ئۆزۈمگە خىتاپ

رسالة إلى نفسي

ئەھمەد ئوبۇلقاسىم قەشقەري

أحمد أبوالقاسم القشقري

 ئۆزۈمگە خىتاپ

ئەي ... ھاياتلىقنىڭ ھەلەكچىلىگىدە ئالدىراش يۈرۈپمۇ، پۇشمان ۋە ھەسرەت چېكىۋاتقان، تېڭىرقاش قايناملىرىغا چۈمۈپ، ئۆزىگە ۋە كەلگۈسىگە بولغان ئېشەنچىنى يوقىتىۋاتقان بېچارە ئىنسان، توختا ! يەۋاتقان تامىقىڭنى، ئېچىۋاتقان سۈيۈڭنى قوي! قىلىۋاتقان ئىشىڭنى تاشلا! ھۈشۈڭنى يىغىپ، پۈتۈن ۋۇجۇدۇڭ بىلەن سۆزۈمگە قۇلاق سال!

سەن ئىماننىڭ ھالاۋىتىنى تېتىغان، ئۆز مەجبۇرىيىتىڭ ۋە مەسئۇلىيىتىڭنىمۇ بىلىپ يەتكەن مۇسۇلمانسەن.. شۇنداق تۇرۇپ يەنە نىمىشقا تىڭىرقايسەن؟ ھالال ـ مېھنەت بىلەن كەسىپ قىلىپ رىزىقلىنالايسەن . شۇنداق تۇرۇپ، يەنە نىمىشقا باشقىلارنىڭ ئالدىدا بويۇن قىسىسەن ؟ قىلىۋاتقان ئىشىڭدا  ئاللاھنىڭ رازىلىقىنى مەخسەت، ھالال ـ پاك نەرسىلەرنى ۋاستە قىلىپ تۇرۇغلۇق يەنە نىمىشقا ئىككىلىنىسەن؟

ياق .. ياق، سەن ئىلگىرى باسمىغان تىجارىتىڭ، دۇچ كەلگەن  زىيانلارنىڭ ئاللاھ تەرەپتىن كەلگەن سىناق ئىكەنلىكىنى بىلىپ تۇرۇپ ئۆز ـ ئۆزۇڭدىن گۇمانلانما؟ سىنىڭ رىزقىڭ ـ سىنىڭ قابىلىيىتىڭ ۋە ساداقىتىڭدە ئەمەس بەلكى رەببىڭدە ..! سەن قولغا كەلتۈرەلمىگەن نەرسىلىرىڭ ئۈچۈن ھەسرەتلەنمە ھەم ئاللاھ يولىدا سەرىپ قىلىۋىتىپ مۇھتاج بولۇپ قالغانلىقىڭدىن ئۆكۈنمە ..! بىلىپ قوي ... ئاللاھنىڭ ساڭا ئاتا قىلىۋاتقان ھەر بىر نىئمەتلىرىنىڭ كەينىدە سان - ساناقسىز سۇئال - سوراق، ئۈندەشلەر بار ..! سېنىڭ قولغا كەلتۈرەلىگېنىڭ سېنىڭ غەلبە ڭ ئەمەس، قولغا كەلتۈرەلمىگېنىڭ سېنىڭ مەغلۇبىيېتىڭ ئەمەس. سېنىڭ غەلبەڭ ۋە مەغلۇبىيېتىڭ، نىئمەتلەرنىڭ شۈكرانېسىنى ئۆز لايىقىدا ئادا قىلالىشىڭ ياكى قىلالماسلىقىڭدا ۋە قىسمەتلىرىڭگە قەتئى سەبىر قىلالىشىڭ ياكى قىلالماسلىقىڭدا .........! شۇ ڭا ھەق ئۈچۈن خازان بولۇپ، دەھشەتلىك كۈنلەرگە قالغانلىقىڭغا، ئىززەت ـ ھۆرمىتىڭدىن ئايرىلىپ  كىشلەرنىڭ كۈلكىسىگە، ھەر خىل ئەيىپلەشلىرىگە دۇچ كەلگەنلىكىڭدىن -

ئەپسۇسلانما.

          سەن ئاللاھنىڭ سەن بىلەن بىللە ئىكەنلىكىگە ئىشەنچ قىلساڭ، پۈتۈن دۇنيادىكى ئىنسانلاردىن ئايرىلىپ قالغانلىقىڭغا ھەسرەتلەنمە. ئەكسىچە بۇنداق غېرىپلىقىڭدىن خۇشال بول ....! ئاللاھنىڭ رەسۇلىنىڭ سەندەك غېرىپلارغا خەيرلىك تىلەپ دۇئا قىلغانلىقىنى ئۇنۇتۇپ قالما ...!

سەن ، ئاللاھنىڭ زېمىنى كە ڭرې ئەمەسمىدى ..؟ دىگەن ئايەتنى ئوقۇپ ھېجرەت قىلدىڭ، ئەمدى ئوتۇ ڭدا كۆيۈپ ـ سۈيۈ ڭدە ئاقىدىغان ئاتا ـ ئانا، خوتۇن ـ باللىرىڭنى مېنىڭسىز قانداق قىلىۋاتقاندۇ؟ دەپ ئارتۇق غەم قىلما ..!  ئاللاھ ئەڭ ياخشى مۇھاپىزەت قىلغۇچىدۇر ..! ئاللاھ خالىسا سەنسىزمۇ ھەممە ئىشلار ئۆز ئوقۇدا چۆرگۈلەۋ ىرىدۇ.

ئاللاھ ئۆزى تەقدىر قىلغان ئىشلاردا، ھېچكىمگە ھاجەت ئەمەس؛ ئۇنداقكەن سەن قانداقمۇ مەن بولمىسام بولمايتتى دېيەلەيسەن ...؟

سەن بۈگۈنكىدەك ھەممە ئىنسان ئۆز غېمىدە قالغان جاھاندا، ئۆز مەسئۇلىيېتىدىن  قاچقان بالا، ياكى ئەر ۋ ە ياكى دادا ئەمەس، بەلكى كۆپىنچە ئىنسانلار ئۈستېگە ئېلىشتىن قېچىۋاتقان تېخىمۇ يۈكسەك، تېخىمۇ ئېغىر مەسئۇلىيەتنى ئۈستۈ ڭگە ئېلىش ئۈچۈن تەييارلانغان ئاددى ئادەمسەن ..! سەن پەقەت ۋ ە پەقەت ئاللاھنىڭ رازىلىقى ئۈچۈنلا، بارلىق غەنېمەتلىرىڭدىن ۋاز كېچىش كىرەكلىگىكى بىلىپ يەتكەن ئاجىز بەندېسەن ..!

سەن بۇ چەكلىك ھاياتتىكى مەنا ۋ ە ئەھمىيەتنى، باتىلنىڭ سۈلھې - سالالېرىگە بويسۇنغان، ئاددى بىر ئائىلىدىن ئەمەس  ، بەلكى جاھالەت ۋ ە زۇلۇمنىڭ قارا قۇيۇنلىرى قاپلېغان بەخېتسىز ئىنسانلار ئارېسىدىكى ھەقىقانىيەتنىڭ ئۆچمەس مەشئەللېرىگە ئايلانغان، مەردانېلارنىڭ جاپا - مۇشەققەت، خەيىم - خەتەرلەر بىلەن تولغان، پەقەت قانلىق بەدەللەر بىلەنلا مۇراد ساھېلىغا ئۇلىشالايدىغان، ئىمان - ئىسلامنىڭ تەۋە رەنمەس، ئاشۇ مە ڭگۈ ئۆزگەرمەس  تە ۋ ھېد مەيدانىدىن ئىزدە ۋ اتىسەن !

دىققەت .................!

ئەگەر دەۋايىڭ راستىنلا شۇنداق بولسا، ئۇنداقتا ھاياتىڭدىكى مۇقۇملۇقنى، مۇرەسسەچى ئىتائىتېڭدىن ئەمەس، بەلكى پاك ئىتىقادىڭنىڭ سۇنماس ئىرادېسىدىن ئىزدە ..! ئەگەر دە ۋ ايىڭ راستىنلا شۇنداق بولسا ، ھەقىقى خاتىرجەملىكنى زالىمنىڭ ساخاۋېتىدىن ئەمەس ، بەلكى ئاللاھقا بولغان كامىل ئىمانىڭدىن ئىزدە .. ! ئەگەر دەۋ ايىڭ راستىنلا شۇنداق بولسا، مەڭگۈلۈك بەخىت - سائادىتىڭنى باتىلنىڭ سىياسېتىدىن ئەمەس ..! بەلكى ئىسلامنىڭ ئادالەتلىك سايىسىدىن ئىزدە .. ! ئەگەر دەۋ ايىڭ راستىنلا شۇنداق بولسا ، يانا بۇ يولدا ئاققۇزغان قان - تەر بەدەللىرىڭنىڭ غەلبىلىك نەتىجېلىرىنى، كىشىلەرنىڭ مايىللىقىدىن ئەمەس، بەلكى رەببىڭنىڭ رازىلىقىدىنلا ئىزدە ..!

ئىتىقاد ، ئىمان ۋ ە ئىسلامنىڭ ھەققىنى ئادا قىلىش ئۈچۈن، كۇفرىنىڭ جاھالېتى ۋە زۇلمېتىدىن قۇتۇلۇش ئۈچۈن، ئىماننىڭ نۇرىنى، ئىسلامنىڭ ئادالېتىنى، ئىنسانىيەتنىڭ سائادېتىنى ئىزدەپ ئۆي - ماكان، ئەل -يۇرت ، دوست - يارەنلىرىڭنى تاشلاپ، ھېجرەت قىلغانكەنسەن، ئۇنداقتا يول ئۈستىدە مۈگېدەپ قالغان كارۋانلارنىڭ ئازغۇنلىقىدىن، توپتىن چۈشۈپ قالغان ئىمانى ئاجىز، ئىرادېسى بوش پىتنە - پاساتچىلارنىڭ بانا - سە ۋە پلىك ئىغۋالىرىدىن، كۆرەلمەس ھەسەتخور، تۇغماس توخۇدەك كۇرۇكلارنىڭ غەۋغالىرىدىن ھەرگېز قورقما ..! بەلكى تېخىمۇ قەتئى بول!

ئاللاھنىڭ رازىلىقى مەقسېدىڭ بولسا، رەسۇلۇللاھنىڭ سۈننېتى ۋاستەڭ بولسا، ئەجەل سېنىڭ مەنزىلىڭ بولسا، قەتئى نىيەت، ۋ ە مۇستەھكەم ئىرادىنى ئۆزۈڭگە مەڭگۈلۈك ھەمرا قىلالىساڭلا، سەن ھەقىقى غالىپلاردىن بولالايسەن .

بولدى ئەمدى ئورنۇ ڭدىن تۇر .. ! نېمە قاراپ تۇرىسەن ..؟ تېز بول .. ! ئۆزۈ ڭگە ئارتۇق يۈكلىۋالغان بارلىق غەملىرىڭنى تاشلاپ ، ئاللاھ قا تە ۋە ككۇل قىل ... !