API
ته‌وه‌كل وپشت به‌ستن به خوای گه‌وره
پۆڵێنه‌كان
Full Description
ته‌وه‌كل وپشت به‌ستن به خوای گه‌وره
] kurdish – كوردی – كردي [
پشتیوان سابیر عه‌زیز
2013 - 1434
التوكل على الله تعالى
« باللغة الكردية »
بشتيوان صابر عزيز
2013 - 1434
ته‌وه‌كل وپشت به‌ستن به خوای گه‌وره
خوای گه‌وره ده‌فه‌رموێت:▬إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ♂ [الأنفال :٢].
واته: بێگومان بڕواداران ته‌نها که‌سانێکن که کاتێك که‌باسی خوا کراو ناوی هێنرا دڵیان ده‌ترسێت و ترسی لێ ده‌نیشێت کاتێکیش ئایه‌ته‌کانی خوا بخوێنرێته‌وه به‌سه‌ریاندا بڕوایان زیاد ده‌بێت و هه‌ر پشت به په‌روه‌ردگاری خۆیان ده‌به‌ستن.
عن عمر بن الخطاب رضي الله عنه عن النبي - صلى الله عليه وسلم - قال : « لو أنكم توكلون على الله حق توكله ، لرزقكم كما يرزق الطير ، تغدو خماصا ، وتروح بطانا» [رواه الإمام أحمد والترمذي والنسائي وابن ماجه وابن حبان في " صحيحه " والحاكم ، وقال الترمذي : حسن صحيح ].
واته: له ئیمامی عومه‌ره‌وه خوای لێ ڕازی بێت، ده‌فه‌رموێت: گوێم له پێغه‌مبه‌ری خوا بوو - صلى الله عليه وسلم - ده‌یفه‌رموو: ئه‌گه‌ر ئێوه به‌ڕاستی ودروستی وبه‌ته‌واوی پشت به‌خوا ببه‌ستن، خوای گه‌وره وه‌کو ته‌یروباڵنده ڕزقتان ده‌داتێ، به‌یانیان ده‌رده‌چن له‌لانی خۆیان به‌سك به‌تاڵی وئێواران ده‌گه‌ڕێنه‌وه به سك تێری .
ڕاڤه:
پشت به‌ستن به خوای گه‌وره په‌رستشی ڕاستگۆیان وڕێگای دڵسۆزانه، خوای گه‌وره فه‌رمانی پێ كردوه به پێغه‌مبه‌ران و به‌نده باوه‌ڕداره‌كانی.
مانای ته‌وه‌كل وپشت به‌ستن :
ته‌وه‌كل وپشت به‌ستن به‌خوای گه‌وره (الله) ڕاستی خۆدانه‌ده‌ستی فه‌رمانه‌كانی به‌نده‌یه بۆ لای خوای گه‌وره ومتمانه‌یه به په‌روه‌ردگار، له‌گه‌ڵ هه‌ستان به‌وه‌ی كه شه‌رع ڕێگای پێداوه له‌گرتنه‌به‌ری هۆكاره‌كان بۆ به‌ده‌ستهێنانی سوود وقازانجه‌كان و دوورخستنه‌وه‌ی زیان وزه‌ره‌ره‌كان.
هه‌ندێ له به‌روبومه‌كانی پشت به‌ستن به خوا:
١- ڕێگای سه‌ركه‌وتنه له ژیانی دونیادا.
٢- ده‌سه‌ڵات نه‌بوونی (شه‌یتان) به‌سه‌ر ئه‌وانه‌ی که ته‌نها پشتیان به په‌روه‌ردگاریان ده‌به‌ستن.
٣- پشت به‌ستن به‌خوای گه‌وره به‌ڵگه‌یه له‌سه‌ر ڕاستی باوه‌ڕ.
٤- هه‌ر که‌سێ پشت به‌خوا ببه‌ستێ ئه‌وه خوای به‌سه.
5- خوای گه‌وره ئه‌وانه‌ی خۆش ده‌وێت که پشت به‌خوا ده‌به‌ستن.
٦- ئه‌و که‌سانه‌ی که ته‌نها پشتیان به په‌روه‌ردگاریان ده‌به‌ستن، خوای گه‌وره له کۆشکه به‌رزه‌کانی به‌هه‌شتدا نیشته‌جێیان ده‌کات، که ڕووباره‌کان به‌ژێریاندا دێن و ده‌چن بێ بڕانه‌وه تیایدا ده‌مێننه‌وه.
