صح حديث ތައް ކުރުކޮށް އެކުލަވާލުމުގެ ބޭނުންތެރިކަން އަހުރެންނަށް ފެނުނެވެ. އެއީ ކިޔާ މީހާއަށް آخرة އަށް މަގު ދައްކާނޭހެން شامل ކޮށްފައެވެ. އަދި އެތެރެ ފުށާއި ބޭރުފުށުގެ އަދަބުތައް ހާސިލުވާނޭ ގޮތުގެ މަތީންނެވެ. އަދި ترغيب އާއި ترهيب ޖަމާ ކޮށްފައެވެ. އަދި ބޭނުންތެރި އެންމެހައި އަދަބުތައް ހިމަނާފައެވެ. ޒުހުދު ވެރިކަމާއި ނަފުސުގެ ސުލޫކާއި أخلاقގެ ތަހުޒީބާއި ހިތުގެ طاهرކަމާއި އޭގެ ފަރުވާއާއި ފާފައިން ގުނަވަންތަކުގެ ރައްކާތެރިކަމާއި އޭގެ ދަމިލަ ނައްތާލުމާއި އަދި އެނޫނަސް ދަނެގަތުން ބޭނުންވާ مقصدތައް ހިމެނޭ ގޮތުގެ މަތީންނެވެ. އަދި އަހުރެން ގަދައަޅާފައިވަނީ މީގައި صح އަދި واضح, حديث ނޫން އެހެން އެއްޗެއް ބަޔާން ނުކުރުމަށެވެ. އަދި އެއީ مشهور صحيح حديث ފޮތެއްގައި ބަޔާން ވެފައިވާ حديثއެއް ކަމުގައި ވޭތޯ ހެދުމަށެވެ. އަދި ކޮންމެ ބާބެއްގެ ކުރީކޮޅުގައި އެ ބާބަކާ ގުޅުންހުރި ކީރިތި قرآنގެ އާޔަތްތައް ހިމަނާފައިވާނެއެވެ. އަދި ފިލިޖަހަން ބޭނުންވާ ކަލިމަތަކުގައި ފިލި ޖަހާފައިވާނެއެވެ. އަދި ލަފުޒެއްގެ މާނައިގައި އޮޅުމެއްވާ ނަމަ ނުވަތަ شرح ކުރަންޖެހޭފަދަ ތަނެއްވާ ނަމަ ބަޔާންކުރަމުންނެވެ. އަދި އަހުރެން حديث އެއްގެ ފަހަތުގައި "متفق عليه" ބުނެފި ނަމަ އޭގެ މާނައަކީ بخاري އާއި مسلم ރިވާ ކުރެއްވިއެވެ.