ئامۆژگاری قوتابی زانسته‌ شه‌رعیه‌كان ده‌رباره‌ی چۆنیه‌تی بانگه‌واز كردنی خه‌ڵكی بۆ ته‌وحید ویه‌كخواناسین

ئه‌م پرسیاره‌ ئاڕاسته‌ی شێخ عبدالعزیز بن باز كراوه‌ ( ڕه‌حمه‌تی خوای لێ بێت) :

پرسیار: ئایه‌ ئه‌و ئامۆژگاریه‌ چیه‌ كه‌وا پێشكه‌شی قوتابی زانسته‌ شه‌رعیه‌كانی ده‌كه‌یت ده‌رباره‌ی چۆنیه‌تی مامه‌ڵه‌كردن له‌گه‌ڵ ئه‌و كه‌سانه‌ی كه‌ زۆر جار روبه‌رویان ده‌بینه‌وه‌ له‌ كاتی بانگه‌واز كردنیان؟ وه‌ ئایه‌ چی بكه‌یین ئه‌گه‌ر ئامۆژگاریان وه‌رنه‌گرت؟

وه‌ڵام: ئامۆژگاریان ده‌كه‌ییت به‌ نه‌رم ونیانی وه‌ بانگه‌وازیان ده‌كه‌ییت بۆ لای خوای گه‌وره‌، وه‌ یه‌كخواناسین و هاوبه‌شدانانیان بۆ روون ده‌كه‌یته‌وه‌ به‌ نه‌رمی، به‌ڵكو خوای گه‌وره‌ هیدایه‌تیان بدات.

وه‌ ئه‌گه‌ر ئامۆژگاریان وه‌رنه‌گرت ئه‌وه‌ دوور ده‌گه‌ویته‌وه‌ لێیان، وه‌ ته‌بڕا ده‌كه‌ییت له‌ كرده‌وه‌كانیان، مه‌گه‌ر ئومێدی ئه‌وه‌ت هه‌بێت خوای گه‌وره‌ هیدایه‌تیان بدات، ئه‌وه‌ به‌رده‌وام ده‌بیت له‌ ئامۆژگاری كردنیان به‌ كارهێنانی هۆكاره‌كان، وه‌ ئه‌گه‌ر ئارام بگری له‌سه‌ریان ئه‌وه‌ چاكتره‌ و خوای گه‌وره‌ پاداشتی خێرت ده‌داته‌وه‌.

سه‌رچاوه‌: سایتی شێخی پایه‌ به‌رز عبد العزیز بن باز ره‌حمه‌تی خوای لێ بێت www.binbaz.org