نزیك بونه‌وه‌ی فیتنه‌ و له‌ناوچوون كاتێ تاوان زۆر بوو

] kurdish – كوردی – كردي [

پشتیوان سابیر عه‌زیز

2011 - 1432

﴿ اقتراب الفتن والهلاك إذا كثر الخبث ﴾

« باللغة الكردية »

بشتيوان صابر عزيز

2011 – 1432

نزیك بونه‌وه‌ی فیتنه‌ و له‌ناوچوون كاتێ تاوان زۆر بوو

الحمد لله وكفی والصلاة والسلام علی رسول الله وعلی آله وصحبه وسلم .

خوێنه‌ره‌ خۆشه‌ویسته‌كان: ئه‌م باسه‌ بریتیه‌ له‌ مانای دوو فه‌رمووده‌ی پێغه‌مبه‌ری خوا صلى الله عليه وسلم كه‌ له‌ بابی ( نزیك بونه‌وه‌ی فیتنه‌ و له‌ناوچوون كاتێ تاوان زۆر بوو) له‌ كتێبی ( الفتن ) ی پوخته‌ی سه‌حیحی موسلیمدا هاتوه‌، پێم خۆشه‌ پێكه‌وه‌ بچینه‌ خزمه‌تيان:

عَنْ زَيْنَبَ بِنْتِ جَحْشٍ (رضي الله عنه): أَنَّ النَّبِيَّ (صلی الله عليه وسلم) اسْتَيْقَظَ مِنْ نَوْمِهِ وَهُوَ يَقُولُ: (لَا إِلَهَ إِلَّا اللَّهُ، وَيْلٌ لِلْعَرَبِ مِنْ شَرٍ قَدِ اقْتَرَبَ، فُتِحَ الْيَوْمَ مِنْ رَدْمِ يَأْجُوجَ وَمَأْجُوجَ مِثْلُ هَذِهِ). وَعَقَدَ سُفْيَانُ بِيَدِهِ عَشَرَةً. قُلْتُ: يَا رَسُولَ اللَّهِ، أَنَهْلِكُ وَفِينَا الصَّالِحُونَ؟ قَالَ: (نَعَمْ، إِذَا كَثُرَ الْخَبَثُ) .

واته‌: له‌(زینب)ی كچی (جحش) (خوای لێ ڕازی بێت)ه‌وه‌: كه‌ پێغه‌مبه‌ری خوا (صلی الله عليه وسلم) له‌خه‌و ڕاپه‌ڕی ده‌یفه‌رموو: (لا إله‌ إلا الله، هاوار بۆ عه‌ره‌ب له‌ شه‌ڕێك كه‌ نزیك بۆته‌وه‌، ئه‌مڕۆ له‌ به‌ربه‌سته‌كه‌ی (یأجوج) و(مأجوج) ئه‌وه‌نده‌ی ئه‌مه‌ كونی تێبوو) (سفیان) ئاماژه‌ی بۆ ژماره‌ ده‌كرد. منیش وتم: ئه‌ی پێغه‌مبه‌ری خوا ئایا له‌ناو ده‌چین له‌ كاتێكدا ئێمه‌ {هێشتا} پیاوچاكانمان تێدایه‌؟. ئه‌ویش فه‌رمووی: (به‌ڵێ كاتێك تاوان زۆر بوو).

عَنْ أَبِي هُرَيْرَةَ (رضي الله عنه) عَنِ النَّبِيِّ (صلی الله عليه وسلم) قَالَ: (فُتِحَ الْيَوْمَ مِنْ رَدْمِ يَأْجُوجَ وَمَأْجُوجَ مِثْلُ هَذِهِ). وَعَقَدَ وُهَيْبٌ بِيَدِهِ تِسْعِينَ.

واته‌: (أبی هریره‌)(خوای لێ ڕازی بێت) ده‌ڵێ: پێغه‌مبه‌ری خوا (صلی الله عليه وسلم) فه‌رموویه‌تی: (ئه‌مڕۆ له‌به‌ربه‌سته‌كه‌ی یاجوج و ماجوج و ئه‌وه‌نده‌ی ئه‌مه‌ كه‌له‌به‌ری تێكه‌وت. (وهیب) به‌ده‌ستی ئاماژه‌ی بۆ نه‌وه‌د كرد.

موسڵمانانی خۆشه‌ویست ئاگاداربن‌: هه‌ركاتێك تاوان وگوناح وخراپه‌كاری زووربوون و بڵاوبوونه‌وه‌، ئه‌وه‌ شوێنه‌واری شوومی ده‌بێت له‌سه‌ر ژیانی تاك وكۆمه‌ڵگه‌دا و ده‌بێته‌ مایه‌ی له‌ناوچوون، وه‌كو خوای گه‌وره‌ فه‌رمویه‌تی: { وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً } الأنفال:٢٥.واته‌: وه‌ له‌ به‌ڵایه‌ك خۆتان بپارێزن كه‌ ته‌نیا ئه‌وانه‌تان ناگرێته‌وه‌ كه‌ سته‌میان كردوه‌.

وه‌ده‌بێت خۆمان بپارێزین له‌ هه‌موو تاوانێكی بچوك وگه‌وره‌، وه‌هه‌وڵ بده‌ین زیاتر له‌ خوای گه‌وره‌ نزیك ببینه‌وه‌ و بڕیاری تۆبه‌و بۆ لای خوا گه‌ڕانه‌وه‌ی ڕاست وساغ ( التوبة النصوح ) بده‌ین.

والسلام علیكم ورحمة الله وبركاته