<ul></ul><div class="rtl start"><p class="rtl center" id="p1">رامزان ئېيى باشقا ئايلارغا ئوخشىمايدۇ</p><p class="ltr center" id="p2"><span dir="rtl">ئۇيغۇرچە-</span><span dir="rtl">الأويغورية</span><span dir="rtl">]</span>-uyghur]</p><p class="ltr center" id="p3"><span dir="rtl">پەزىلەتلىك </span><span dir="rtl">شەيخ ھۈسەين ئىبنى ئابدۇلئەزىز ئال شەيخ</span></p><p class="ltr center" id="p4"><span dir="rtl">تەرجىمە قىلغۇچى: سەيپىددىن ئەبۇ ئابدۇلئەزىز</span></p><p class="ltr center" id="p5"><span dir="rtl">تەكشۇرۇپ بېكىتكۈچى : </span><span dir="rtl">ن.تەمكىنى</span></p><p class="ltr center" id="p6"><span dir="rtl">نەشىر ھوقۇقى مۇسۇلمانلارغا مەنسۇپ</span></p><p class="ltr center" id="p7">2009 - 1430</p><p class="rtl center" id="p8">﴿ شهر رمضان ﴾</p><p class="rtl center" id="p9"><span class="c3">«باللغة الأويغورية»</span></p><p class="rtl center" id="p10">فضيلة الشيخ حسين بن عبد العزيز آل شيخ</p><p class="ltr center" id="p11"><span dir="rtl">ترجمة: سيف الدين أبو عبد العزيز</span></p><p class="ltr center" id="p12"><span dir="rtl"> مراجعة: ن. تمكيني</span></p><p class="ltr center" id="p13"><span dir="rtl">حقوق الطبع والنشر لكل مسلم</span></p><p class="ltr center" id="p14">2009 - 1430</p><p class="rtl center" id="p15">رامزان ئېيى باشقا ئايلارغا ئوخشىمايدۇ</p><p class="rtl center" id="p16">2009-يىلى 08- ئاينىڭ 22-كۈنىدىكى جۈمە خۇتبىسىنىڭ قىسقىچە مەزمۇنى</p><p class="rtl justify" id="p17">پەيغەمبەرئەلەيھىسسالام مەسچىتىنىڭ ئىمامى ئاللاھنى ماختاپ پەيغەمبەرئەلەيھىسسالامغا دۇرۇت سالام يوللاپ جۈمە نامىزى ئۈچۈن جەم بولغان يۈزمىڭلىغان جامائەتكە "ئاللاھ تائالا رامزان ئېيىنى روزا تۇتۇش، كېچىدە ناماز ئوقۇش بىلەن بەركەتلىك قىلدى،<span class="c6"> ئاللاھقا يېقىنلىشىدىغان ياخشى ئەمەللەرگە ئالدىراپ پۇرسەتنى غەنىمەت بىلىش لازىم" دېگەن مەزمۇندا تۆۋەندىكى تەۋسىيەلەرنى قىلدى:</span></p><p class="rtl justify" id="p18">ئاللاھ رامزان ئېيىنى ياخشىلىقتا بەسلىشىدىغان مەيدان قىلدى. بۇ ئايدا بەندىلەرگە تۈرلۈك نېمەتلەرنى ئاتا قىلدى.<span class="c6"> پەيغەمبەرئەلەيھىسسالام ئاللاھ تائالادىن رىۋايەت قىلغان ھەدىس قۇدسىىيدا مۇنداق دېگەن:</span> <span class="c3">«روزا مەن ئۈچۈن بولىدۇ، ئۇنىڭ مۇكاپىتىنى ئۆزۈم بىرىمەن.»</span> پەيغەمبەرئەلەيھىسسالام ئۈممىتىنى رامزان ئېيىنى غەنىمەت بىلىپ ئاللاھ رازى بولىدىغان ۋە ئۇلارنى جەننەتكە يېقىنلاشتۇرىدىغان ئەمەللەرنى قىلىشقا چاقىرىق قىلدى.<span class="c6"> پەيغەمبەرئەلەيھىسسالام بۇ ھەقتە مۇنداق دەيدۇ:</span> <span class="c3">«ئى ياخشىلىقنى تەلەپ قىلغۇچى ئىنسان ئالغا ئىلگىرىلە! چەكلەنگەن ئىشلار ئۈستىدىكى ئىنسان يامانلىقتىن قولۇڭنى يىغقىن»</span>.</p><p class="rtl justify" id="p19">مۇسۇلمانلار بۇ ئاينى غەنىمەت بىلىپ ئۆزلىرىنى ئىسلاھ قىلىشى، ئۆز ئارىسىدا يۈزبەرگەن كەمچىلىك-خاتالىقلارنى تۈزىتىشكە تىرىشىشى لازىم. رامزان غاپىل ئاسىيلارنى ئاگاھلاندۇرىدىغان، خاتالىق ئۆتكۈزگۈچى گۇناھكارلارنى سەگەكلەشتۈرىدىغان ياخشى پۇرسەتتۇر.</p><p class="rtl justify" id="p20">پەيغەمبەرئەلەيھىسسالام مۇنبەرگە چىقىپ ئۈچ قېتىم ئامىن دەپ بولغاندىن كىيىن: <span class="c3">«ھازىر مېنىڭ يېنىمغا جەبرائىل ئەلەيھىسسالام كېلىپ رامزان ئېيىدىمۇ گۇناھى كەچۈرۈم قىلىنمىغان كىشى خارلىقتا ئۆتسۇن، ئاللاھ ئۇ كىشىنى دوزاخقا كىرگۈزسۇن ۋە رەھمىتىدىن يىراق قىلسۇن دېگەندىن كىيىن، مىنى ئامىن دېگىن دېدى، مەن ئامىن دېدىم»</span> دېگەن.</p><p class="rtl justify" id="p21">مۇسۇلمانلار رامزاننىڭ كۈندۈزنى روزا تۇتۇش، كېچىسىنى تەراۋىھ ۋە تەھەججۈد نامىزى ئوقۇش بىلەن بارلىق ۋاقىتلىرىنى جەننەتكە كېرىشكە سەۋەپ بولىدىغان، دوزاختىن يىراقلاشتۇرىدىغان ئەمەللەرنى قىلىش ئارقىلىق غەنىمەت بىلىشى كېرەك.<span class="c6"> پەيغەمبەرئەلەيھىسسالام بۇ ھەقتە مۇنداق دەيدۇ:</span> <span class="c3">«كىمكى رامزاندا ئاللاھنىڭ ۋەدىسىگە ئىشىنىپ ساۋاپ ئۈمىد قىلىپ روزا تۇتسا ئۇ كىشىنىڭ ئىلگىرىكى گۇناھلىرى مەغپىرەت قىلىنىدۇ. كىمكى رامزاننىڭ كېچىسىدە ئاللاھنىڭ ۋەدىسىگە ئىشىنىپ ساۋاپ ئۈمىد قىلىپ تەراۋىھ ئوقۇسا ئۇ كىشىنىڭ ئىلگىرىكى گۇناھلىرى مەغپىرەت قىلىنىدۇ. »</span> پەيغەمبەرئەلەيھىسسالام يەنە مۇنداق دەيدۇ: «رامزان ئېيى كىرگەندە جەننەتنىڭ ئىشىكى ئېچىلىدۇ، <span class="c2">(يەنە بىر رىۋايەتتە رەھمەتنىڭ ئىشىكلىرى ئېچىلىدۇ)</span> جەھەننەمنىڭ ئىشىكلىرى ئېتىلىدۇ، شەيتانلار زەنجىر بىلەن باغلىنىدۇ».</p><p class="rtl justify" id="p22">رامزاندا نەپسىمىزنى پەزىلەتلىك ئىشلارنى قىلىشقا، ياخشى خىسلەتلەرگە ئىنتىلىشكە، گۈزەل ھەرىكەتلەرنى روياپقا چىقىرىشقا ۋە ئېسىللىكنى يېتىلدۈرۈش ئاساسىدا تىرىشىپ تەربىيلىشىمىز كېرەك. بۇ ئاي قەلبلەر ۋە ئەزالارنى ئىپپەت، سالامەتلىك، پاكلىق ۋە خەير-ئېھسان بىلەن زىننەتلەش، ئەخلاقنى تۈزەش، نەپسانىي شەھۋەتكە ئەگىشىشتىن تىزگىنلەشنى تەقەززا قىلىدۇ.</p><p class="rtl justify" id="p23">روھانىيىتىنى تەربىيىلەش مۇسۇلمانلارنىڭ پۈتۈن ھاياتى ۋە بارلىق ئىشلىرىدىكى ۋەزىپىسىدۇر.<span class="c6"> ئاللاھ تائالا بىزگە روزىنىڭ ئالى مەقسىتىنى ۋە بۈيۈك نىشانىنى ئەسلىتىپ روزا توغرىسىدىكى ئايەتنىڭ تۈگەنچىسىدە مۇنداق دەيدۇ:</span> <span class="c3">«بۇ سىلەرنىڭ تەقۋادارلاردىن بولۇشۇڭلار ئۈچۈندۇر»</span>.<span class="c6"> پەيغەمبەرئەلەيھىسسالام مۇنداق دەيدۇ:</span> <span class="c3">«كىمكى يالغان سۆز ۋە يامان ئىشنى روزىدار تۇرۇپمۇ تاشلىمىسا، ئاللاھ ئۇ كىشىنىڭ يېمەي ۋە ئىچمەي يۈرۈشىگە ھاجىتى يوق.»</span> <span class="c2">(يەنى ئۇ ئادەمنىڭ تۇتقان روزىسىغا ساۋاپ بېرىلمەيدۇ)</span>.</p><p class="rtl justify" id="p24">ئاللاھ تائالا بۇ ئايدا قۇرئان-كەرىمنى نازىل قىلىپ، مۇسۇلمانلار ئۇستىگە يۈكلەنگەن ئەڭ بۈيۈك بولغان مەسئۇلىيەت ۋە كاتتا ۋەزىپىنى ئەسلەتتى، ئۇ بولسىمۇ ھەممە ئىشتا ئاللاھنىڭ كىتابى بولغان قۇرئان كەرىم ۋە پەيغەمبەرئەلەيھىسسالامنىڭ ھەدىسلىرىنىڭ كۆرسەتمىسى بىلەن ھۆكۈم قىلىشتۇر. ئىنسانلار قىيامەتتە ئۇستىگە يۈكلەنگەن ۋەزىپىسىدىن سۇئال قىلىنىدۇ، ئۇلار ئاللاھنىڭ ئالدىدا تۇرۇپ جاۋاپ بېرىشنى ئۇنتۇماسلىقى ۋە سوئالغا تەييارلىق قىلىشى كېرەك.</p><p class="rtl justify" id="p25">ھەر ساھە تەشۋىقات ۋە مېدىيا خىزمەت دائىرىسىدىكى مەسئۇللار، رامزاننىڭ ھەقىقى ماھىيىتى ۋە بۇ ئاينىڭ ھۆرمىتىنى چۈشىنىشى ئىنتايىن زۆرۈر بولۇپ، بۇ ئايدا جەمئىيەتنى چىرىتىدىغان ۋە پىتنىگە سەۋەپ بولىدىغان بىمەنە ھۆججەتلەرنى تارقىتىشتىن ساقلىنىشى لازىم. ئەگەر بۇ نۇقتىغا دىققەت قىلمايدىكەن ئاللاھ ۋە ئاللاھنىڭ رەسۇلىغا بويۇنتاۋلىق قىلغان بولىدۇ. ئىنسان ئۈچۈن ئاللاھ بىلەن قارشىلىشىش ۋە پەيغەمبەر ئەلەيھىسسالامنىڭ كۆزلىگەن نىشان-مەقسەتلىرىگە خىلاپلىق قىلىشتىنمۇ چوڭ جىنايەت بولمىسا كېرەك. ئۇلار ئەقلىنى ئىشلىتىپ بۇ ئايدا شەرىئەت بىلەن قارشىلىشىدىغان، مۇسۇلمان ئەۋلادلارنى ئەھمىيەتسىز ئويۇن تۇمانلىرىغا غەرق قىلىدىغان، ناچار ۋە ئەخلاقسىزلىقنى تەشەببۇس قىلىدىغان پروگراممىلارنى تارقىتىشتىن ساقلىنىپ، ئاللاھتىن گۇناھىنىڭ كەچۈرۈم قىلىنىشىنى تىلەپ تەۋبە قىلىشى كېرەك.</p><p class="rtl justify" id="p26">مۇسۇلمانلارنىڭ بۇ ئايدا سېخىلىقنىڭ تۈرلىرى بىلەن سۈپەتلىنىشى، بارلىق ياخشى خىسلەتلەر، ئېسىل ئەخلاقلار ۋە توغرا پرىنسىپ بىلەن زىننەتلىنىشى تەۋسىيە قىلىنىدۇ.<span class="c6"> ئىبنى ئابباس رەزىيەللاھۇ ئەنھۇ مۇنداق دېگەن:</span> "پەيغەمبەر ئەلەيھىسسالام كىشىلەر ئىچىدىكى ئەڭ سېخىي زات ئىدى، بولۇپمۇ رامزاندا جىبرىئل ئەلەيھىسسالام بىلەن ئۇچراشقاندا تېخىمۇ سېخىيلىشىپ كېتەتتى، پەيغەمبەر ئەلەيھىسسالام جىبرىئل ئەلەيھىسسالام بىلەن رامزاندا ھەر كېچىسى ئۇچرىشىپ قۇرئاندىن دەرس قىلىشاتتى. جەزمەنكى پەيغەمبەر ئەلەيھسسالامنىڭ جىبرىئل ئەلەيھىسسالام بىلەن ئۇچراشقان چاغدىكى سېخىيلىقى شامالدىنمۇ تېز ئىدى".</p><p class="rtl justify" id="p27">ئېسىل خىسلەتلەرنىڭ ئەڭ كاتتىسى، سېخىلىق تۈرلىرىنىڭ ئەڭ پەزىلەتلىكى قەلبىدىن چىقىرىپ روزا تۇتقۇچىلارغا ئىپتارلىق بېرىشتۇر.<span class="c6"> پەيغەمبەر ئەلەيھىسسالام بۇ ھەقتە مۇنداق دېگەن:</span> <span class="c3">«كىمكى روزا تۇتقۇچىغا ئىپتارلىق بەرسە روزا تۇتقۇچىنىڭ ئەجرىدىن ھېچنەرسە كىمەيتىۋېتىلمەستىن ئىپتار بەرگۈچىگە روزا تۇتقۇچىنىڭكىگە ئوخشاش ئەجىر بېرىلىدۇ»</span>.</p><p class="rtl justify" id="p28">رامزاندا بولۇپمۇ رامزاننىڭ ئاخىرقى ئون كۈنىدە قىلىنغان خەيرى- ئېھساننىڭ دەرىجىسى باشقا ۋاقىتتا قىلىنغان خەيرى- ئېھساندىن يۇقىرى بولىدۇ.<span class="c6"> ئاللاھ تائالا مۇنداق دەيدۇ:</span> <span class="c3">«ئاللاھغا قەرزى ھەسەنە بەرسەڭلار يەنى مەمنۇنىيەت بىلەن سەدىقە بەرسەڭلار ئاللاھ سىلەرگە ئۇنىڭ ساۋابىنى ھەسسىلەپ بېرىدۇ، سىلەرگە مەغپىرەت قىلىدۇ، ئاللاھ ئاز ياخشىلىققا كۆپ ساۋاپ بەرگۈچىدۇر، ھەلىمدۇر يەنى بەندىلىرىنى ئازابلاشقا ئالدىراپ كەتمەيدۇ»</span>.<span class="c6"> پەيغەمبەر ئەلەيھىسسالام مۇنداق دېگەن:</span> <span class="c3">«دوزاختىن ئاگاھ بولۇڭلار، يىرىمتال خورما چاغلىق نەرسە بولسىمۇ سەدىقە قىلىڭلار.»</span> سېخىلىقنىڭ يەنە بىر تۈرى رامزاندا ئۆمۈر قىلىش بولۇپ،<span class="c6"> سەھىھ ھەدىستە پەيغەمبەر ئەلەيھىسسالام مۇنداق دەيدۇ:</span> <span class="c3">«رامزاندا قىلغان ئۆمرىنىڭ ساۋابى ھەجگە باراۋەر بولىدۇ. يەنە بىر رىۋايەتتە مەن بىلەن بىرگە ھەج قىلغانغا ئوخشاش بولىدۇ دېگەن»</span>.</p><p class="rtl justify" id="p29">مۇسۇلمانلار پۇرسەتنى غەنىمەت بىلىپ، بۇ ئاينىڭ ھەممە ۋاقىتلىرىدا قۇرئان ئوقۇش، ئۆز ئارا دەرسلىك قىلىش، ئەقىل ئىشلىتىپ مەنىلىرىنى تەپەككۇر قىلىش، ياخشى ئەمەللەرنىڭ ھەممە تۈرلىرىنى روياپقا چىقىرىشقا تىرىشىش قاتارلىقلار بولسا، ئاللاھ چەكسىز ئەجىر-ساۋاب ئاتا قىلىدىغان ئەمەللەردىندۇر.<span class="c6"> سەھىھ ھەدىستە پەيغەمبەر ئەلەيھىسسالام مۇنداق دېگەن:</span> <span class="c3">«رامزان بىلەن قۇرئان قىيامەت كۈنىدە ئىنسان ئۈچۈن شاپائەت تەلەپ قىلىدۇ،<span class="c6" data-redactor-class="c6"> رامزان:</span> ئى رەببىم! مەن ئۇ كىشىنى كۈندۈزدە يېمەك - ئىچمەك ۋە شەھۋەتلىرىدىن چەكلىدىم، مىنىڭ شاپائىتىمنى قوبۇل قىلسىلا دەيدۇ.<span class="c6"> قۇرئان:</span> مەن ئۇ كىشىنى كىچىدە ئۇيقىدىن چەكلىدىم، مىنىڭ شاپائىتىمنى قوبۇل قىلسىلا دەيدۇ. بۇلارنىڭ شاپائەتلىرى قوبۇل قىلىنىدۇ.»</span> ئىمام زۆھرىي مۇنداق دەيدۇ: "رامزاننىڭ كىرىشى بولسا قۇرئان ئوقۇش ۋە كىشىلەرگە يېمەكلىك بېرىش ۋاقتىدۇر".</p><p class="ltr right" id="p30"><span dir="rtl">ئاللاھ تائالا ھەممىمىزنىڭ روزىمىزنى قوبۇل قىلىپ، بۇ ئايدىكى بارچە ياخشى ئەمەللەرنى قىلىشىمىزغا مۇيەسسەر قىلسۇن</span><span dir="rtl">.</span> <br></p><p class="ltr left" id="p31"><br></p></div>