سه‌ره‌تای ساڵی نوێی خوێندن و چه‌ند ئامۆژگارێیك بۆ قوتابیان

سه‌ره‌تای ساڵی نوێی خوێندن و چه‌ند ئامۆژگارێیك

بۆ قوتابیان

[ به‌ كوردی ]

العام الدراسي الجديد وبعض النصائح للطلاب

[ باللغة الكوردية ]

نوسینی : پشتیوان سابیر عزیز

الكاتب : بشتيوان صابر عزيز

نوسینگه‌ی ( ره‌بوه‌ی ) هه‌ره‌وه‌زیی بۆ بانگه‌واز و وشیاركردنه‌وه‌ی ڕه‌وه‌نده‌كان له‌ شاری ڕیاز

المكتب التعاوني للدعوة وتوعية الجاليات بالربوة

بمدينة الرياض

2008 -1429

سه‌ره‌تای ساڵی نوێی خوێندن و چه‌ند ئامۆژگارێیك

بۆ قوتابیان

سوپاس بۆ خوای گه‌وره ‌وا جارێكی تر قوتابیان و خوێندكاران ده‌گه‌ڕێنه‌وه‌‌ بۆ نێو قوتابخانه‌ و په‌یمانگه‌و زانكۆكان ، بۆیه ‌پێم خۆشه ‌ئه‌م بابه‌ته‌ پێشكه‌ش بكه‌م به‌خوێنه‌رانی ئازیزم وه‌كو بیرخستنه‌وه‌یه‌ك و ئامۆژگارییك و، له‌چه‌ند خاڵێكدا كورتی بكه‌مه‌وه‌:

خاڵی یه‌كه‌م: ده‌رباره‌ی نیاز پاكی:

به‌بیری هه‌موو قوتابێك و خوێندكارێك دێنمه‌وه‌ده‌رباره‌ی نیاز پاكی له‌هه‌موو ئیش و كارێكدا، وه‌چاكترین كاریش برتیه‌له‌فێربوونی زانست به‌شێوه‌یه‌كی گشتی و ، زانستی شه‌رعی به‌تایبه‌تی.

با هه‌مووم خوێندكاران به‌خۆیاندا بچنه‌وه و پرسیار له‌خۆیان بكه‌ن ئایه‌به‌ته‌مای چین و مه‌به‌ستیان چیه‌له‌فێربوونی زانست‌؟

نابێت مه‌به‌ست ته‌نها دونیا بێت و، به‌ده‌سهێنانی وه‌زیفه‌بێت؛ چونكه‌ئه‌وه‌ی داوای دوا رۆژ بكات،‌بێ گومان دونیا و دوارۆژی ده‌ستده‌كه‌وێت، وه‌ئه‌وه‌ی داوای دونیا بكات ئه‌وه‌دوارۆژی له‌ده‌س ده‌چێت و ته‌نها ئه‌وه‌ی ده‌ست ده‌كه‌وێت كه‌بۆی نوسراوه‌له‌دونیا.

خاڵی دووه‌م: ده‌رباره‌ی براده‌رایه‌تی:

پێویسته‌خوێندكاری ژیرو دانا براده‌ری باش بۆ خۆی هه‌ڵبژێرێت له‌هه‌موو كاتێكدا، به‌تابه‌تی له‌كاتی خوێندن، پێغه‌مبه‌ری خوا صلى الله عليه وسلم ده‌فه‌رموێت : " المرء على دين خليله فلينظر أحدكم من يخالل ".وه‌ده‌بێت دوور بكه‌وێت له‌براده‌ری خراپ و ته‌مبه‌ڵ...

خاڵی سێیه‌م : ده‌رباره‌ی تێكڵاوی له‌نێوان كور و كچدا:

زۆر به‌داخه‌وه‌له‌زۆربه‌ی زۆری وڵاتان هه‌ردوو ڕه‌گه‌زه‌كه‌تێكه‌ڵاو ده‌كرێن...وه‌كوردستانی خۆمانیش له‌و موسیبه‌ت و گوناهه‌‌دوور نیه‌، وه‌له‌هه‌ندێ وه‌ڵاتانی ئه‌وروپی گه‌شتونه‌ته‌قه‌ناعه‌ت كه‌وا تێكه‌ڵاوی له‌نێوان كچ و كوڕدا شوێنه‌واری خراپی هه‌یه‌له‌سه‌ر ئاستی خوێندن ، به‌ڵام له‌وڵاتی ئێمه‌دا هه‌ر چۆن به‌بڕیاری‌كۆنگره‌ی‌په‌روه‌رده‌یی‌ده‌بێت ئه‌م ساڵ قوتابخانه‌ی‌بنه‌ره‌تی‌دروست بكرێت، كوڕو كچ تێكه‌ڵ بكرێت.

له‌ڕاستیدا ئه‌م جۆره‌بڕیارانه‌له‌خزمه‌تی میلله‌تی موسڵمانی كوردا نیه‌، نابێیت ئێمه‌هه‌ر شتێكی خراپی غه‌رب و ئه‌وروبا هه‌یه‌بهێنین و جێ به‌جێی بكه‌ین له‌كوردستاندا.

خاڵی چواره‌م : ده‌رباره‌ی جل و به‌ڕگ:

ده‌بێت قوتابیان ( كوڕ و كچ ) خۆیان ببارێزن له‌و جل و به‌ڕگانه‌ی كه‌دووره‌له‌حشمه‌ته‌وه‌، چونكه‌ئه‌گه‌ر ته‌ماشای خوپندگاكانی كوردستان بكه‌ین ده‌بینین زۆرێك له‌كچان و كوران جل و به‌ڕگیان ناشرعیه‌و، بێ گومان ئه‌م جۆره‌جلانه‌مرۆڤ تاوانبار ده‌كات و، پاشان شوێنه‌واری خراپی ده‌بێت له‌سه‌ر ئاستی خوێندن.

خاڵی پێنجه‌م: ده‌رباره‌ی خوێندنی رۆژانه‌ :

زۆر گرنگه‌قوتابی كاتی دیاری كراوی هه‌بێت بۆ خوێندن و، ئه‌م خاڵانه‌ی خواره‌وه‌به‌بیری خۆی بهێنێته‌وه‌:

٭ پێش هه‌موو شتێك ده‌بێت قوتابی پشت به‌خوای گه‌وره‌ببه‌ستێت له‌كاتی خوێندندا.

٭ عه‌قلی مرۆڤ له‌ پاش پشوودان له‌و په‌ڕی توانادایه‌‌بۆ وه‌ڕگرتنی زانیاری...بۆیه‌خوێندكار نابێت كه‌م ته‌رخه‌می بكات له‌پشودان به‌لاشه‌ی و مێشكی.

٭ له‌پاش خواردنێكی قورس و چه‌ور دامه‌نیشه‌بۆ خوێندن، چونكه‌خوێن له‌و كاته‌دا به‌ره‌و مه‌عیده‌ده‌روات نه‌كو مێشك.

٭ ئه‌و كاتانه‌دیاری بكه‌بۆ خۆت كه‌ئه‌زانیت به‌رهه‌مت ده‌بێت تێیدا، وه‌ئه‌م خاڵه‌له‌یه‌كێكه‌وه‌بۆ یه‌كێكی تر جیاوازی هه‌یه‌و،باشترین كات بۆ خوێندن بریتیه‌له‌پاش نوێژی به‌یانی؛ چونكه‌پێغه‌مبه‌ری خوا ده‌فه‌رموێت:(( بورك لأمتي في بكورها )).

خوێندكارانی به‌ڕێز: ئه‌گه‌ر ده‌تانه‌وێ سه‌ركه‌وتن به‌ده‌ست بهێنن له‌خوێندندا، ده‌با دروشمتان بریتی بێت له‌: خوێندنی زۆر ... تێگه‌یشتنی باش... له‌به‌ركردنی وانه‌كان رۆژ له‌دوای رۆژ...

له‌كۆتاییدا داواكارم له‌خوای گه‌وره‌هه‌موو قوتابێك و خوێندكارێكی موسڵمان له‌كوردستانی ئازیزدا سه‌ركه‌وتوو بكات و بیانكاته‌نمونه‌یه‌كی جوان له‌نێو كومه‌ڵگه‌دا.

وصلى الله وسلم على نبينا محمد على آله وصحبه أجمعين