API
ئۆتۆمبیلێكی فرۆشت به پێشنگایه‌ك وپاشان داوای كرد له‌هاوڕێیه‌كی هه‌مان ئوتۆمبیلی بۆ بكرێته‌وه
پۆڵێنه‌كان
- سوود ( ربا ) << كڕین وفرۆشتن << مامه‌ڵه‌كان << فیقه
Full Description
ئۆتۆمبیلێكی فرۆشت به پێشنگایه‌ك وپاشان داوای كرد له‌هاوڕێیه‌كی هه‌مان ئوتۆمبیلی بۆ بكرێته‌وه
] kurdish – كوردی – كردي [
ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2013 - 1435
شخص باع سيارته للمعرض ثم اشتراها منه عن طريق زميله
« باللغة الكردية »
فريق قسم اللغة الكردية بموقع دار الإسلام
مراجعة: بشتيوان صابر عزيز
2013 - 1435
ئۆتۆمبیلێكی فرۆشت به پێشنگایه‌ك وپاشان داوای كرد له‌هاوڕێیه‌كی هه‌مان ئوتۆمبیلی بۆ بكرێته‌وه
پرسیار : من ئۆتۆمبیلێكم فرۆشت به‌یه‌كێك له پیشانگاكانی ئۆتۆمبیل فرۆشتن به پاره‌یه‌كی كاش ( حازر ) پاش ئه‌وه داوام كرد له براده‌رێكی خۆم ئه‌و ئۆتۆمبیله‌ی خۆمم بۆ بكڕیته‌وه، به ( قسط ) و به پاره‌یه‌كی زیاتر له‌و نرخه‌ی كه خۆم فرۆشتوومه، ئایا ئه‌م مامه‌ڵه‌یه‌ی من حه‌ڵاڵه یان حه‌رامه ؟ خوای گه‌وره پاداشتی خێرتان بداته‌وه .
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه .
ئه‌و مامه‌ڵه‌یه‌ی كه باست كردووه له پرسیاره‌كه‌دا دروست نییه، چونكه جۆرێكه له فێڵكردن بۆ وه‌رگرتنی سوو ( ربا )، چونكه كاتێك ئۆتۆمبیله‌كه‌ت فرۆشتوه به‌و پێشانگایه ته‌نها مه‌به‌ست لێی به‌ده‌ستهێنانی بڕێك پاره بووه، نه‌ك مه‌به‌ست لێی فرۆشتنی خودی ئۆتۆمبیلكه بێت، وه گه‌ر نا جه‌نابت جارێكی تر ئه‌و ئۆتۆمبیله‌ت نه‌ده‌كڕیه‌وه، به‌مه‌ش مه‌سئه‌له‌كه وای لێ دێت خاوه‌ندارێتی ئۆتۆمبیله‌كه ده‌گه‌ڕێته‌وه بۆ خۆت ئه‌ویش له‌ڕێگای كڕینی ئه‌و ئۆتۆمبیله له‌لایه‌ن هاوڕێكه‌ته‌وه، پاشان جه‌نابیشت نرخی ئۆتۆمبیله‌كه به شێوه‌ی (قسط) ده‌ده‌یت به هاوڕێكه‌ت، له‌كۆتاییه‌وه وای لێ دێت كه ئه‌و پاره‌یه‌ت له‌و كه‌سه به قه‌رز وه‌رگرتبێت بۆ ماوه‌یه‌كی دیاری كراو، پاشان گه‌ڕانه‌وه‌ی به زیاتر بۆ خاوه‌ن قه‌رزه‌كه، ئه‌مه‌ش وه‌ك ووتمان فێڵكردنه بۆ وه‌رگرتنی سوو ( ربا ) .
شێخ الإسلام ابن تیمیه‌ش (ڕه‌حمه‌تی خوای لێ بێت) ده‌ڵێت : « فمتى كان مقصود المتعامل : دراهم بدراهم إلى أجل - فإنما الأعمال بالنيات وإنما لكل امرئ ما نوى - ... ، فإنه ربا سواء كان يبيع ثم يبتاع ، أو يبيع ويقرض ، وما أشبه ذلك » [ مجموع الفتاوى كه‌مێك به‌ده‌ستكاریه‌وه (29/432 - 433) ] واتا : هه‌ركاتێك مه‌به‌ستی ئه‌و كه‌سه‌ی كه ده‌كڕێت یان ده‌فرۆشێت ته‌نها گۆڕینه‌وه‌ی درهه‌م به درهه‌م بێت بۆ ماوه‌یه‌ك ( ئه‌وه كاروكرده‌وه‌كان به پێی نیه‌ته‌كانه، وه هه‌موو كه‌سێكیش ئه‌و شته‌ی بۆ هه‌یه كه نیه‌تی بۆ هێناوه ) ئه‌مه‌ش سوو ( ربا ) یه جا چی بفرۆشێت و پاشان بیكرێته‌وه، یان بیفرۆشێت و به‌قه‌رزی وه‌ربگرێت، و هه‌روه‌ها نمونه‌ی ئه‌مانه و هاوشێوه‌كانی ...
بۆیه ئامۆژگاری جه‌نابت و سه‌رجه‌م برایانی تریشمان ده‌كه‌ین كه دوور بكه‌ونه‌وه له‌وه‌ها مامه‌له‌كردنێك، چونكه ئه‌م جۆره مامه‌ڵانه بووه به‌هۆی قه‌رزاربار بوونێكی زۆری هه‌ندێك له‌و كه‌سانه كه ئه‌م جۆره مامه‌ڵانه ده‌كه‌ن، پاشان له كۆتاییشه‌وه ئیفلاسیان كردووه و ناچار یان هه‌ڵهاتوون، یان خۆیان كوشتوه.
خوای گه‌وره‌ش زاناتره .
