حوكمی وه‌رگرتنی قه‌رز به‌مه‌رج

پرسیار : من كابرایه‌كی جووتیارم، پێویستم به‌ هه‌ندێك پاره‌ هه‌بوو بۆ مه‌سروفاتی كشتوكاڵ كردنه‌كه‌م، چووم بۆلای كه‌سێك بۆ وه‌رگرتنی قه‌رز لێی، ئه‌ویش ڕازی بوو به‌پێدانی قه‌رز پێم، به‌ڵام به‌و مه‌رجه‌ی كه‌ منیش به‌ربوومی سه‌وزه‌كه‌م لای ئه‌و بفرۆشم، ئایا حوكمی ئه‌م كاره چیه‌ ؟ خوای گه‌وره‌ پاداشتی خێرتان بداته‌وه‌ .

وه‌ڵام : سوپاس بۆ خوای گه‌وره‌ ومیهره‌بان، وه‌ درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه‌ .

ئه‌گه‌ر هاتوو ئه‌و كه‌سه‌ پاره‌ داره‌ قه‌رزه‌كه‌ی به‌و مه‌رجه‌ پێ ده‌دایت كه‌ به‌رووبومه‌كه‌ت لای ئه‌و بفرۆشیت، وه‌ ئه‌گه‌ر لای ئه‌و نه‌یفرۆشیت قه‌رزت پێ نادات، ئه‌وه‌ ئه‌و گرێبه‌سته‌ دروست نییه‌، چونكه‌ ئه‌وه‌ قه‌رزێكه‌ مه‌نفه‌عه‌ت و قازانجێك به‌دوای خۆیدا ده‌هێنێت بۆ خاوه‌ن قه‌رزه‌كه‌، ئه‌مه‌ش به‌ كۆده‌نگی زانایان دروست نییه .

به‌ڵام ئه‌گه‌ر هاتوو قه‌رزه‌كه‌ی پێدایت، وهیچ مه‌رجێكی له‌سه‌ر نه‌گرتیت وتۆیش دوای ئه‌وه‌ی كه‌ به‌روبوومه‌كه‌ت هاته‌ به‌ر، ڕۆیشتیت به‌خاوه‌ن قه‌رزه‌كه‌ت فرۆشت بۆ ئه‌وه‌ی پاشتر قه‌رزه‌كه‌ی بده‌یته‌وه‌، هیچی تێدا نییه‌ و درروسته‌، چونكه‌ (مه‌رجت له‌سه‌ر نه‌گێراوه‌ وده‌توانی به‌كه‌سێكی تریشی بفرۆشیت) خوای گه‌وره‌ زاناتره‌ .

سه‌رچاوه‌ (موسوعة نور علی الدرب للشیخ عبد العزیز بن عبد الله بن باز رحمه الله ) .