باسی ته‌وازع و ڕاخستنی باڵی به‌زه‌یی ونه‌رم و نیانی بۆ ئیمانداران

باسی ته‌وازع و ڕاخستنی باڵی به‌زه‌یی ونه‌رم و نیانی بۆ ئیمانداران

] kurdish – كوردی – كردي [

پشتیوان صابر عزیز

2015 - 1436

باب التواضع وخفض الجناح للمؤمنين

« باللغة الكردية »

بشتيوان صابر عزيز

2015 - 1436

باسی ته‌وازع و ڕاخستنی باڵی به‌زه‌یی ونه‌رم و نیانی بۆ ئیمانداران

ئایه‌تی قورئانی پیرۆز:

خوای گه‌وره‌ ده‌فه‌رموێت: { وَاخْفِضْ جَنَاحَكَ لِمَنِ اتَّبَعَكَ مِنَ المُؤْمِنِينَ } [ الشعراء : 215 ].

واته‌:و باڵی به‌زه‌یی و نه‌رم و نیانیت ڕاخه‌ بۆ ئه‌و باوه‌ڕدارانه‌ی که‌ شوێنت که‌وتوون.

فه‌رمووده‌ی پێغه‌مبه‌رﷺ‬ :

عن أَبي هريرة t: أنَّ رسول الله ﷺ‬، قَالَ : (( مَا نَقَصَتْ صَدَقَةٌ مِنْ مَالٍ،وَمَا زادَ اللهُ عَبْداً بعَفْوٍ إِلاَّ عِزّاً، وَمَا تَوَاضَعَ أحَدٌ للهِ إِلاَّ رَفَعَهُ اللهُ )) [ رواه مسلم].

واته‌: (أبو هریره‌) (خوای لێ ڕازی بێت) ده‌ڵێ: پێغه‌مبه‌ر (صلی الله عليه وسلم) فه‌رموویه‌تی: (به‌خشین هیچ كاتێك سه‌رمایه‌ كه‌م ناكاته‌وه‌، هه‌ر به‌نده‌یه‌ك لێبوردنێك بنوێنێ خوا زیاتر سه‌ر به‌رزی ده‌كات، هه‌روه‌ها هه‌ر كه‌سێكیش له‌به‌ر خوا ملكه‌چی بنوێنێت خوا به‌رزی ده‌كاته‌وه‌).

ڕاڤه‌ وروونكردنه‌وه‌:

یه‌كه‌م: ته‌وازع وملكه‌چی پێچه‌وانه‌ی خۆ به‌گه‌وره‌ زانینه‌.

دووه‌م: نابێت مرۆڤ خۆی به‌ گه‌وره‌ بزانێت به‌سه‌ر كه‌سانی تره‌وه‌، به‌ هۆی زانستیه‌وه بێت‌ یان پله‌ وپاییه‌وه‌ یان ده‌سه‌ڵات‌.

سێهه‌م: پێویسته‌ مرۆڤی موسڵمان باڵی به‌زه‌یی ونه‌رم نیانی ڕابخات بۆ برا ئیمانداره‌كانی.

چواره‌م: هه‌ركه‌سێك ته‌وازع وملكه‌چی بنوێنێت له‌به‌ر خوا، ئه‌وه‌ خوای گه‌وره‌ به‌رزی ده‌كاته‌وه‌.

پێنجه‌م: موسڵمان به‌رامبه‌ر برای موسڵمانی موته‌وازع و ملكه‌چه‌، به‌ڵام به‌رامبه‌ر كافرو بێباوه‌ڕ عه‌زیز وسه‌ربه‌رزه‌.

داواكارم له‌ خوای گه‌وره‌ سیفه‌تی ته‌وازع و نه‌رم ونیانیمان پی ببه‌خشێت...