بهدهستی خۆی له ڕۆژی ڕهمهزاندا ئاوی خۆی هێناوهتهوه وپاشان نانی خواردووه

وهرگێڕانی: دهستهی بهشی زمانی كوردی له سایتی ئیسلام هاوس

﴿ استمنى في نهار رمضان وأكل ﴾

پرسیار : لهمانگی ڕهمهزاندا بهدهستی خۆم ئاوی خۆم هێنایهوه، پاشان لهیهكێك له گۆڤاره ئیسلامیهكاندا خوێندمهوه كه ئاوی خۆ هێنانهوه ڕۆژوو بهتاڵ دهكاتهوه، بهڵام كهفارهت واجب ناكات ( مهبهست له ئازادكردنی بهندهیهك، یان خواردنی شهست ههژار ) ئایا ئهمهراسته ؟

پرسیاری دووهمیشم ئهوهیه كاتێك زانیم كه ڕۆژووهكهم بهتاڵه دهستم كرد بهنان خواردن، ئایا نهگرتنی ئهو ڕۆژه كهفارهتی ئهوێت یان نا ؟ خوای گهوره پاداشتی خێرتان بداتهوه لهسهر وهڵامدانهوهتان ؟

وهڵام : گومانی تێدا نیه مومارهسهكردنی ( خووی نهێنی = دهستهپهڕكردن ) لای زۆربهی زانایــان كارێكی حــهرام و قهدهغهركراوه، هــهروهك شێخ الإســـلام ابـن تیـمیـة ( ڕهحمهتی خوای لێ بێت ) ئاماژهی پێكردووه، مومارهسهی ئهم كارهش لهمانگی رهمهزاندا گوناههكهی گهورهتره دهكات، جا ئهگهر ئاوی پیاو هاتهوه بههۆی مومارهسهكردنی ئهم خوه نهێنیهوه ئهوه ڕێزو حورمهتی رهمهزان شكاوه و گوناهیشی زیاتره، جا ههركهس بهدهستی خۆی ئاوی خۆی هێنایهوه ئهوه ڕۆژووهكهی شكاوه و دهبێت ئهو ماوهیهشی كهماوه وازلهخواردن وخواردنهوه بهێنێت، وهلهبهر ڕێزو حورمهتی مانگی ڕهمهزان نابێت ڕۆژوهكهی بشكێنێت و دهست بكات بهخواردن و خواردنهوه، لهبهر ئهوه پێویسته لهسهرت تهوبه بكهیت لهسهر ئهوهی كه بهدهستئهنقهست وبهئارهزووی خۆت ئاوی خۆت هێناوهتهوه، دیسان تهوبهیش لهسهر ئهوه بكهیت كه باقی ڕۆژهكهیش وازت لهخواردن و خواردنهوه نههێناوه و ڕێز و حورمهتی ئهو مانگه پیرۆزهت شكاندوه به خواردن وخواردنهوه، پێویسته لهسهرت ڕۆژێك لهتۆڵهی ئهو ڕۆژهدا بهڕۆژوو ببیتهوه، ئاگاداری ئهوهش به كه خێر وخێرات وصهدقه زۆر بكه و ڕۆژووی سوننهت بگره چونكه چاكه وخێركردن تاوان و خراپه و گوناههكان دهسڕنهوه و نایانهێڵن، خوای گهورهش لێبورده و بهڕهحمه .

پهروهردگار لهههموو كهس زانا و شارهزاتره .