حوكمی له‌باربردنی كۆرپه‌له‌

] kurdish – كوردی – كردي [

شێـــخ عبد العزیز بن بـــاز

وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس

پێداچونه‌وه‌ی: پشتیوان سابیر عه‌زیز

2014 - 1435

 حكم إسقاط الحمل

« باللغة الكردية »

الشیخ عبد العزيز بن باز

ترجمة: فريق قسم اللغة الكردية بموقع دار الإسلام

مراجعة: بشتيوان صابر عزيز

2014 - 1435

حوكمی له‌باربردنی كۆرپه‌له‌

ئه‌م پرسیاره‌ ئاڕاستــــه‌ی شێـــخ عبد العزیز بن بـــاز كــــراوه‌ ( ڕه‌حمه‌تی خوای لێ بێت ) :

پرسیار : ئایا حوكمی ئه‌و ئافره‌ته‌ چیه‌، به‌ ده‌ست ئه‌نقه‌صد و به‌عه‌مدی پاڵ بنێت به‌ به‌فرگر ( ثلاجة ) یه‌كه‌وه‌، بۆ ئه‌وه‌ی ئه‌و مناڵه‌ی له‌ سكیدایه‌ له‌باری ببات ؟

وه‌ڵام : سوپاس بۆ خوای گه‌وره‌ ومیهره‌بان، وه‌ درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه‌ .

ئه‌وه‌ كارێكی دروست نییه‌، ئه‌و ئافره‌ته‌ی كه‌ سكی هه‌یه‌ بۆی نییه‌ شتێك به‌كار بهێنێت، بۆ ئه‌وه‌ی مناڵه‌كه‌ی له‌بار ببات، نه‌ به‌و كاره‌ی كه‌ شتێكی قورس هه‌ڵبگرێت، نه‌ به‌وه‌شی كه‌ له‌جێگایه‌كی به‌رزه‌وه‌ باز بدات، یان هه‌ر شتێكی تر كه‌ ببێت به‌هۆی له‌باربردنی مناڵه‌كه‌ی، بۆیه‌ واجبه‌ له‌سه‌ری دوور بكه‌وێته‌وه‌ له‌هه‌موو ئه‌و شتانه‌ی كه‌ ده‌بێته‌ هۆی له‌باربردنی مناڵ، مه‌گه‌ر له‌كاتێكدا نه‌بێت كه‌ سكه‌كه‌ی چل ڕۆژ بێت و پێویستی و زه‌روره‌تێكی وا ته‌نگی پێ هه‌ڵچنیبێت، كه‌ پێویست بكات سكه‌كه‌ی له‌بار ببات، چونكه‌ كۆمه‌ڵێك له‌ زانایان ڕێگایان داوه‌ به‌وه‌ها حاڵه‌تێك، به‌ڵام به‌و مه‌رجه‌ی له‌ڕێگای پزیشكێكی شاره‌زای متمانه‌ پێكراو بێت، له‌گه‌ڵ ئه‌وه‌شدا ئه‌گه‌ر بتوانێت وازهێنانی له‌وه‌ كارێك باشتره‌، به‌ڵام وه‌ك ووتمان ئه‌گه‌ر هاتوو سك پڕیه‌كه‌ی ناڕه‌حه‌تی ده‌كرد، وه‌ك ئه‌وه‌ی مناڵی زۆری هه‌بێت، یان نه‌خۆش بێت و سك پڕی زیانی هه‌بێت بۆ سه‌ر ته‌ندروستی، له‌ چل ڕۆژی یه‌كه‌می سكه‌كه‌یدا دروسته‌ بۆی به‌ رێگایه‌كی ساغ و ته‌ندروست سكه‌كه‌ی له‌باری ببات وهیچی تێدا نییه‌، به‌ڵام له‌دوای ئه‌و چله‌ ڕۆژه‌وه‌ به‌هیچ شێوه‌یه‌ك دروست نییه‌ ئافره‌ت سكی خۆی له‌بار ببات، ته‌نها له‌هه‌ندێكی حاڵه‌تی تایبه‌تدا نه‌بێت كه‌ پزیشكه‌كان بڵێن ئه‌گه‌ر ئه‌و منداڵه‌ له‌دایك ببێت مه‌ترسی هه‌یه‌ بۆ سه‌ر ژیانی دایكه‌كه‌، وه‌ك ووتمان بڕیار دان له‌سه‌ر وه‌ها حاڵه‌تێك ده‌گه‌ڕێته‌وه‌ بۆ بڕیاری پزیشكی پسپۆڕی ماتمانه‌ پێكراو .

خوای گه‌وره‌ش زاناتره‌ ..

سه‌رچاوه‌ : فه‌تواكانی به‌رنامه‌ی نور علی الدرب، وه‌رگیراوه‌ له‌ ماڵپه‌ڕی شێخ عبد العزیز بن باز .