API
حوكمی وتنی پیاو به ژنه‌كه‌ی: تۆ وه‌كو خوشكم وایت
پۆڵێنه‌كان
- مافه هاوسهریهكان << ماره بڕین وژنهێنان << خێزان << فیقه
Full Description
حوكمی وتنی پیاو به ژنه‌كه‌ی: تۆ وه‌كو خوشكم وایت
] kurdish – كوردی – كردي [
ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2013 - 1435
حكم قول الزوج لزوجته: أنتِ مثل أختي
« باللغة الكردية »
فريق قسم اللغة الكردية بموقع دار الإسلام
مراجعة: بشتيوان صابر عزيز
2013 - 1435
حوكمی وتنی پیاو به ژنه‌كه‌ی: تۆ وه‌كو خوشكم وایت
پرسیار: برایكی كورد له ئه‌ڵمانیاوه ئه‌م پرسیاره‌ی ئاڕاسته‌ی ماڵپه‌ڕی ئیسلام هاوس كردوه وده‌ڵێت: پیاوێك به ژنه‌كه‌ی وتوه: تۆ وه‌كو خوشكم وایت، وه مه‌به‌ستی ئه‌وه نه‌بوه كه‌وا له خۆی حه‌رام بكات ، وه ئایه ده‌توانێت له جیاتی خواردن پاره ده‌ركات یان نا؟
وه‌ڵام: ئه‌مه به گوێره‌ی نیه‌تی ئه‌و كه‌سه ده‌گۆڕێت، ئه‌گه‌ر به ژنه‌كه‌ی ووتوه تۆ وه‌كو خوشكم وایت یان وه‌كو دایكم وایت به مه‌به‌ست وشێوه‌ی ڕێز و گه‌وره‌یی، ئه‌وه حه‌رام نیه وبه‌وه نابێته ظیهار وهیچی له‌سه‌ر نیه، به‌ڵام باشتر وایه دوور بكه‌وێته‌وه له به‌كارهێنانی ئه‌م جۆره ووشانه.
وه‌ئه‌گه‌ر مه‌به‌ستی حه‌رام بوونیان بێت له‌سه‌ری، واته حرامه لێی وه‌كو دایكی یان خوشكی یان كچی، ئه‌وه ظیهاره، وه زانایان هه‌موو له‌سه‌ر حه‌رامێتی ظیهار كردن ئیجماعیان هه‌یه، بۆیه نابێت كه‌س به‌كاری بهێنێ به‌پێی فه‌رموده‌ی خوای گه‌وره كه فه‌رمویه‌تی: ( الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنْكَرًا مِنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ ) [المجادلة :٢ ] .
واتا: ئه‌وانه‌تان به‌هاوسه‌رانیان ده‌ڵێن: تۆ له جێگه‌ی ده‌یکمدایت، هاوسه‌ره‌که‌یان به‌و قسه‌یه نابنه دایکیان، چونکه دایکیان ته‌نها ئه‌وانه‌ن که ئه‌وانیان لێ بووه، ئه‌وانه قسه‌یه‌کی نابه‌جێ ده‌که‌ن وبوختانێکی ناپه‌سه‌ند ده‌ڵێن، بێگومان خوا چاوپۆشی ده‌کات و لێخۆش ده‌بێت (ئه‌گه‌ر ئه‌وانه په‌شیمان ببنه‌وه و داوای لێخۆشبوون بکه‌ن).
وه ده‌بێت كه‌فاره‌تی ظیهار بدات كه بریتیه له: ئازادكردنی به‌نده‌یه‌ك، ئه‌گه‌ر نه‌ی بوو دوو مانگ به‌ڕۆژووبون له‌سه‌ریه‌ك، ئه‌گه‌ر نه‌یتوانی خواردن دانی جه‌مێك به شه‌ست هه‌ژاری موسڵمان، به پێی فه‌رموده‌ی خوای گه‌وره كه فه‌رمویه‌تی: (وَالَّذِينَ يُظَاهِرُونَ مِنْ نِسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِنْ قَبْلِ أَنْ يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ ( 3 ) فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ مِنْ قَبْلِ أَنْ يَتَمَاسَّا ۖ فَمَنْ لَمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ ) [المجادلة :3 - 4] .
ئه‌وانه‌ی ظیهار ده‌که‌ن له‌گه‌ڵ هاوسه‌ره‌کانیان له‌پاشان ده‌گه‌ڕێنه‌وه(په‌شیمان ده‌بنه‌وه) له‌وه‌ی که وتویانه(واته خێرا ته‌ڵاقیان ناده‌ن) ئه‌وه پێویسته به‌نده‌یه‌ك ئازاد بکه‌ن له پێش ئه‌وه‌ی به‌یه‌ك بگه‌ن به‌م که‌فاره‌ته‌ی(که له‌سه‌رتان پێویست کراوه) ئامۆژگاری ده‌کرێن پێ ی وه خوا شاره‌زایه به‌وه‌ی که ده‌یکه‌ن( 3 ) ئینجا ئه‌گه‌ر یه‌کێك (به‌نده‌ی) ده‌ست نه‌که‌وت ئه‌وه با دوو مانگ به‌ڕۆژوو بێت له‌سه‌ر یه‌ك پێش ئه‌وه‌ی بچنه لای یه‌ك ئه‌گه‌ر یه‌کێك نه‌یتوانی (دوو مانگ به ڕۆژوو بێت) ئه‌وه با نانی شه‌ست هه‌ژار بدات ئه‌و (که‌فاره‌تانه که له‌سه‌رتان پێویست کراوه) بۆ ئه‌وه‌یه باوه‌ڕ بکه‌ن به خوا و پێغه‌مبه‌ری خوا (مل که‌چی فه‌رمانی خواو پێغه‌مبه‌ری خوابن) وه ئه‌وانه سنوورانی خوان وه بۆ بێ باوه‌ڕان هه‌یه سزای سه‌خت.
وه دروست نیه پاره بداته شه‌ست هه‌ژاره‌كه له جیاتی خواردنه‌كه، وه نابێت بچێته لای ژنه‌كه‌ی هه‌تا كه‌فاره‌تی ظیهار نه‌دات، به پێی فه‌رموده‌ی خوای گه‌وره كه فه‌رمویه‌تی: ( مِّن قَبْلِ أَن يَتَمَاسَّا) واتا: پێش ئه‌وه‌ی بچنه لای یه‌ك.
وه وه‌ك چۆن چونه‌لا حه‌رامه، ئاواش پێشه‌كیه‌كانی حه‌رام ئه‌بن، وه‌ك ماچ كردن وباوه‌ش پیاكردن وئه‌و جۆره شتانه.
به‌ڵام هه‌ندێ له ئه‌هلی عیلم بۆ ئه‌وه چوون كه ته‌نها چوونه‌لا حه‌رامه، چونكه ئه‌و ده‌ست لێدانه‌ی كه له ئایه‌ته‌كه‌دا هاتووه كینایه‌یه بۆ چوونه‌لا.
خوای گه‌وره‌ش زاناتره .
