Омонатдорлик, вафо ва намоз иймондандир

• Good Manners << Merit of Morals << Virtues/Noble Characteristics

وَالَّذِينَ هُمْ لأَمَانَاتِهِمْ وَعَهْدِهِمْ رَاعُونَ * وَالَّذِينَ هُمْ عَلَى صَلَوَاتِهِمْ يُحَافِظُونَ * أُوْلَـئِكَ هُمُ الْوَارِثُونَ * الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ *

Улар омонатлари ва ахдларига риоя килувчилардир. Улар намозларини мухофаза этувчилардир. Ана ўшалар, ўшалар Фирдавсни мерос килиб оладиган ворислардир! Улар ўша ерда абадий колувчилардир.

(Муъминун сураси, 8, 9, 10, 11-оятлар).

* * *

Омонатдорлик, вафо, намозни ўз вактида ўкиш бир-бирига чамбарчас боглик сифатлар бўлиб, булар мусулмонларнинг хаётларини тартибга солиб туради. Шу уч неъмат бўлмаган ерда ўзаро ишонч хам, мехр-окибат хам, демак, бахт хам бўлмайди.

Инсонни яратган Зот унинг хаёти ва бахт-саодати учун нималар зарурлигини хам Ўзи билган ва бандаларига шу нарсаларни ато килган. Омонатдорлик, вафо, намозни ўз вактида ўкиш бахт истаган ва бошкаларнинг бахтига сабаб бўлишни ният килган хар бир инсон ўзида пайдо килишга интилиши зарур бўлган неъматлардир. Зеро, булар иймон дарахтининг энг киммат ва энг гўзал мевалари хисобланади. Одамзод бу дунёда мана шу омонатдорлик, вафо ва намоз туфайли максадга эришади, нажот топади.

Агар инсонлар омонатдор, бир-бирларига вафодор бўлмасалар ёки фараз килайлик, бу сифатлар бу дунёдан кўтарилиб кетгудек бўлса, бундан ортик дахшат бўлмайди. Чунки бунда одамзод бир-бирини гажишга тайёр гала-гала вахший хайвонларга айланиб кетади. Дарвоке, Киёмат хам ана шундай пайтда содир бўлади.

Киёматдан, окибатдан, хисоб-китобдан кўрккан инсонлар албатта мўмин бўладилар. Мўминлик эса ажойиб-ажойиб неъматларнинг, нихоятда ноёб хислатларнинг дунёга келишига сабаб бўлади.

Аллох таоло Муъминун сурасида мўмин бандаларнинг сифатларини баён килишда давом этиб шундай дейди: "Улар омонатлари ва ахдларига риоя килувчилардир".

Бу оятга мухтарам уламоларимиз ёзган шархлар, жумладан куйидагилардан иборат:

"Зикри олий Зот айтадики, улар (мўминлар) шундай кишиларки, устларига кўйилган омонатларига ва одамлар билан тузган ахд-шартномаларига риоя килувчилар, уларни сакловчилардир". (Т).

"Омонат ва ахд дин ва дунё ишидан хох сўз бўлсин, хох иш бўлсин инсоннинг зиммасига юклатилган барча вазифаларни ўзида жамлайди. Бу одамлар билан бўладиган муносабатлар, келишувлар ва бошка нарсаларни хам ўз ичига олади. Булардан максад шу нарсаларни химоя килиш ва амалга оширишдир. Омонат ахддан кўра кенгрок маъноларни билдиради. Ахд омонатнинг ичига киради..." (К).

"Бас, Аллох бандасига вожиб килган жамики нарсалар омонатдир. Уларни саклаш, яъни мукаммал бажариш бандага вожибдир. Шунингдек, бунинг доирасига одамларнинг омонатлари, масалан, пул-буюмлар, сир-асрорлар ва бошка омонатлар хам киради. Бас, бандага шу икки ишнинг риоясини килиш, икки омонатни адо этиш вожиб бўлади. Шунингдек, (оятдаги) ахд мўминлар билан бандалар орасидаги ахдни хам ўз ичига олади. Бу банда ўз устига оладиган мажбуриятлар, тузадиган шартномалардир. Демак, инсон уларга риоя этиши, вафо килиши лозим. Бепарво бўлиши, эътиборсиз ташлаб кўйиши харомдир". (С).

"Улар мунофикларнинг сифатларидан йирок бўладилар. Мунофиклар хакида Расулуллох соллаллоху алайхи васаллам айтганлар: "Мунофикнинг аломати учтадир: сўзласа ёлгон сўзлайди, ваъда килса хилоф килади, омонат кўйилса хиёнат килади". (И).

Ахдга вафо килишнинг мухим амал экани мана бу оятда хам баён килинган:

"Эй иймон келтирган инсонлар, келишув-битимларга вафо килинглар..." (Моида сураси, 1-оят).

Табарий бу ердаги "акд" - битимдан мурод хамма уламолар наздида ахддир, дейдилар.

Саъдий ёзадилар: "Бу Аллох таолодан мўмин бандалар учун иймон такозо киладиган ишларни бажо килишларига, яъни келишув-битимларга вафо килишларига бўлган амрдир..."

Шу ўринда таъкидлаб ўтиш лозимки, оятда айтилаётган ахд, ваъда, битим деганда биринчи галда когозларга ёзиладиган ёки гувохлар хузурида тузиладиган битимлар тушунилади. Шу билан бир каторда бу оятдаги ахднинг доирасига бошкача шаклдаги муносабатлар хам киради. Масалан, хаётда огзаки келишувлар, ваъдалашувлар бўлади. Шунингдек, когозга умуман ёзилмайдиган, хатто огзаки равишда хам ваъдалашилмайдиган муносабатлар хам борки, улар хам шу оятда айтилаётган, бажарилиши шарт бўлган ахддандир. Жумладан, одамгарчилик, биродарлик муносабатлари ана шундай ўз-ўзидан амал килинаверадиган ахддир. Бирок, баъзи кишилар мусулмонларнинг манфаати кўндаланг бўлиб колган ўринларда бирор хизмат чикиб колса, кўлларидан кела туриб хам устиларидаги мўминлик масъулиятини хис килмайдилар. Борди-ю, ўша ўринда ахдга вафо килиш хакида сўз очилиб колса, улар: "Мен хеч кимга ахд, сўз бермаганман, хеч кимдан хизмат, ёрдам карзим йўк", деб айтишлари табиий. Холбуки, Аллохга иймон келтириш билан инсон ўз устига маълум вазифаларни олган бўлади. "Эй иймон келтирган инсонлар, келишув-битимларга вафо килинглар..." (Моида сураси, 1-оят) деган оятга Саъдий рахимахуллохнинг ёзган тафсирлари бу сўзнинг исботидир. У киши оятдаги келишув, битим инсонлар ўртасидаги хамма муомалотларни, жумладан ота-она ва кариндошларга яхшилик килиш, улардан узилишиб кетмаслик вазифасини хам ўз ичига камраб олишини баён киладилар. Маълумки, хеч качон ота-она ёки кариндошлар билан келишув имзоланмайди, огзаки ахд-ваъда хам олинмайди. Аммо уларнинг хакларини адо этиш бошка оят-хадислар каторида бу оят билан хам фарз бўлади. Саъдийнинг сўзларидаги энг мухим нукта мана бу ерда: "Бу буйрук Аллох "Албатта мўминларгина бир-бирларига биродардирлар" - (Хужурот сураси, 10-оят) деган сўзи билан мусулмонлар орасида тузиб кўйган битимга амал килишни, уларнинг хукукларини адо этишни хам ўз ичига олади. Бу хак устида бир-бирларига ёрдам бериш, хамкорлик килиш, мусулмонлар орасини бирлаштириш, узилишиб кетмасликни назарда тутади".

Демак, "Албатта мўминларгина бир-бирларига биродардирлар", деган оят биз мўминлар учун Аллох тузиб берган битим экан. Бас, энди кимки ўзини мўмин деб билса, бу битимни сўзсиз кабул килади. Кимки Аллохга иймон келтирган бўлса, "Эй иймон келтирган инсонлар, келишув-битимларга вафо килинглар..." - деган оятга амал килади ва мусулмонларни бир-бирларига мададкор бўлишга чакиради. Ўзи бошкаларга намуна бўлади. Мана шу Аллохга берган ахдига вафо килиш хисобланади.

Шундан келиб чикиб, одамларнинг ичларида Ислом ва мусулмонларнинг хизматига бел боглаган инсонлар бўладилар. Хеч ким томонидан мажбурланмасалар-да, ўзлари масъулият сезиб ва Аллох ваъда килган улкан савобларни умид этган холда машаккатли юмушларни ўз зиммаларига оладилар. Бу хам Аллох билан ахдлашишдир. Яъни, бир томон хизмат килади, иккинчи томон савоб беради. Бинобарин, узрсиз равишда бу ишларга сусткашлик килиш гунох бўлади. Баъзи одам бир ишни бошлашга бошлаб кўяди-да, кейин жамоат олдида хеч кандай масъулиятни бўйнига олмай "эркин" юрган одамларни кўрганда уларнинг юришига хавас килиб колади. Холбуки, бу инсон бошкаларга насиб бўлмаган шарафли ишга кўл урган эди. Унга бошкаларга берилмайдиган бенихоя ажр-савоблар тайёрлаб кўйилган эди. Энди у ўзини ўзи ана шу яхшиликлардан махрум килиб кўймаслиги керак. "Эркин" бўлиб юриш эса хавас килишга арзийдиган иш эмас. Умид этамизки, биз ўрганган ояти карималар бу борадаги камчиликларимизнинг бартараф бўлишига ёрдам беради.

Омонатдорлик ва ахдига вафо килиш хакидаги таълимотлардан сўнг Раббимиз мўминликнинг яна бир мухим сифати - намозларни ўз вактида адо этиш хакида хабар берди: "Улар намозларини мухофаза килувчилардир". Табарий айтадилар: "Яъни, мўминлар намоз вактларини мухофаза киладилар. Ўтказиб юбормайдилар. То намоз казо бўладиган вактгача бошка ишлар билан машгул бўлиб ўтирмайдилар".

"Намозларни мухофаза килиш дегани уларни бажо килиш учун, аввалги вактида адо этиш учун шошилиш, рукуъ-сужудларини мукаммал бажаришдир". (К).

Ибн Масъуд айтадилар: "Мен Расулуллох соллаллоху алайхи васалламдан сўрадим: Эй Расулуллох, кайси амал Аллохга махбуброк? У киши дедилар: "Намозни ўз вактида ўкиш". Мен дедим: Кейин-чи? У киши дедилар: "Ота-онага яхшилик килиш". Мен дедим: Ундан кейин-чи? У киши айтдилар: "Аллох йўлида жиход килиш". (Бухорий ва Муслим).

"Улар намозларини мухофаза килувчилардир". "Яъни, улар намозларини ўз вактида, коидаларига риоя килган холда, шартлари ва рукнлари билан давомли суратда бажо киладилар. Шундай килиб Аллох мўминларни "хушуъ" билан намоз ўкиш ва уни доимий равишда бажариб юриш сифати билан мадх этди. Чунки намоз икки нарса билан мукаммал бўлади. Демак, кимки намозни доимий равишда, аммо "хушуъ"сиз ўкиса ёки доимий эмас, баъзи-баъзида лекин "хушуъ" билан ўкиб юрса, бу кораланадиган ва нокис амалдир".

"Аллох бу чиройли сифатларнинг зикрини намоз билан бошлади ва яна намоз билан тугатди. Бу намознинг энг афзал амал эканига далолат килади. Шунингдек, Расулуллох бундай дедилар: Хакда собит бўлинглар, асло адогига ета олмайсизлар, билингларки, амалларингизнинг энг яхшиси намоздир. Доимо тахоратли бўлишнинг уддасидан факат мўмингина чика олади". (И).

Шундай килиб, Аллох Муъминун сурасининг ибтидосида нажот топган мўминларнинг еттита сифатларини келтирди. Кейин эса ушбу сифатларга эга бўлган бандалари учун тайёр килиб кўйган улкан мукофотини зикр килди:

"Ана ўшалар, ўшалар Фирдавсни мерос килиб оладиган ворислардир!"

Хаммага аёнки, мерос деганда аслида бошка бировники бўлган мол-мулкни маълум шаръий сабаб билан ўз тасарруфига олиш тушунилади. Бу оятдаги мерос сўзининг маъноси нима?

"Зикри олий Зот айтадики, дунёда мана шу сифатларга эга бўлган кишилар Киёмат кунида дўзах ахлиниг жаннатдаги ўринларини мерос килиб оладилар". (Т).

"Абу Хурайра разияллоху анхудан ривоят килинади. Расулуллох соллаллоху алайхи васаллам дедилар: "Сизлардан бирор кимса йўкки, унинг икки манзили бўлмаса. Жаннатда бир манзил, дўзахда бир манзил. Агар у ўлиб, дўзахга кирса, жаннат ахли унинг манзилини мерос килиб оладилар. Аллохнинг "Ана ўшалар ворислардир" деган сўзи бунинг далилидир". (Ибн Можа, Албоний).

"Саид ибн Жубайрдан ривоят килиндики, мўминлар кофирларнинг ўринларини мерос килиб оладилар. Чунки улар аслида хеч бир шериги бўлмаган ёлгиз Аллохга ибодат килиш учун яратилган эдилар. Аммо мана бу мўминлар ўзларига вожиб бўлган ибодатларни бажарган бўлсалар, ана улар эса ўзларининг яратилишларидан кўзланган максадни, яъни буюрилган ибодатни тарк этдилар. Энди мана булар ана уларнинг агар итоат килганларида ўзлари олишлари мумкин бўлган насибаларини хам оладилар".

Аллох бу оятда Фирдавс жаннати хакида сўйлади. Фирдавс жаннати хакида Муслим ривоят килган хадисда бундай дейилган: Пайгамбар дедилар: "Агар Аллохдан (жаннатни) сўрасанглар, Фирдавсни сўранглар, чунки у жаннатнинг ўртаси, жаннатнинг энг юкорисидир. Жаннат дарёлари ундан отилиб чикади". Яна бир ривоятда Фирдавснинг устида Рахмоннинг Арши бор дейилган.

"Ана ўшалар, ўшалар Фирдавсни мерос килиб оладиган ворислардир". "Ёки бундан мурод жаннатнинг хаммаси, дейилгани бўлади. Шунда бу иборанинг остига мўминларнинг хаммалари дохил бўладилар. Яъни, улар ўзларининг мартабаларига караб турли даражаларга эга бўладилар. Хар ким (жаннатдан) ўзининг холига яраша ўрин олади". (С).
muslimuzbekistan.com