ئایا دروست بڵێیت (سه‌لام له‌خوا یان سڵاو له‌خوا)

ئایا دروست بڵێیت (سه‌لام له‌خوا یان سڵاو له‌خوا)

] kurdish – كوردی – كردي [

ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

پێداچونه‌وه‌ی: پشتیوان سابیر عه‌زیز

2012 - 1433

﴿ هل یجوز أن تقول السلام علی الله ﴾

« باللغة الكردية »

فريق قسم اللغة الكردية بموقع دار الإسلام

مراجعة: بشتيوان صابر عزيز

2012 - 1433

ئایا دروست بڵێیت (سه‌لام له‌خوا یان سڵاو له‌خوا)

پرسیار : زۆر جار له‌هه‌ندێ هاوڕێ وبراده‌رم ده‌بیستم له‌كاتی خۆشیه‌كدا ده‌ڵێن : سڵاو له‌خوا، ئایا دروسته‌ مرۆڤ بڵێت : سڵاو له‌خوا یان سه‌لام له‌خوا .

وه‌ڵام : سوپاس وستایش بۆخوای گه‌وره‌ ومیهره‌بان ودرود وصه‌ڵات وسه‌لام له‌سه‌ر محمد المصطفی وئال وبه‌یت ویارو یاوه‌رانی بێت هه‌تا هه‌تایه‌ .

سڵاو یان سه‌لام هه‌ردووكیان به‌یه‌ك مانا دێن، ئه‌و كه‌سه‌ی كه‌ سڵاوێك له‌به‌رامبه‌ره‌كه‌ی ده‌كات وپێی ده‌ڵێت : سه‌لامت لێ بێت مه‌به‌ستی ئه‌وه‌یه‌ كه‌ ئاشتی وئارامی به‌سه‌ردا بڕژێت یان مه‌به‌ست پێی ئه‌وه‌یه‌ كه‌ دوعا ونزای بۆ بكات و بڵێت سه‌لامه‌ت بیت له‌هه‌موو ناخۆشی وخراپه‌یه‌ك، بۆیه‌ به‌كارهێنانی ئه‌م ووشه‌یه‌ له‌ناو مرۆڤه‌كاندا شتێكی باشة وپێغه‌مبه‌ر (صلی الله علیه وسلم) سه‌لام كردنی له‌یه‌كتر به‌هۆكاری بڵاوبوونه‌وه‌ی ئاشتی وخۆشه‌ویستی نێو موسڵمانان داناوه‌، هه‌روه‌ك له‌دووتوێی فه‌رمووده‌یه‌كدا هاتووه‌ « .... أفلا أدلكم علی شیء تحاببتم أفشوا السلام بینكم »[رواه مسلم] واته‌ : ئایا ڕێنوماییتان بكه‌م بۆ شتێك كه‌ببێت به‌هۆی ئه‌وه‌ی یه‌كتریتان خۆش بوێت؟ سه‌ڵام و سڵاو له‌یه‌كتركردن له‌نێو خۆتاندا بڵاو بكه‌نه‌وه‌ .

به‌ڵام به‌كارهێنانی ئه‌م ووشه‌یه‌ بۆ خوای گه‌وره‌ ناشایسته‌یه‌ چونكه‌ خوای گه‌وره‌ خۆی مایه‌ی ئاشتی وسه‌ڵامه‌ له‌نێو دروستكراوه‌كانیدا، وپێویستی به‌وه‌ نییه‌ دروستكراوه‌كانی سه‌لامی بۆ بنێرن وداوای ئاشتی بۆ بكه‌ن، به‌ڵگه‌یش له‌سه‌ر ئه‌مه‌ ئه‌م فه‌رمووده‌یه‌ : عنْ عبدِ اللهِ بنِ مَسعودٍ رَضِيَ اللهُ عَنْهُ قالَ: (كُنَّا إِذا جَلَسْنا مَعَ النَّبِيِّ صَلَّى اللهُ عَلَيْهِ وَسَلَّمَ في الصَّلاةِ قُلنا: السَّلامُ عَلَى اللهِ قَبْلَ عِبَادِهِ، والسَّلامُ عَلَى فُلانٍ وَفُلانٍ فقال النبي (صلی الله علیه وسلم) : « لاَ تَقُولُوا: السَّلاَمُ عَلَى اللهِ؛ فَإِنَّ اللهَ هُوَ السَّلاَمُ »[ رواهُ البخاريُّ ومسلِمٌ وأبو دَاوُدَ والنَّسَائِيُّ وابنُ مَاجَهْ] واته‌ : عبدالله‌ی كوڕی مه‌سعود (خوای لێ ڕازی بێت) ئه‌ڵێت : پێشتر كاتێك له‌گه‌ڵ پێغه‌مبه‌ری خوادا له‌نوێژدا داده‌نیشتین‌ (مه‌به‌ست پێی بۆ ته‌حیات خوێندنه‌) ده‌مانووت : له‌لایه‌ن به‌نده‌كانیه‌وه‌ سه‌لام له‌خوای گه‌وره‌ (الله) بێت، یان سه‌لام له‌فڵان كه‌س وفڵان كه‌سی تر ، پێغه‌مبه‌ریش (صلی الله علیه وسلم) فه‌رمووی : مه‌ڵێن : سه‌لام له‌خوا بێت،چونكه‌ خوای گه‌وره‌ خۆی سه‌لامه‌ .

چونكه‌ خوای گه‌وره‌ خۆی سه‌رچاوه‌ی هه‌موو ئاشتی وئارامییه‌كه‌ و دووره‌ له‌هه‌موو كه‌م وكووورتیه‌ك و پێویستی به‌وه‌ نییه‌ كه‌ ئێمه‌ سڵاوی لێ بكه‌ین .

خوای گه‌وره‌ زانا وشاره‌زاتره‌ .