API
حوكمی كڕینی گۆشت له قه‌سابێك كه نه‌زانیت كه‌سێكی چۆنه
پۆڵێنه‌كان
Full Description
حوكمی كڕینی گۆشت له قه‌سابێك كه نه‌زانیت كه‌سێكی چۆنه
] kurdish – كوردی – كردي [
شێخ صاڵح الفۆزان
وه‌رگێڕانی: ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2012 - 1433
﴿ حكم شراء اللحوم من جزار مجهول الحال ﴾
« باللغة الكردية »
معالي الشيخ صالح بن فوزان الفوزان
ترجمة: فريق قسم اللغة الكردية بموقع دار الإسلام
مراجعة: بشتيوان صابر عزيز
2012 - 1433
حوكمی كڕینی گۆشت له قه‌سابێك كه نه‌زانیت كه‌سێكی چۆنه
ئه‌م پرسیاره له‌شێخ صالح فوزان كرا :
پرسیار : ئێمه هه‌موومان گۆشت له‌كۆمه‌ڵه قه‌سابێك ئه‌كڕین نازانین كه‌سێكی چۆنه، ئایا نوێژ ده‌كات یان نا ؟ وه كه‌سیش له‌ئێمه دڵنیا نییه له‌وه‌ی كه ئه‌و كه‌سانه نوێژیش ناكه‌ن، له‌به‌ر ئه‌وه‌ی له‌مزگه‌وته‌كاندا نایانبینین له‌گه‌ڵ خۆماندا نوێژ بكه‌ن، پرسیاریشمان لێكردوون. ده‌ڵێن ئێمه خۆمان ئاژه‌ڵه‌كان سه‌رده‌بڕین، ئایا دروسته گۆشتیان لێ بكڕین له‌كاتێكدا گومانمان هه‌یه كه نوێژ ناكه‌ن ؟
وه‌ڵام : گۆشتی ئه‌و ئاژه‌ڵانه‌ی كه له‌بازاڕی موسڵمانان و له‌ووڵاته ئیسلامیه‌كاندا ده‌فرشرێن، ئه‌صڵ ئه‌وه‌یه حه‌ڵاڵه سوپاس بۆ خوا، وه هیچ پێویست به‌وه ناكات پرسیاری له‌باره‌وه بكرێت، له‌كاتێكدا نه‌بێت كه دڵنیا بیت له‌وه‌ی كه ئه‌و ئاژه‌ڵانه به‌ڕێگایه‌كی ناشه‌رعی سه‌رده‌بڕرێن، له‌م باره‌یه‌وه پرسیار كرا له پێغه‌مبه‌ر (صلی الله علیه وسلم) ده‌رباره‌ی كه‌سانێكی تازه موسڵمان گۆشت ده‌هێننه بازاڕه‌وه وده‌یفرۆشن، ناشزانرێت ئایا ناوی خوایان لێ هێناوه یان نا، پێغه‌مبه‌ریش (صلی الله علیه وسلم) له‌وه‌ڵامیاندا فه‌رمووی: «سموا الله أنتم وكلوا » {رواه الإمام البخاري في صحيحه} واته : ئێوه خۆتان ناوی خوای لێ بهێنن و بیخۆن، مه‌به‌ست پێی ئه‌و ناوی خوا هێنانه‌یه له‌كاتی خواردندا، نه‌ك له‌به‌ر ئه‌و گومانه‌ی كه له‌لای ئه‌و خه‌ڵكه دروست بوو بوو كه پرسیاره‌كه‌یان كرد بوو .
ده‌رباره‌ی ئه‌و قسه‌یه‌ش كه ده‌ڵێن : ئه‌و قه‌سابانه نابینرێن له نوێژی جه‌ماعه‌تدا وكه‌مته‌رخه‌می ده‌كه‌ن، نابێت به به‌ڵگه بۆ حه‌رام بوونی گۆشتی ئه‌و ئاژه‌ڵانه‌ی كه سه‌ری ده‌بڕن، نه‌كردنی نوێژی جه‌ماعه‌ت هه‌رچه‌نده كارێكی حه‌رامه، به‌ڵام نابێته هۆی ئه‌وه‌ی كه مرۆڤی پێ كافر ببێت وله ئوممه‌تی ئیسلام پێی له‌دین بچێته ده‌ره‌وه .
خوای گه‌وره زاناتره .
