حوکمێ نڤێژا تەراویحێ

حوکمێ نڤێژا تەراویحێ

] kurdish – كوردی – كردي [

عبد الله بن عبد الرحمن الجبرين

وه‌رگێڕانی: روژهات سەعید

پێداچونه‌وه‌ی: پشتیوان سابیر عه‌زیز

2012 - 1433

﴿ حكم صلاة التراويح ﴾

« باللغة الكردية »

عبد الله بن عبد الرحمن الجبرين

ترجمة: روژهات سعید

مراجعة: بشتيوان صابر عزيز

2012 - 1433

حوکمێ نڤێژا تەراویحێ

پرسیار : حوکمێ نڤێژا تەراویح چی یە ؟ هوین چ دبێژن بو وان کەسێن ڤێ خێرا مەزن ژ دەست ددەن ژ ئەگەرێ بازرگانیا جیهانێ یان ژی یاری و دەم بوراندنێ ؟

بەرسڤ :

نڤێژا تەراویح نڤێژەکە پشتی نڤێژا عەیشا ل شەڤێن رەمەزانێ دهێتە کرن ، سنەتا مٶکدە.

فەرموودا پێغەمبەری(سلاڤ ل سەر بن) ئاماژێ ب ڤێ چەندێ دکەت :

"کی باوەریێ بینیت و شەڤێن رەمەزانێ پەرستنێ بکەت ب هێڤیا خێرێ ل دەڤ خودێ ، دێ گونەهێن وی یێن بەرێ هێنە ژێبرن".

پەرستن د رەمەزانێ دا ، وان نڤێژا ب خو ڤە دگریت یێن ل دەستپێك و دویماهیا شەڤێ دهێنە کرن ، نڤێژا تەراویح ژی ئێكە ژ وان نڤێژا.

دەمێ خودایێ مەزن بەندەیێن خو یێن باوەردار وەسف دکەت ، دیار دکەت ئەو ب شەڤ ڕادبن نڤێژا دکەن .

خودایێ مەزن کەرەم دکەت:

"ئەو ب شەڤ سجدێ بو خودایێ خو دبەن و ڕادبن قیامێ "[ سورەتا فرقان ، ٦٤].

هەروەسا د ئایەتەك دی دا کەرەم دکەت :

"ئەو کێم دنڤستن ل شەڤا"[ سورەتا ذاریات :١٧ ]

کرنا ڤێ نڤێژێ هەتا دویماهیێ لگەل پێشنڤێژی (ئیمامی) کارەکێ موستەحابە .

ژ بەر کو ئیمام احمد و خودانێن سننێ ، ب سەنەدا ڕاست ژ ئەبو ذەری(خودێ ژێ ڕازی بیت) ڤەدگوهێزن ، دبێژیت :

پێغەمبەری (سلاڤێن خودێ ل سەر بن) کەرەم کر :

"کی نڤێژا تەراویحێ هەتا دویماهیێ لگەل ئیمامی بکەت ، دێ خێرا هندێ بو هێتە نڤێسین هەروەکو شەڤا خو ب پەرستنێ ڤە بوراندی"

ئیمام احمدی ( خودێ ژێ ڕازی بیت) ژ بەر ڤێ فەرموودێ مزگەفت نەدهێلا هەتا نڤێژ لگەل ئیمامی ب دویماهی نە ئینابا.

بێ گومان بجهـ ئینانا ڤێ پەرستنێ د ڤی وەرزێ مەزن دا ، ئێكە ژ ئامرازێن ئیسلامێ ، خێرترین پەرستن و گوهێ خودانە ، و ئێكە ژ سنەتێن پێغەمبەری (سلاڤێن خودێ ل سەر بن).

عبدالرحمن بن عوف ، ئەڤ گوتنە ژ پێغەمبەری (سلاڤێن خودێ ل سەر بن) ڤەگوهاستیە :

"بێ گومان خودێ روژیا رەمەزانێ ل سەر هەوە فەرز کر ، ئەز ژی نڤێژا شەڤێ دهێتە کرن بو هەوە دکەمە سنەت"

خێرەکا مەزن یا هەی د کرنا ڤێ نڤێژێ دا و خێرا زێدە دکەت ، دهێتە گوتن :

" ل ئاسمانا فریشتە یێن هەین ژ بلی خودایێ مەزن کەس هژمارا وان نزانیت ، دەمێ رەمەزان دهێت د نڤێژا تەراویحێ دا محمد پێغەمبەر (سلاڤێن خودێ ل سەر بن) و ئوممەتا وی روخسەتێ ژ خودایێ خو دخوازن ، کی ب وانا بکەڤیت یان ژی ئەو دەست بکەنە کێ ، ئێدی خرابی بو وی نینە"

موسلمانەك چەوا ڤێ خێرا مەزن ژ دەست ددەت؟

کومکرنا مالێ جیهانێ ئەوێ هندی چەنگێ پێشیێ بها ل دەڤ خودێ نەهەی ، چەوا ژ بەر وان ڤی پەرستنێ دهێلیت؟

ئەو کەسە نزانن کا ئەڤ پەرستنە چەند خێرە و خێرا وان چەند مەزن دبیت ، گەلەك کەس د رەمەزانێ دا ژی خو ب کارێن دنیایێ ڤە مژویل دکەن و وەکی هەردەم رەمەزانێ دبینن وەرزەکێ کار و کریارێن جیهانێ ، بەریکانێ دکەن بو زێدەکرنا مالێ جیهانێ و ڤێ گوتنا سەلەفا ژ بیر دکەن :

" دەمێ تو ئێكی دبینی ژ بەر دنیایێ بەریکانێ لگەل تە دکەت ، تو ژ بەر ئاخرەتێ بەریکانێ لگەل وی بکە"