API
ڕێگریكردن له خراپه‌یه‌ك له‌لایه‌ن كه‌سێكه‌وه له‌كاتێكدا ئه‌و كه‌سه خۆی ئه‌و خراپه‌یه ئه‌نجام بدات
پۆڵێنه‌كان
Full Description
ڕێگریكردن له خراپه‌یه‌ك له‌لایه‌ن كه‌سێكه‌وه له‌كاتێكدا ئه‌و كه‌سه خۆی ئه‌و خراپه‌یه ئه‌نجام بدات
] kurdish – كوردی – كردي [
شێخ عبد الله عبدالرحمن الجبرین
وه‌رگێڕانی: ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2013 - 1435
إنكار المنكر وإتيانه من نفس الشخص
« باللغة الكردية »
الشیخ عبد الله بن عبد الرحمن الجبرين
ترجمة: فريق قسم اللغة الكردية بموقع دار الإسلام
مراجعة: بشتيوان صابر عزيز
2013 - 1435
ڕێگریكردن له خراپه‌یه‌ك له‌لایه‌ن كه‌سێكه‌وه له‌كاتێكدا ئه‌و كه‌سه خۆی ئه‌و خراپه‌یه ئه‌نجام بدات
ئه‌م پرسیاره ئاڕاسته‌ی شێخ عبد الله بن جبرین كرا( ڕه‌حمه‌تی خوای لێ بێت) :
پرسیار : ئایا ئه‌و كه‌سه‌ی ڕێگری ده‌كات له خراپه‌كردن مه‌رجه خۆی ئه‌و خراپه‌یه ئه‌نجام نه‌دات ؟
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه .
هه‌ڕه‌شه‌ی توند كراوه له‌و كه‌سه‌ی كه فه‌رمان ده‌كات به چاكه و ڕێگری ده‌كات له خراپه، به‌ڵام ئه‌و خراپه‌یه‌ی كه ئه‌و ڕێگری لێ ده‌كات ئه‌نجامی ده‌دات، وه ئه‌و چاكه‌یه‌شی كه فه‌رمانی پێ ده‌كات خۆی ئه‌نجامی نادات، ئه‌وه‌تانێ پێغه‌مبه‌ری خوادا (صلی الله علیه وسلم) فه‌رموویه‌تی : « يجاء بالرجل يوم القيامة فيلقى في النار , فتندلق أقتاب بطنه , فيدور فيها كما يدور الحمار بالرحا , فيجتمع عليه أهل النار , فيقولون : مالك يا فلان , ألم تكن تأمر فينا بالمعروف , وتنهانا عن المنكر ؟ فيقول كنت آمر بالمعروف ولا آتيه , وأنهى عن المنكر وآتيه »[ أخرجه البخاري برقم : 3267 ، ومسلم برقم :2989].
واتا : له‌ڕۆژی دواییدا پیاوێك ده‌هێنن و ده‌یخه‌نه ناو ئاگری دۆزه‌خه‌وه، هه‌موو ڕیخۆڵه و ئه‌وه‌ی له‌ناو سكیدا هه‌یه دێته ده‌ره‌وه، ئه‌ویش وه‌ك چۆن گوێدرێژ به‌ده‌وری ئاشدا ده‌سوڕێته‌وه ئاوا به‌چوار ده‌وری خۆیدا ده‌سوڕێته‌وه، ئه‌مجا له‌هه‌موو لایه‌كه‌وه به ئاگر ده‌وره ده‌درێت، وپێی ده‌ڵین . ئه‌ی فڵان كه‌س ئه‌وه چیه، باشه تۆ نه‌بوویت فه‌رمانت پێ ده‌كردین به‌چاكه و ڕێگریت لێ ده‌كردین له خراپه ؟ ئه‌ویش ده‌ڵیت : من فه‌رمانم پێ ده‌كردن به چاكه به‌ڵام خۆم ئه‌نجامم نه‌ده‌دا، وه ڕێگریم ده‌كردن له خراپه كه‌چی خۆم پێی هه‌ڵده‌سام .
پیاوێك هاته خزمه‌ت عبد الله‌ی كوڕی عه‌باس و داوای مۆڵه‌تی لێ كرد كه ڕێگای بدات كه فه‌رمان بكات به چاكه و ڕێگری بكات له‌خراپه، ئه‌ویش پێی ووت : ئه‌ی له‌وه ناترسیت كه سێ ئایه‌ت له قورئانی پیرۆز ئابڕووت به‌ری ئه‌وه بیكه، ئه‌مجا باسی ئه‌و ئایه‌ته‌ی كرد كه خوای گه‌وره ده‌فه‌رموێت :
▬ أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ ♂ [ سورة البقرة ، الآية : 44 ] واتا : ئايا ئێوه فه‌رمانی ده‌كه‌ن به خه‌ڵكی به چاكه كردن، كه‌چی خۆتانتان له‌بیرچووه‌ته‌وه، پاشان باسی ئه‌و ئایه‌ته‌ی تری كرد كه خوای گه‌وره فه‌رموویه‌تی : ▬ وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ إِنْ أُرِيدُ إِلَّا الْإِصْلاحَ مَا اسْتَطَعْتُ ♂ [ سورة هود ، الآية : 88 ] واتا : من نامه‌وێت قه‌ده‌غه‌ی شتێکتان لێ بکه‌م، که‌چی خۆم وه‌ك ئێوه نه‌که‌م ( چی به ئێوه بگه‌یه‌نم خۆم له پێشدا ئه‌نجامی ده‌ده‌م) من هیچم ناوێت ته‌نها چاکسازی نه‌بێت، به‌گوێره‌ی تواناي خۆم، ئه‌مجا باسی ئه‌و ئایه‌ته‌شی كرد : ▬ كَبُرَ مَقْتاً عِنْدَ اللَّهِ أَنْ تَقُولُوا مَا لا تَفْعَلُونَ ♂ [ سورة الصف ، الآية : 30 ] واتا : لای خودا مایەی خەشمێکی زۆر گەورەیە کە قسەیەك بکەن و خۆتان کاری پێ نەکەن .
له‌گه‌ڵ ئه‌وه‌شدا دروسته كه‌سی سه‌رپێچیكاری جۆرێك له‌گوناهـ ، هه‌ستێت به بانگه‌واز و ده‌عوه بۆلای خوای گه‌وره، و ئامۆژگاری كردنی خه‌ڵكی، چونكه به‌ڕاستی كه‌سێك كه گوناهو سه‌رپێچی نه‌بێت زۆر كه‌مه، چونكه ئه‌گه‌ر ووتمان ئه‌و كه‌سه‌ی كه فه‌رمان ده‌كات به چاكه و ڕێگری ده‌كات له‌خراپه ده‌بێت خۆی كه‌سێكی پاكوخاوێن بێت له‌هه‌موو گوناهو سه‌رپێچی و تاوانێك، ئه‌وا پڕۆسه‌ی فه‌رمان به‌چاكه و ڕێگری كردن له‌خراپه ده‌وه‌ستێت، چونكه زۆر به ده‌گمه‌ن كه‌سێك ده‌بینیته‌وه كه گوناهو تاوانی نه‌بێت، چونكه ته‌نها پێغه‌مبه‌ران (سه‌لامی خوایان لی بێت) مه‌عصوم بوون له تاوان و گوناهـ ، هێنده‌ش هه‌یه ئه‌و كه‌سه‌ی كه خه‌ڵكێك بانگ ده‌كات بۆ چاكه‌یه‌ك ده‌بێت خۆی پێشه‌نگ بێت له‌كردنی ئه‌و كاره خێره‌دا، و پێش خه‌ڵكانی تر بكه‌وێت، ئه‌گه‌ر چی له‌هه‌ندێك طاعه‌تی تردا كه‌مته‌رخه‌م بێت، به هه‌مان شێوه ئه‌گه‌ر هاتوو ڕێگری خه‌ڵكی كرد له خراپه‌یه‌ك، ده‌بێت خۆی دوورترین كه‌س بێت له‌و خراپه وتاوانه، ئه‌گه‌ر چی هه‌ندێك خراپه‌ی تریشی ئه‌نجام ده‌دا، له‌گه‌ڵ ته‌وبه و په‌شیمان بوونه‌وه له‌و خراپانه و سوور بوونی له‌سه‌ر طاعه‌ت و عیباده‌ته‌كانی خوای گه‌وره، تاوه‌كو قدوه و پشه‌نگی خێر بیت له كار و كرده‌وه و گوفتارییدا .
خوای گه‌وره‌ش زاناتره .
سه‌رچاوه : ماڵپه‌ری شیخ عبد الله بن جبرين .
