API
ووتنی إنا لله وإنا إلیه راجعون له كاتی موسیبه‌تدا
پۆڵێنه‌كان
Full Description
ووتنی إنا لله وإنا إلیه راجعون له كاتی موسیبه‌تدا
الاسترجاع عند المصيبة
< كوردي >
عه‌بدالملك ئه‌لقاسم
عبد الملك القاسم
وه‌رگێڕانی: پشتیوان سابیر عه‌زیز
پێداچونه‌وه‌ی: حاجی ئومید چروستانی
ترجمة: بشتیوان صابر عه‌زیز
مراجعة: أوميد عمر علي
ووتنی إنا لله وإنا إلیه راجعون له كاتی موسیبه‌تدا
ئه‌گه‌ر مرۆڤێك توشی موسیبه‌ت و به‌ڵاو كێشه‌یه‌ك بوو؛ یه‌كه‌مین عیلاج بۆ چاره‌سه‌ر كردنی بریتیه له وتنی ﴿ إِنَّا لِلهِ وَإِنَّا إِلَيْهِ رَاجِعُونَ ﴾، وه وتنی ئه‌م وشه‌یه له ڕه‌وشته به‌رزه‌كانی پێغه‌مبه‌ره ( صلی الله علیه وسلم )، ئه‌م ووشه‌یه ئارامی داده‌به‌زێنێته سه‌ر ده‌رونی مرۆڤ وهێوركه‌روه‌ی دڵه‌كانه، ئیمام موسلیم له سه‌حیحه‌كه‌یدا له ( أم سلمة ) ده‌یگێرێته‌وه وه خوا لێی رازی بێت، ده‌فه‌رموێت گوێم له پێغه‌مبه‌ری خوا بوو صلی الله علیه وسلم ده‌یفه‌رموو: {مَا مِنْ عَبْدٍ تُصِيبُهُ مُصِيبَةٌ فَيَقُولُ: إِنَّا لِلَّهِ وَإِنَّا إِلَيْهِ رَاجِعُونَ، اللَّهُمَّ أْجُرْنِي فِي مُصِيبَتِي، وَأَخْلِفْ لِي خَيْرًا مِنْهَا، إِلَّا أَجَرَهُ اللَّهُ فِي مُصِيبَتِهِ وَأَخْلَفَ لَهُ خَيْرًا مِنْهَا}. قَالَتْ: فَلَمَّا تُوُفِّيَ أَبُو سَلَمَةَ قُلْتُ كَمَا أَمَرَنِي رَسُولُ اللَّهِ (صلی الله عليه وسلم) فَأَخْلَفَ اللَّهُ لِي خَيْرًا مِنْهُ رَسُولَ اللَّهِ (صلی الله عليه وسلم).
واته: (ام سلمه) (خوای لێ ڕازی بێت) ده‌ڵێ: گوێم له پێغه‌مبه‌ر (صلی الله عليه وسلم) بوو ده‌یفه‌رموو: هه‌ركه‌سێك توشی به‌ڵا وموصيبه‌تێك ببێت و بڵێت: (انا لله وانا اليه راجعون) واتا : [ ئێمه هه‌ر هی خواین هه‌ر بۆلای ئه‌ویش ده‌گه‌ڕێینه‌وه]، وه بڵێت خوایه پاداشتم بده‌ره‌وه له‌سه‌ر ئه‌و به‌ڵایه‌ی توشم هاتوه و چاكتر له‌وه‌ی لێت سه‌ندوم پێم ببه‌خشه، له به‌رامبه‌ردا خوا پاداشتی چاكتری ده‌داته‌وه و چاكتری پێ ده‌به‌خشێت (ام سلمه) ده‌ڵێت: كاتێ (ابوسلمه) وه‌فاتی كرد، من ئه‌وه‌م ووت كه پێغه‌مبه‌ر (صلی الله عليه وسلم) فه‌رمانی پێكردبووم، ئیتر ئه‌وه بوو خوای گه‌وره هاوسه‌ری له‌و چاكتری پێ به‌خشیم كه پێغه‌مبه‌ری خوابوو (صلی الله عليه وسلم).
ئاوه‌ڕ بده‌ره‌وه له حاڵی دایكی سه‌له‌مه خوای لێی رازی بێت چی ووت له كاتی مردنی مێرده‌كه‌ی كه ئه‌بو سه‌له‌مه بوو خوا لێی رازی بێت، خوای گه‌وره پاداشتی دایه‌وه له‌سه‌ر موسیبه‌ته‌كه‌ی، وه باشتریشی پێ به‌خشی له جیاتی ئه‌بو سه‌له‌مه، ئه‌وه بوو خوای گه‌وره هاوسه‌ری له‌و چاكتری پێ به‌خشی كه پێغه‌مبه‌ری خوا بوو (صلی الله عليه وسلم)..
هه‌ندێ جار ئه‌و شته‌ی له ده‌س مرۆڤ ده‌چێت و لێی ده‌سێندرێته‌وه، ئه‌وه خوای گه‌وره یان پاداشتی چاكتری ده‌داته‌وه و چاكتری پێ ده‌به‌خشێت له دونیادا، یان له رۆژی دواییدا، یان له هه‌ردوكیان پێكه‌وه ده‌بێت.
