mun on jemmaaji tati; wano joliri non e fillayee goo. On tuma men yiitidi.

Maanaa hadiise on

1. Moƴƴingol comci ɗin e mbaadi ndin: Hino yiɗaa ɓurnagol comic laaɓuɗi, waɗa anngiri (parfen) urnitoroo fii naatugol ka juulirde e taweede ka jonndeeji ganndal, ne’anoo karamokooɓe ɓen e ɗen jonnde ganndal. Sabu sennaa Jibiriilu ko tinndinngol yimɓe ɓen o ardiri e on al haali wondude e konguɗi makko ɗin.

2. Hol ko woni lislaamu: Islaamu ka luxa: Ko ɗowagol jabbilanoo Allaahu Toowuɗo on. Ka Shari’a: Ko ko mahii e tugaale jowi: Seedagol alaa reweteeɗo tanaa Allaahu e wonde Muhammadu ko nelaaɗo Alla, e ñimnugol julɗe ɗen e waqtu majje timminiraaɗe sartiiji e tugaale, huɓindiraaɗe sunna e neediiji, e tottugol asakal (zakka), e hoorugol lewr koorka, e hajjugol ka suuduhormanteendu nde wootere ka ngurdam wonande on mo yaññanaa feere yoɓugol fii setagol ngol o accana ɓeynguure nden ko wallitoree.

3. Hol ko woni liimaanu: Liimaanu ka luxa: Ko goongingol. Ka shari’a: Ko goongingol fellita woodeede Alla taguɗo on, e wonde kanko seniiɗo on ko bajjo Mo kafidetaake.

Goongina kadi woodeede tagu Alla; ɓen woni makaa’ika en, ko ɓe jeyaaɓe teddinaaɓe, ɓe ñaamataa ɓe siforaa ngorgu wanaa deyu, ɓe wonataa gorol, ko Alla tun anndi limoore maɓɓe.

Goongina kadi defte asamaanu ɗen cippiniraaɗe immorde ka Alla toowuɗo on, e wonde ɗen ka shariya Alla ado yimɓe ɓen waylude ɗe ɓe waɗtita.

Goongina kadi denndaangal Nulaaɓe ɓen ɓe Alla suɓanii fewnugol yimɓe ɓen, o jippini defte asma ɗen e maɓɓe, fiɓa wonde Nulaaɓe ɓen ko yimɓe danndaaɓe.

Goongina ñalaande sakkitiinde, Alla imminoyay yimɓe ɓen ka qaburuuji maɓɓe nden ñannde.

Gomɗina wonde kala ko feƴƴata kon ka hoore aduna ɗoo ko e muyɗe Alla e faale makko woni feƴƴirde, sabu hikma (ñeeñel) mo kaŋko Alla tun anndi fii mun.

Ko ɗi’I woni tugaale liimaanu ɗen, kala on fiɓuɗo ɗi haray o daɗii o ñajii, mo yeddii ɗe kadi o majjii o hayrii (perdii).

4. Hol ko woni lihsaanu? Ko nde rewirtaa Alla wa si tawii hiɗa renti mo, hertinora Alla tan dewal mun ngal e mbaadi moƴƴiri, wa si tawii hiɗa renti mo fewndo rewataa mo, si tawii le a taaqanaaka ɗum, fellitu kaŋko himo rentu maa, himo yi’a togoosi e njani maa. Ka fillayee Muslim: “Ko nde hulirtaa Alla wa si tawii hiɗa renti mo”.

5. Darngal ngal e maandeeji maggal on: Anndugol nde darngal ngal darotoo ko ko Alla hertori, o anndinaa ɗum hay gooto e tageefo makko ngon wanaa malaa’ika en wanaa nulaaɓe ɓen, ko e ɗum nulaaɗo Alla on mo jam e kisiyee woni e mun on wi’ani Jibiriilu: “on fii maggal wonaali ɓurɗo anndude lamndiiɗo on”. Kono o jaabino yoga e maandeeji maggal woni ɗii ɗoo:

a) Bonugol jamaanu ngun, e lo’ugol jikkuuji ɗin, ka ƴaggere fayɓe ɓen ɗuuɗata ɗon e mawɓe mun ɓen ɓe lunndooɓe ɓe jogitora ɓe wa aaden e jiyaaɗo mun.

b) Waylondirgol piiji ɗin e ukkondirgol majji haa jaasoɓe ɓen wonta lamɓe mofte ɗen e yeesooɓe maɓɓe, fiyakuuji ɗin halfinee ɓe gaynataa, jawle ɗuuɗira jamaa on, funsu fansa on ɗuuɗa, yimɓe ɓen mantora toowugol etaasiiji, e ɗuuɗireede dakamme e suɗoraaɗi, tagoore nden townitanee, fiyaaku maɓɓe on fewtinee e ɓen waasunooɓe saɗtiraa…

6. Lamndagol fii anndugol: Julɗo on ko ko nafata mo aduna e laakara lamndanntoo, o tertoo lamnde ɗe nafa alaa e mun. Ko wano non haanirani lamndaaɗo mo anndaa nde o jaabotoo: “Mi anndaa”, ko ɗum woni dalil kulol makko Alla e sellude ganndal makko ngal.

الحديث الثامن

(أُمرتُ أن أقاتل الناس....)

عن ابن عمر رضي الله تعالى عنهما: أنَّ رسول الله صلى الله تعالى عليه وآله وسلم قال: "أُمرتُ أن أقاتل الناس حتى يشهدوا أن لا إله إلاَّ الله، وأنَّ محمداً رسول الله، ويُقيموا الصلاةَ، ويؤتوا الزكاةَ، فإذا فعلوا ذلك عصموا منِّي دماءهم وأموالهم إلاَّ بحقِّ الإسلام، وحسابُهم على الله تعالى" رواه البخاري ومسلم.

Hadiise Jeetitataɓo on

Mi yamiraama nde mi haɓata yimɓe ɓen…

Eggaama e Ibnu (ɓiɗɗo) umar yo Alla wele ɓe : Wonnde Nulaaɗo Alla on mo jam e kisiyee woni e mun on maaki : « Mi yamiraama nde haɓata yimɓe ɓen haa ɓe seeditoo wonnde reweteeɗo tanaa Alla alaa, e wonnde Muhammadu ko nulaaɗo Alla, ɓe ñiɓna julde, ɓe totta jakka. Si ɓe huuwii ɗum ɓe daɗoray lam ƴiiƴe maɓɓe e jawle maɓɓe ɗen ko hinaa e haqqee lislaamu, e kadi hasboore maɓɓe nden ko e Alla fawii.

Fillike mo Buxari e Muslim.

Fensito

1. Maako maɓɓe “Mi yamiraama”, ko immorde ka Alla woni ko ɓe faandii, ko fii non alaa yamiroowo ɓe si wonaa Alla.

2. Ammaa non si sahaabaajo kan wi’ii “Men yamiraama huunde kaari” walla “men haɗaama huunde kaari”, haray ɗon ko ɓe faandii ko e nulaaɗo woni ko iwri.

3. Yimɓe defte ɓen si tottii jizya on, haray ɓe haɓirtaake waaseede ɗii joopaaɗi ka hadiise.

4. Kongol liimaanu yonii ko naada goɗɗo islaamu, ko kangol kadi woni arannde e ko waɗɗotoo hellifaaɗo. Ceerno samba Mombeya w’ii:

Si a hoyɗii ardin andinagol

Kongol liimaanu adaade lajal.

Reweteeɗo tanaa Allaahu alaa

ko e Makko Muhammadu nangi nulal .

5. ka ɓe wi’i ɗon “Hasboore maɓɓe nden ko e Alla fawii”, hino holli wonnde neɗɗo on si feññinii islaamu makko o wowlii kongol liimaanu, ko ɗum ɗon o jogitortee, si hawru non ko e fenaande o woni ɗum ko hakkunde makko e Alla.

Ko naftortee e hadiise on

1. Ko jokkindirgol konngol e kuugal sabu maaku maɓɓe: “Si ɓe huuwii ɗum”, ɗum holli wonnde kongol ngol tan yonataa.

2. Hadiise on hino tabintini hasboore ñannde darngal

3. Kala on haɗitiiɗo tottude jakka on ko o haɓeteeɗo haa o totta mo.

4. Kongol liimaanu ko bee jokkondira wano nii:

Reweteeɗo tanaa Allaahu alaa

ko e Makko Muhammadu nangi nulal.

الحديث الثالث عشر:

(لا يُؤمنُ أحدُكم حتى يحبَّ لأخيه ما يحبُّ لنفسه)

عن أبي حمزة أنس بن مالك رضي الله تعالى عنه خادم رسول الله صلى الله عليه وسلم، عن النَّبيِّ صلى الله عليه وسلم قال: "لا يُؤمنُ أحدُكم حتى يحبَّ لأخيه ما يحبُّ لنفسه".

رواه البخاري ومسلم.

Hadiise sappo e tataɓo on

Eggaama e Abi Hamjah Anas bun Malik (Yo Alla wele mo) kurkaadu nelaaɗo Alla on (Yo o his), ko eggaa e Annabiijo Alla on mo jam e kisiyee woni e mun on o maaki:” Gomɗin-taa gooto e mon haa yiɗana musiɗɗo makko on, kon ko o yiɗani hoore makko”.

Fillike mo Bukhari e Muslim.

Bayyino :

Hadiise on hino joopii riiwude timmude gomɗinal waɗɗiingal e julɗo on fodde o yiɗanaali musiɗɗo makko on, kon ko o yiɗani hoore makko. Foti non ko ka fiyakuuji aduna maa ka fiyakuuji laakara. Hino jeyaa e ɗum, gollidirgol e jamaa on no yiɗiri non gollireede. Jooma daali : (Yiite wulnge ngen woodanii etinkinotooɓe ɓen, ɓen..). Ibnu Rajab wi’i ka (1/306) جامع العلوم والحكم : « Hadiise Anas on hino tinndina wonnde wela mo kon ko welata musiɗɗo makko gomɗin ɗo on, himo yiɗana kadi musiɗɗo makko gomɗin ɗo on kon ko o yiɗanta hoore makko e moƴƴere.