নবী চাল্লাল্লাহু আলাইহি অছাল্লামৰ জন্ম আৰু মৃত্যুৰ তাৰিখ সম্পৰ্কে আলিমসকলৰ একাধিক অভিমত আৰু অগ্ৰগণ্য মতৰ উল্লেখ

নবী চাল্লাল্লাহু আলাইহি অছাল্লামৰ জন্ম আৰু মৃত্যুৰ তাৰিখ সম্পৰ্কে আলিমসকলৰ মাজত একাধিক অভিমত পোৱা যায়। সেয়ে এই ফতোৱাটোত সেই সকলো মত উল্লেখ কৰি অগ্ৰগণ্য মত পোষণ কৰা হৈছে।

নবী চাল্লাল্লাহু আলাইহি অছাল্লামৰ জন্ম আৰু মৃত্যুৰ তাৰিখ সম্পৰ্কে আলিমসকলৰ অভিমত

أقوال العلماء في وقت ولادة النبي صلى الله عليه وسلم ووفاته وذِكر الراجح منها

] অসমীয়া – Assamese – آسامي [

ইছলাম প্ৰশ্ন আৰু উত্তৰ

অনুবাদঃ ৰফিকুল ইছলাম বিন হাবিবুৰ ৰহমান দৰঙী

ইছলামী বিশ্ববিদ্যালয় মদীনা ছৌদি আৰব

أقوال العلماء في وقت ولادة النبي صلى الله عليه وسلم ووفاته وذِكر الراجح منها

] অসমীয়া – Assamese – آسامي [

القسم العلمي بموقع الإسلام سؤال وجواب

ترجمة: رفيق الاسلام بن حبيب الرحمن

بسم الله الرحمن الرحيم

147601: ما هو تاريخ ولادة ووفاة الرسول صلى الله عليه وسلم ، فلدي الكثير من الآراء حول ذلك ، فما هو القول الصحيح والدليل في ضوء الكتاب والسنة ؟

নবী চাল্লাল্লাহু আলাইহি অছাল্লামৰ জন্ম আৰু মৃত্যুৰ তাৰিখ সম্পৰ্কে আলিমসকলৰ একাধিক অভিমত আৰু অগ্ৰগণ্য মতৰ উল্লেখ

প্ৰশ্ন: ৰাছুলুল্লাহ চাল্লাল্লাহু আলাইহি অছাল্লামৰ জন্ম আৰু মৃত্যুৰ তাৰিখ কি? মোৰ জনা মতে এই বিষয়ে বহুতো অভিমত পোৱা যায়। ইয়াৰ মাজত বিশুদ্ধ অভিমত কোনটো- কোৰআন আৰু ছুন্নাহৰ আলোকত দলীলসহ জানিব বিচাৰো?

উত্তৰ:

আল-হামদুলিল্লাহ।

এক:

ৰাছুলুল্লাহ চাল্লাল্লাহু আলাইহি অছাল্লামৰ জন্ম দিন আৰু মাহ নিৰ্দিষ্ট কৰা লৈ ছিৰাতপ্ৰণেতা আৰু ইতিহাসবিদ সকলে মতানৈক্য কৰিছে। এই মতানৈক্যেৰ মাজত যৌক্তিক কাৰণো আছে। যিহেতু কোনোবাই জনা নাছিল যে, এই নৱজাতক ভৱিষ্যতে ডাঙৰ কিবা হ'ব বুলি? আন আন নৱজাতকৰ জন্মক যেনেকৈ লোৱা হৈছিল ঠিক তেওঁৰ জন্মকো সেইদৰেই লোৱা হৈছে। এই বাবেই কোনোৱেই ৰাছুলুল্লাহ চাল্লাল্লাহু আলাইহি অছাল্লামৰ জন্ম তাৰিখ নিৰ্দিষ্টকৈ নিশ্চিত কৰিব পৰা নাই।

ড. মুহাম্মদ তাইয়্যিব আন-নাজ্জাৰ -ৰাহিমাহুল্লাহে- কৈছে:

ولعل السر في هذا الخلاف أنه حينما ولد لم يكن أحد يتوقع له مثل هذا الخطر ، ومن أجل ذلك لم تتسلط عليه الأضواء منذ فجر حياته ، فلما أذِن الله أن يبلغ الرسول صلى الله عليه وسلم دعوته بعد أربعين سنة من ميلاده : أخذ الناس يسترجعون الذكريات التي علقت بأذهانهم حول هذا النبي ، ويتساءلون عن كل شاردة وواردة من تاريخه ، وساعدهم على ذلك ما كان يرويه الرسول صلى الله عليه وسلم نفسه عن الأحداث التي مرت به أو مر هو بها منذ نشأته الأولى ، وكذلك ما كان يرويه أصحابه والمتصلون به عن هذه الأحداث .

وبدأ المسلمون – حينئذٍ - يستوعبون كل ما يسمعون من تاريخ نبيهم صلى الله عليه وسلم لينقلوه إلى الناس على توالي العصور .

“সম্ভৱত ইয়াৰ ৰহস্য হৈছে- যেতিয়া তেওঁ জন্ম গ্ৰহণ কৰিছে তেতিয়া কোনেও ভৱা নাছিল যে এসময়ত এনেকুৱা পৰিস্থিতিৰ সৃষ্টি হ'ব। সেয়ে জন্মৰ পৰা নবুওৱাত প্ৰাপ্তিৰ পূৰ্ব সময়ছোৱাত এই বিষয়টো আলোচনাত অহা নাছিল। চল্লিশ বছৰ বয়সত যেতিয়া আল্লাহ তাআলাই তেওঁক ৰিছালতৰ দায়িত্ব প্ৰদান কৰিলে তেতিয়াৰ পৰাহে মানুহে তেওঁৰ বিষয়ে সিহঁতৰ স্মৃতিত গাথি থকা ঘটনাসমূহ স্মৰণ কৰিবলৈ ধৰিলে আৰু ইজনে সিজনক তেওঁৰ জীৱনৰ সৰু-সুৰা সকলো ইতিহাস সম্বন্ধে সোধ-পোচ কৰিবলৈ ধৰিলে। এই বিষয়ত সিহঁতক বেছিকৈ সমৃদ্ধ কৰিছে ৰাছুলুল্লাহ চাল্লাল্লাহু আলাইহি অছাল্লামে নিজে বৰ্ণনা কৰা ঘটনাৱলী- যিবোৰ ঘটনা তেওঁৰ লগত সংঘটিত হৈছে অথবা তেওঁ প্ৰত্যক্ষ কৰিছে। এইদৰে তেওঁৰ ছাহাবীসকলৰ বৰ্ণনা লগতে এইবোৰ ঘটনাৰ সৈতে সম্পৃক্ত ব্যক্তিসকলৰ বৰ্ণনা। এইদৰে মুছলিমসকলে তেওঁলোকৰ নবীৰ ইতিহাস সংক্ৰান্ত শ্ৰুত সকলো ঘটনা সংগ্ৰহ কৰিবলৈ আৰম্ভ কৰে, যাতে কিয়ামত পৰ্যন্ত মানুহৰ বাবে সেয়া বৰ্ণনা কৰিব পাৰে"। [আল-কাওলুল মুবীন ফী ছীৰাতে ছায়্যিদিল মুৰছালীন, (পৃষ্ঠা নং-৭৮]

দুই:

ৰাছুলুল্লাহ চাল্লাল্লাহু আলাইহি অছাল্লামৰ জন্ম সম্পৰ্কীয় যিবোৰ তথ্য সম্পৰ্কে সকলোৱে একমত সেইবোৰ হৈছে- জন্ম চন আৰু দিন।

জন্ম চন: তেখেতৰ জন্মৰ বছৰ আছিল “আমুল ফীল" তথা হস্তী বাহিনীৰ বছৰ। ইমাম ইবনুল কাইয়্যিম (ৰাহিমাহুল্লাহে) কৈছে:

لا خلاف أنه ولد صَلَّى اللَّهُ عَلَيْهِ وَسَلَّمَ بجوف مكّة ، وأن مولده كان عامَ الفيل .

“ইয়াত কোনো সন্দেহ নাই যে, ৰাছুলুল্লাহ চাল্লাল্লাহু আলাইহি অছাল্লাম মক্কাৰ অভ্যন্তৰত হস্তী বাহিনীৰ বছৰত জন্ম গ্ৰহণ কৰিছে।" [যাদুল মা'আদ, পৃষ্ঠা- ১/৭৬]

মুহাম্মদ ইবনে ইউছুফ ছলেহী (ৰাহিমাহুল্লাহে) কৈছে: “ইবনে ইছহাক (ৰাহিমাহুল্লাহে) কৈছে: তেওঁৰ জন্ম হৈছিল হস্তী বাহিনীৰ বছৰত। ইবনে কাছীৰ (ৰাহিমাহুল্লাহে) কৈছে: অধিকাংশ আলিমৰ ওচৰত এই অভিমতটোৱে প্ৰসিদ্ধ।

ইমাম বুখাৰীৰ উস্তাদ ইব্ৰাহীম ইবনে মুনযিৰ আল-হিজামীয়ে কৈছে:

وهو الذي لا يشك فيه أحد من العلماء . وبالغ خليفة بن خياط وابن الجزار وابن دحية وابن الجوزي وابن القيم فنقلوا فيه الإجماع .

এই বিষয়ে কোনো আলিমে দ্বিমত পোষণ কৰা নাই। খলীফা ইবনে খাইয়্যাত, ইবনুল জাযযাৰ, ইবনে দাহইয়াহ, ইবনুল জাওযী লগতে ইবনুল কাইয়্যিম প্ৰমুখ্যে আৰু অলপ আগুৱাই গৈ এই মতৰ ওপৰত সকলো ছীৰাত প্ৰণেতাৰ ইজমা উল্লেখ কৰিছে।" [ছুবুলুল হুদা অৰ-ৰাশ্বাদ ফী ছীৰাতি খাইৰিল ইবাদ (১/৩৩৪-৩৩৫)]

ড. আকৰাম জিয়া আল-ওমৰীয়ে কৈছে:

والحق : أن الروايات المخالفة كلها معلولة الأسانيد ، وهي تفيد أن مولده بعد الفيل بعشر سنوات ، أو ثلاث وعشرين سنة ، أو أربعين سنة ، وقد ذهب معظم العلماء إلى القول بمولده عام الفيل ، وأيدتهم الدراسة الحديثة التي قام بها باحثون مسلمون ومستشرقون اعتبروا عام الفيل موافقاً للعام 570م ، أو 571م .

“সত্য কথাটো হ'ল যে: বিপৰীত বৰ্ণনাসমূহৰ প্ৰত্যেকটোৰ চনদ দুৰ্বল। যিবোৰ বৰ্ণনাত কোৱা হৈছে যে, তেওঁৰ জন্ম হৈছিল হস্তী বাহিনীৰ ১০ বছৰ অথবা ২৩ বছৰ নাইবা ৪০ বছৰ পিছত। কিন্তু অধিকাংশ আলিমে কৈছে তেওঁৰ জন্ম হৈছে হস্তী বাহিনীৰ বছৰতেই। আধুনিক যুগৰ মুছলিম আৰু পাশ্চাত্যপন্থী গৱেষকসকলৰ পৰিচালিত গৱেষণায়েও এই মতকেই সমৰ্থন কৰে। তেওঁলোকৰ মতে, হস্তী বাহিনীৰ বছৰ হৈছে- ৫৭০ অথবা ৫৭১ খ্ৰিষ্টাব্দ।" [আচ-ছীৰাতুন নবৱীয়াহ আচ-ছাহীহাহ (১/৯৭)]

জন্মদিন: সোমবাৰ। তেখেতে সোমবাৰে জন্ম গ্ৰহণ কৰিছে, সোমবাৰেই নবুওৱত পাইছে আকৌ সোমবাৰেই তেখেতে মৃত্যুবৰণ কৰিছে।

আবু কাতাদা আনছাৰী (ৰাদিয়াল্লাহু আনহু) ৰ পৰা বৰ্ণিত, তেওঁ কৈছে:

(سُئِلَ صلى الله عليه وسلم عَنْ صَوْمِ يَوْمِ الِاثْنَيْنِ ؟ قَالَ : ذَاكَ يَوْمٌ وُلِدْتُ فِيهِ ، وَيَوْمٌ بُعِثْتُ - أَوْ أُنْزِلَ عَلَيَّ فِيهِ - ) . (رواه مسلم ( 1162.)

“ৰাছুলুল্লাহ চাল্লাল্লাহু আলাইহি অছাল্লামক সোমবাৰে ছওম পালন কৰাৰ কাৰণ সম্পৰ্কে প্ৰশ্ন কৰা হ'ল। তেখেতে ক'লে: এই দিনা মই জন্ম গ্ৰহণ কৰিছো আৰু এই দিনাই মোক নবুওৱত প্ৰদান কৰা হৈছে অথবা এই দিনাই মোৰ ওপৰত (অহী) নাযিল হৈছে।" [ছহিহ মুছলিম (১১৬২)]