<ul></ul><div class="rtl start"><div class="rtl start"><p class="rtl center" id="p1">مه‌ترسی تێكه‌ڵاوی له‌ ناوه‌نده‌كانی خوێندا</p><p class="rtl center" id="p2">] kurdish – كوردی – كردي [</p><p class="rtl center" id="p3">شێخ محمد جميل زينو</p><p class="rtl center" id="p4">وەرگێڕانی: ئومێد عمر چرۆستانی</p><p class="rtl center" id="p5">پێداچونه‌وه‌ی: پشتیوان سابیر عه‌زیز</p><p class="rtl center" id="p6">2014 - 1436</p></div><b class="rtl start"><span class="rtl start"></span></b><div class="rtl start"><p class="rtl center" id="p7">خطر الاختلاط في المدارس</p><p class="rtl center" id="p8"><span class="c3">« باللغة الكردية »</span></p><p class="rtl center" id="p9">محمد بن جميل زينو</p><p class="rtl center" id="p10">ترجمة: أوميد عمر علي</p><p class="rtl center" id="p11">مراجعة: بشتيوان صابر عزيز</p><p class="rtl center" id="p12">2014 - 1436</p></div><b class="rtl start"><span class="rtl start"></span></b><div class="rtl start"><p class="rtl center" id="p13">مه‌ترسی تێكه‌ڵاوی له‌ ناوه‌نده‌كانی خوێندا</p><p class="rtl justify" id="p14">سوپاس وستایش بۆ خوای گه‌وره‌ ومیهره‌بان ودروود وصه‌ڵات وسه‌لام له‌سه‌ر پێشه‌وای مرۆڤایه‌تی محمدی پێغه‌مبه‌ری ئیسلام و ئال وبه‌یت و هاوه‌ڵ وشوێنكه‌وتوانی هه‌تا هه‌تایه‌ .</p><p class="rtl justify" id="p15">بێگومان تێكه‌ڵاوی كوڕ وكچ به‌ تایبه‌تی له‌ناوه‌نده‌كانی خوێندندا مه‌ترسیه‌كی گه‌وره‌ی هه‌یه‌‌ له‌سه‌ر ئێستا وئاینده‌ی نێر ومێ وپڕۆسه‌ی خوێندن، و كچان و كوڕانی خوێندكاریش .</p><p class="rtl justify" id="p16">1- له‌ ئه‌نجامی تێكه‌ڵاوی كوڕان وكچان ڕووداوی زۆر سه‌یر وسه‌مه‌ره‌ و نه‌خوازراو ڕوویانداوه‌ و ڕوو ده‌ده‌ن، بۆ نمونه‌ له‌‌ ووڵاتێكی عه‌ره‌بی، یه‌كێك له‌ كولێژه‌كانی كشتوكاڵ تاقیكردنه‌وه‌یه‌كی بۆ خوێندكاره‌ كچ وكوڕه‌كانی ئه‌نجامدا، دوای ئه‌وه‌ی تاقیكردنه‌وه‌كه‌یان به‌جێهێشت یه‌كێك له‌ خوێندكاره‌ كوڕه‌كان خوێندكارێكی كچی برده‌ جێگایه‌كی پێچ ودوور له‌ چاوی خه‌ڵكی بۆ ئه‌وه‌ی ماوه‌یه‌ك پێكه‌وه‌ به‌ته‌نها بن، له‌و كاته‌دا پاسه‌وانی كیڵگه‌ كشتوكاڵیه‌كه‌ پێی زانین و چاوی لێیان بوو كه‌ پێكه‌وه‌ به‌ ته‌نها چوونه‌ یه‌كێك له‌ سه‌رئاوه‌كان، ڕووداوی له‌م شێوه‌یه‌ و هاوشێوه‌كانی بێگومان ڕۆژانه‌ له‌و جێگایانه‌ی كه‌ تێكه‌ڵاوی كوڕان وكچان تێیاندا ئاساییه‌ ڕوو دوه‌ده‌ن، ئه‌مه‌ش كاریگه‌ری خراپی ده‌بێت له‌سه‌ر سومعه‌ وڕێزی ئه‌و خوێندكاره‌ كچه‌ پێش خوێندكاره‌ كوڕه‌كه‌ .</p><p class="rtl justify" id="p17">2- له‌ زۆرێك له‌و خوێندگایانه‌ی كه‌ تێكه‌ڵاون، مامۆستایانی پیاو ئافره‌ت پێكه‌وه‌ له‌ ژورێكدا داده‌نیشن، وسه‌رگه‌رمی گاڵته‌ وگه‌پ وسوعبه‌ت كردن وپێكه‌نین به‌ده‌م یه‌كه‌وه‌ ده‌بن، بێگومان ئه‌مه‌ش له‌ڕووی شه‌رعه‌وه‌ كارێكی خراپ و نادروسته‌، چونكه‌ ئه‌م تێكه‌ڵاوبوونه‌وه‌ كاریگه‌ری خراپ به‌جێ ده‌هێڵێت له‌سه‌ر ده‌روونی پیاو وژن، چونكه‌ ئه‌و پیاوه‌ی كه‌ له‌ خوێندگاكه‌یدا له‌گه‌ڵ مامۆستایانی ئافره‌ت تێكه‌ڵاوه‌، به‌ شێوه‌یه‌ی پێشوو گرنگی به‌ ژنه‌كه‌ی خۆی نادات و وه‌ك پێشووتر پێی موعجه‌ب نییه‌، چونكه‌ له‌ ژنه‌كه‌ی خۆی جوانتر و قسه‌ خۆشتر ده‌بینێت، ئه‌مه‌ش سه‌رده‌كێشێت بۆ ته‌ڵاق وجیابوونه‌وه‌، هه‌موو هۆكاره‌كه‌ش بۆ ئه‌و مامۆستا سافیره‌یه‌ ده‌گه‌ڕێته‌وه‌ كه‌ له‌گه‌ڵ ئه‌م مامۆستا پیاوه‌دا داده‌نیشێت وهیچ سنورێكیان نه‌هێشتوه‌ته‌وه‌ كه‌ نه‌یانبه‌زاندبێت .</p><p class="rtl justify" id="p18">3- ئه‌م تێكه‌ڵاویه‌ كاریگه‌ری خراپیشی هه‌یه‌ له‌سه‌ر ڕه‌وشت و ئاكاری قوتابیان و خوێندكاران، ته‌نانه‌ت ئه‌و مێرمنداڵانه‌ی كه‌ مامۆستایه‌كی سه‌ر وقاچ ڕووت وانه‌یان پێده‌ڵێت هه‌میشه‌ سه‌رگه‌رمی زینده‌ خه‌و و خه‌یاڵ كردنن له‌گه‌ڵ ده‌روونی خۆیاندا، چونكه‌ زانستی ده‌روون ناسی مێردمنداڵان ئه‌وه‌ پشت ڕاست ده‌كه‌نه‌وه‌، كوڕان له‌و قۆناغه‌دا حاڵه‌تێكی نائاساییان هه‌یه‌، و به‌ بچوكترین دیارده‌ی بینینی ئافره‌ت ده‌وروژێن وئاگایان له‌خۆیان نامێنێت، به‌ تایبه‌تی ئه‌گه‌ر هاتوو مامۆستایه‌كی ئافره‌تی گه‌نج به‌ شێوه‌یه‌كی له‌ڕاده‌ به‌ده‌ر و به‌ جۆره‌ها ماكیاج كردن خۆی ڕازاندبێته‌وه‌، بۆیه‌ ده‌بێت ناوه‌نده‌كانی خوێندن له‌ پێناو سه‌ركه‌وتنی پڕۆسه‌ی خوێندن زیاترهۆشیار بن وكوڕان وكچان به‌هه‌موو شێوه‌یه‌ك لێك جودا بكه‌نه‌وه‌ .</p><p class="rtl justify" id="p19">4- تێكه‌ڵاوی كوڕان و كچان له‌ ناوه‌نده‌كانی خوێندندا پرۆسه‌ی خوێندن تووشی ئیفلیجی ده‌كات، چونكه‌ له‌وه‌ها كه‌شو هه‌وایه‌كه‌دا كچان وكوڕان هێنده‌ی سه‌رگه‌رمی گرنگی دانن به‌ شكڵ وستایل ودیكۆری ده‌ره‌وه‌یان نیو هێنده‌ خه‌ریكی خوێندنی وانه‌ وپێداچوونه‌وه‌ و گوێ گرتن نابن له‌ مامۆستا له‌كاتی شه‌رحكردنی وانه‌كه‌یدا، چونكه‌ ڕه‌گه‌زی به‌رامبه‌ری پانتاییه‌كی گه‌وره‌ی له‌ مێشك وزهنی داگیر كردووه‌، به‌ پێی لێكۆڵینه‌وه‌كانیش كه‌ ووڵاتانی ڕۆژئاوا كراوه‌، ئه‌و خوێندگا و قوتابخانانه‌ی كه‌ تێكه‌ڵاو نیین، خوێندكاره‌كانی زیره‌ك تر وسه‌ركه‌وتوو ترن له‌و خوێندگا وقوتابخانانه‌ی كه‌ كچ وكوڕ تیایدا تیكه‌وڵاون .</p><p class="rtl justify" id="p20">5- سه‌رباری ئه‌وه‌ی زۆرترین گیروگرفتی كۆمه‌ڵایه‌تی ڕووبه‌ڕووی به‌ڕێوبه‌رایه‌تی ئه‌و خوێندنگایانه‌ ده‌بێته‌وه‌ كه‌ تێكه‌ڵاوون، هه‌ندێك جار كار كێشه‌كان ڕووبه‌ڕووی‌ بنكه‌كانی پۆلیس ودادگاكانیش ده‌بنه‌وه‌، نه‌ك هه‌ر هێنده‌ بگره‌ كوشتار وخوێنیشی لێ ده‌بێته‌وه‌.</p><p class="rtl justify" id="p21">6- بۆیه‌ داوایه‌ك ئاڕاسته‌ی به‌رپرسانی حكومه‌ت و ده‌سه‌لات ده‌كه‌ین كه‌ چاوێك به‌ یاسا و ڕێماییه‌كانی وه‌زراه‌تی په‌روه‌رده‌ له‌م بواره‌دا بخشێنه‌وه‌ بۆ ئه‌وه‌ی نه‌وه‌یه‌كی خوێنده‌واری ته‌ندروست به‌رهه‌م بهێنین، كه‌ ئاینده‌یه‌كی گه‌ش بۆ ووڵات ونیشتمان به‌یارمه‌تی خوای گه‌وره‌ مسۆگه‌ر بكه‌ن .</p><p class="rtl justify" id="p22">وصلی الله وسلم علی سیدنا محمد وعلی آله وصحبه وسلم</p><p class="rtl justify" id="p23">نووسینی : محمد جمیل زینۆ</p><p class="rtl justify" id="p24">وه‌رگێڕانی به‌كه‌مێك ده‌ستكارییه‌وه‌ : حاجی ئومێد چرۆستانی</p><p class="rtl justify" id="p25">سه‌رچاوه‌ : په‌رتووكی <span class="c2">( تكریم الإسلام للمرأة)</span> .</p></div></div>