پێنج ئامۆژگاری یه‌كه‌ی یه‌حیا

 پێنج ئامۆژگاری یه‌كه‌ی یه‌حیا

﴿ وصايا يحيى عليه السلام ﴾

إعداد: روژان رؤوف

مراجعة: بشتيوان صابر عزيز

ئاماده‌كردنی: رۆژان ڕه‌ئوف

سه‌رچاوه‌: سایتی ڕێگای ڕاستی

 پێنج ئامۆژگاری یه‌كه‌ی یه‌حیا

حارسی ئه‌شعه‌ری ـ خوای لێ ڕازی بێت ـ ده‌فه‌رمووێت پێغه‌مبه‌ری خوا (دروودو سه‌لامی خوای له‌سه‌ر بێت) بۆی گێڕاینه‌وه‌و فه‌رمووی خوای گه‌وره‌فه‌رمانی به‌(یه‌حیای كوڕی زه‌كه‌ریا) كرد كه‌پێنج ئامۆژگاری هه‌ن پێویسته‌به‌نی ئیسرائیلییه‌كانی لێ ئاگادار بكاته‌وه‌و خۆشی جێ به‌جێیان بكات.

( عیسای كوڕی مریه‌م ) چووه‌لای یه‌حیاو پێی فه‌رموو خوا پێنج ئامۆژگاری پێ ڕاگه‌یاندوویت كه‌به‌به‌نی ئیسرائیلییه‌كانی ڕابگه‌یه‌نیت جا یان بۆ خۆت ئه‌و كاره‌بكه‌یان لێم گه‌ڕێ با من پێیان بڵێم. یه‌حیاش فه‌رمووی ئه‌گه‌ر تۆ پێش من پێیان بڵێیت له‌وه‌ده‌ترسم خوا سزام بدات و زه‌وی قووتم بدات ئیتر خه‌ڵكه‌كه‌ی هه‌موو له‌(بیت المقدس) دا كۆكرده‌وه‌ به‌شێوه‌یه‌ك كه‌مزگه‌وته‌كه‌ته‌واو پڕببوو، ته‌نانه‌ت خه‌ڵكه‌كه‌له‌سه‌ر دیواره‌كان دانیشتبوون پاشان ده‌ستی كرد به‌ئامۆژگاری كردنیان و فه‌رمووی: خه‌ڵكینه‌خوا پێنچ شتی پێ ڕاگه‌یاندووم ، له‌سه‌رتانه‌كاری پێ بكه‌ن و له‌پێش هه‌مووشتانه‌وه‌من ده‌بێت كاریان پێ بكه‌م :

یه‌كه‌م: ئه‌وه‌یه‌ده‌بێت هه‌ر خوا بپه‌رستین و هیچ هاو به‌شێكی بۆ قه‌رار نه‌ده‌ن هه‌ركه‌سێك ئه‌و كاره‌بكات واته‌ هاوبه‌شی بۆ دابنێ وه‌ك ئه‌و كه‌سه‌وایه‌كه‌به‌پاره‌و پولی خۆی -ئاڵتوون یان زیو- به‌نده‌یه‌ك بكڕێت و پێ ڕابگه‌یه‌نێت: ئه‌مه‌ماڵی منه‌و ئه‌وه‌یش ئیشه‌كه‌مه‌ده‌بێت ئیش بۆ من بكه‌یت و پاره‌كه‌ش بده‌ی به‌من ئه‌ویش به‌ پێچه‌وانه‌وه‌چی په‌یدا بكات بیدات به‌یه‌كێكی تر جا ئایا كامه‌تان پێ خۆشه‌ به‌نده‌كه‌ی كاری وابكات؟ ئه‌و خوایه‌ی ئیوه‌ی دروست كردووه‌و ڕزق و ڕۆزی پێداون نابێت هاو به‌شی بۆ دابنێین .

دووه‌م: فه‌رمانتان پێ ده‌كه‌م نوێژ بكه‌ن و لێ پاشگه‌ز مه‌بنه‌وه‌

سێهه‌م:فه‌رمانتان پێ ده‌ده‌م كه‌ ڕۆژو بگرن. ئه‌وه‌ی ڕۆژو بگرێت وه‌ك ئه‌و كه‌سه‌وایه‌كه‌بوخچه‌یه‌كی پڕ( میسكی ) پێ بێت بچێته‌ناو كۆمه‌ڵێكه‌وه‌هه‌موویان خه‌ز له‌بۆنه‌خۆشه‌كه‌ی بكه‌ن به‌ڕاستی ڕۆژو لای خوا له‌بۆنی (میسك) خۆشتره‌.

چواره‌م: فه‌رمانتان پێ ده‌ده‌م كه‌ خێرو خێرات بكه‌ن ئه‌وه‌ی ئه‌وه‌بكات وه‌ك ئه‌و كه‌سه‌وایه‌كه‌دوژمن دیلی كردبێت و هه‌ردووده‌ستی بكه‌نه‌ملی و به‌گوریس شه‌ته‌كی بده‌ن ئه‌ویش داوایان لێ بكات كه‌به‌پاره‌خۆی ڕزگار بكات ئیتر كه‌م وزۆر چی هه‌بێت بیان داتێ تا خۆی ڕزگار بكات .

پێنچه‌م: فه‌رمانتان پێ ده‌ده‌م به‌زۆری (ذیكری) خوا بكه‌ن ئه‌وه‌ی ئه‌و كاره‌بكات وه‌ك ئه‌و كه‌سه‌وایه‌كه‌دوژمن ڕاوی ئه‌نێت و دوای ده‌كه‌وێتئه‌ویش قه‌لاَتێكی قایم ده‌دۆزێته‌وه‌و تیا حه‌شار ده‌دات به‌نده‌ش وایه‌ته‌نها(ذیكر)ی خوایه‌له‌ده‌ست شه‌یتان ڕزگاری ده‌كات.

ئینجا پێغه‌مبه‌ر (درود و سه‌لامی خوای له‌سه‌ر بێت) فه‌رمووی: منیش پێنچ شتان پێ ده‌ڵێم كه‌خوا فه‌رمانی پێ كردووم ئه‌وانه‌ش ئه‌مانه‌ن: هه‌میشه‌له‌گه‌ڵ ڕای زۆرینه‌دابن گوێڕایه‌ڵی سه‌ركرده‌كانتان بن. له‌فه‌رمانیان سه‌ر پێچی مه‌كه‌ن كۆچ بكه‌ن بۆ چاكه‌له‌ڕێگای خوادا ، جیهاد بكه‌ن هه‌ركه‌سێكیش به‌قه‌ده‌ر بستێك خۆی له‌كۆمه‌ڵ دوور بخاته‌وه‌ئه‌گه‌ر تۆبه‌ نه‌كات له‌ئیسلام ده‌شۆرێته‌وه‌و فڕی به‌سه‌ر ئیسلامه‌وه‌نامێنێت، هه‌ركه‌سێكیش نه‌ریتی (جاهیلیه‌ت) زیندوو بكاته‌وه‌ئه‌وه‌ده‌كرێته‌ده‌سته‌چیله‌ی دۆزه‌خ عه‌رزیانكرد: ئه‌گه‌ر له‌گه‌ڵ ئه‌وه‌دا نوێژو ڕۆژووه‌ش بكات ؟ فه‌رمووی: به‌ڵێ ڕۆژو نوێژه‌كه‌ی دادی نادات ئیوه‌به‌قسه‌ی خوا بكه‌ن ئه‌و خوایه‌ی ناوی ئیسلامی لێ ناون ، به‌نده‌كانی خوا ))

( حدیث صحیح اخرجه‌الترمذی والنسائی واحمد وابن حبان  )