API
حوكمی زه‌واجی عورفی
پۆڵێنه‌كان
- ماره بڕین وژنهێنان << خێزان << فیقه
Full Description
حوكمی زه‌واجی عورفی
] kurdish – كوردی – كردي [
ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2013 - 1434
حكم الزواج العرفي
« باللغة الكردية »
فريق قسم اللغة الكردية بموقع دار الإسلام
مراجعة: بشتيوان صابر عزيز
2013 - 1434
حوكمی زه‌واجی عورفی
پرسیار : ئایا زه‌واجی عورفی چیه ؟ وه حوكمه‌كه‌ی چیه، حه‌ڵاڵه یان حه‌رامه ؟ خوای گه‌وره پاداشتی خێرتان بداته‌وه .
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه .
زه‌واجی عورفی له‌ڕووی ئه‌ركان ومه‌رجه‌كانیه‌وه هه‌ر هه‌مان ئه‌و زه‌واجه‌یه كه زانایانی ئیسلام باسیان كردوه، له‌ڕووی بوونی ئیجاب و قه‌بول وشاهید، و وه‌لی ئه‌مری ئافره‌ته‌كه، و ره‌زامه‌ندی هه‌ردوو كه‌سه‌كه ( كچ وكوڕه‌كه) ودیاری كردنی ماره‌یی ئافره‌ته‌كه، هه‌موو ئه‌و ڕوكن ومه‌رجانه‌ی كه زانایان له كتێب وپه‌ڕاوه‌كانیاندا باسیانكردووه، له زه‌واجی عورفیدا هه‌یه، وه بۆیه پێیشی ده‌وترێت عورفی به‌و مانایه‌ی كه له‌عورفی كۆنی خه‌ڵكدا كاتێك كه تۆماری دادگاكان له‌ئارادا نه‌بووه هه‌روابووه وهه‌ر به‌و شێوه‌یه كچ وكوڕ زه‌واجیان كردووه، به‌ڵام هێنده هه‌یه ئه‌م زه‌واجه له داداگای حوكمی به‌رێوه ناچێت وله‌تۆماری ئه‌واندا جێگیر وتۆمار ناكرێت، له‌ڕووی بوونی ڕوكن مه‌رجه‌كانه‌وه وه‌ك ووتمان زه‌واجێكی شه‌رعی ودروسته وهیچ گرفتێكی تێدا نییه، ته‌نها ئه‌وه‌نده هه‌یه زانایانی سه‌رده‌م به‌زه‌واجێكی مه‌كروهی ئه‌زانن، ئه‌ویش له‌به‌ر ئه‌وه‌ی كه ئه‌گه‌ر گرفتێك ڕووبدات له‌نێوان ئه‌و ژن وپیاوه‌دا هه‌ق ومافه‌كان له‌نێوانیاندا ده‌فه‌وتێت، چونكه ناتوانرێت له‌دادگا هه‌قه‌كه‌ی خۆیان بسه‌لمێنن، به‌ڵام ئه‌گه‌ر هاتوو لای قازی له‌دادگا ماره بڕا بوو هه‌موو هه‌قێكی هه‌ردولایان پارێزراو ده‌بێت و نه‌پیاوه‌كه ونه‌ژنه‌كه‌ش ناتوانن نكولی لێ بكه‌ن، وه له لایه‌كی تریشه‌وه، ئه‌و مناڵانه‌ی له‌دایك ده‌بن ناتوانرێت له تۆماری حكومه‌تدا تۆمار بكرێن وپێناسی فه‌رمییان بۆ ده‌ربهێنرێت، له‌كۆتایشه‌وه ئه‌و مناڵانه بێ به‌ش ده‌بن له‌زۆربه‌ی خزمه‌تگوزاریه‌كانی حكومه‌ت، وه‌ك خوێندن ونه‌خۆشخانه وسه‌فه‌ركردن .... هتد .
بۆیه واباشه ئه‌م جۆره زه‌واجه ئه‌نجام نه‌درێت، چونكه پاشه‌ڕۆژ ده‌بێته كێشه بۆ كۆمه‌ڵه كه‌سێك و زۆرێك له‌مافه‌كانی تێدا ده‌فه‌وتێت، وه ئه‌گه‌ر له‌ده‌ره‌وه‌ی دادگاكان ماره‌بڕین وزه‌واجێكی له‌م شێوه‌یه‌ش ڕوویدا، ده‌بێت پاشتر هه‌وڵبدرێت لای قازی وله‌دادگا تۆمار بكرێن، له‌به‌ر ڕوونه‌دانی ئه‌و كێشانه‌ی كه باسمانكردن ،
به‌ڵام هه‌ندێك جار لێره وله‌وێ ده‌بیستین كه ژن وپیاوێك زه‌واجێكی عورفیان به‌م شێوه‌یه كردوه، ئه‌ویش پیاوه‌كه به ژنه‌كه ده‌ڵێت : ئه‌وا من تۆم ماره كرد له‌خۆم، ژنه‌كه‌ش له‌وه‌ڵامدا ده‌ڵێت : منیش ڕازی بووم، ودواتر به وه‌ره‌قه‌یه‌ك لای كه‌سێك ئه‌م ڕه‌زامه‌ندیه‌ی هه‌ردوولایان تۆمار ده‌كه‌ن .
له‌ڕاستیدا ئه‌مه نه زه‌واجی عورفیه و نه‌زه‌واجی شه‌رعیه، به‌ڵكو جۆرێكه له شاردنه‌وه‌ی زینا و داوێن پیسی، بۆیه لێره‌وه ئامۆژگاری ئه‌و كه‌سانه ده‌كه‌ین كه له‌خوا بترسن و دوور بكه‌ونه‌وه له‌م جۆره كارانه .
خوای گه‌وره له‌هه‌موو كه‌س زانا وشاره‌زاتره .
