API
تێكۆشان له‌گه‌ڵ نه‌فسدا
پۆڵێنه‌كان
Full Description
تێكۆشان له‌گه‌ڵ نه‌فسدا
] kurdish – كوردی – كردي [
پشتیوان سابیر عه‌زیز
2013 - 1434
مجاهدة النفس
« باللغة الكردية »
بشتيوان صابر عزيز
2013 - 1434
تێكۆشان له‌گه‌ڵ نه‌فسدا
خوای گه‌وره ده‌فه‌رمووێت: ▬قَدْ أَفْلَحَ مَنْ زَكَّاهَا (9) وَقَدْ خَابَ مَنْ دَسَّاهَا♂[الشمس/9-10].
واتا: ئه‌و که‌سه‌ی نه‌فسی خۆی پاک ده‌کاته‌وه سه‌رکه‌وتووه و، ئه‌و که‌سه‌ش که نه‌فسی خۆی نقومی گوناه ده‌کات بێ هیوا و ماڵوێرانه.
عن فضالة بن عبيد-رضي الله عنه- قال رسول الله صلى الله عليه وسلم: «الْمُجَاهِدُ من جَاهَدَ نَفْسَهُ في طَاعَةِ اللَّهِ عز وجل» [ رواه الإمام أحمد في المسند(6/22) من حديث وصححه الشيخ الألباني- رحمه الله- في السلسلة الصحيحة(549)].
واتا: تێكۆشه‌ر وموجاهید ئه‌و كه‌سه‌یه كه‌وا جیهادی نه‌فسی خۆی ده‌كات له بۆ گوێڕایه‌ڵی خوای گه‌وره.
ڕاڤه:
هه‌ركه‌سێك له پێناوی خودا هه‌ڵسێت جیهاد بكات له‌گه‌ڵ نه‌فس و ئاره‌زوات و شه‌یتان و دونیا، ئه‌وكات خوای گه‌وره‌ش هیدایه‌تی ده‌دات بۆ سه‌ر ڕێگای ڕه‌زامه‌ندی خۆی، ئه‌و ڕێگایه‌ی ده‌یگه‌یه‌نێته به‌هه‌شت، هه‌ر كه‌سێكیش واز بێنێت له جیهاد و پشت گوێی بخات، ئه‌وه به ئه‌ندازه‌ی كه‌مته‌رخه‌میه‌كه‌ی هیدایه‌تی له ده‌ست ده‌چێت.
وه ده‌بێ موسوڵمان بزانێ ئه‌گه‌ر نه‌فسی خۆی لێی بووه دوژمن و به‌لای خراپه و خراپه‌کاری و تاواندا ڕایکێشا، زه‌نگێکی پڕ مه‌ترسییه و نیشانه‌ی یاخی بوونه له خوای گه‌وره و سه‌رپێچی کردنه له فه‌رمانه‌کانی پێغه‌مبه‌ری خوا (صلی الله علیه وسلم). ئه‌و یاخی بوون و سه‌رپێچی کردنه‌ش ده‌بێته مایه‌ی ڕمانی کار و کرده‌وه چاکه‌کانی و له‌ده‌ستدانی ڕه‌زامه‌ندی خوای گه‌وره. ئه‌وه‌ش خه‌ساره‌تێکی گه‌وره‌یه که موسوڵمان ده‌یکات له‌م دنیا و له‌و دنیاش. که‌واته ده‌بێ موسوڵمان پێش هه‌موو دوژمنێک به‌ره‌نگاری ئه‌و دوژمنه ببێته‌وه که له ناخی خۆیدا هه‌ڵیگرتووه و له گه‌ڵیدا ده‌ژی، ئه‌ویش نه‌فسه.
بنچینه گشتیه‌كانی تێكۆشان له‌گه‌ڵ نه‌فسدا:
1- زیندووكردنه‌وه‌ی خۆشه‌ویستی خوای گه‌وره له دڵدا به‌شێوه‌یه‌ك زیاتر بێت له خۆشه‌ویستی نه‌فس و ماڵ و منداڵ...
2- زیندوكردنه‌وه‌ی ترسی خوای گه‌وره له دڵدا.
3- به هێز كردنی ئیراده وعه‌زیمه‌ت بۆ به‌ره‌نگاربونه‌وه‌ی نه‌فس به هێزی ئه‌و دوو باڵه‌ی پێشوو ( خۆشه‌ویستی وترسی خوای گه‌وره) چونكه به‌نده چه‌نێ لاواز بێت ئه‌گر بگه‌ڕێته‌وه بۆ لای خوای گه‌وره وپشتی پێببه‌ستێت ئه‌وه یارمه‌تی ده‌دات.
