API
سیفه‌تی سه‌ربڕینی ئاژه‌ڵ
پۆڵێنه‌كان
Full Description
سیفه‌تی سه‌ربڕینی ئاژه‌ڵ
] kurdish – كوردی – كردي [
ده‌سته‌ی به‌شی زمانی كوردی له ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز
2013 - 1435
صفة الذبح الشرعي
« باللغة الكردية »
فريق قسم اللغة الكردية بموقع دار الإسلام
مراجعة: بشتيوان صابر عزيز
2013 - 1435
سیفه‌تی سه‌ربڕینی ئاژه‌ڵ
ئه‌م پرسیاره ئاڕاسته‌ی ماڵپه‌ڕی ئیسلام هاوس كراوه :
پرسیار : من كه‌سێكی قه‌سابم و ڕۆژانه ئاژه‌ڵ سه‌ر ده‌بڕم، ده‌كرێت وه‌ڵامی ئه‌و پرسیاره‌م بده‌نه‌وه، ئایا له‌كاتی سه‌ربڕینی ئاژه‌ڵدا ده‌بێت كام ڕه‌گ و ده‌ماری ببچڕێت ؟
وه‌ڵام : سوپاس بۆ خوای گه‌وره ومیهره‌بان، وه درود و صه‌ڵات وسه‌لام له‌سه‌ر محمد المصطفی وئال وبه‌یت ویار ویاوه‌رانی هه‌تا هه‌تایه .
زانایان بۆ سه‌ر بڕینی ئاژه‌ڵ به‌هه‌موو جۆره‌كانیه‌وه به مه‌ڕو بزن و مانگا و ووشتره‌وه، به‌مه‌رجیان داناوه كه ده‌بێت له گه‌ردنیدا به‌م شتانه ببڕڕیت :
یه‌كه‌م : قوڕگ، یان گه‌روو، مه‌به‌ست لێی ئه‌و ڕاڕه‌وه‌یه كه هه‌ناسه‌ی لێوه وه‌رده‌گرێت و دیداته‌وه .
دووه‌م : سورێنچك : مه‌به‌ست پێی ئه‌و ڕاڕه‌وه‌یه كه ئاژه‌ڵ خواردنی لێوه ده‌خوات و پێیدا تێده‌په‌ڕێت بۆ گه‌ده .
سێهه‌م : شاده‌ماره‌كان، كه دووانن وئاڵاوون به گه‌رووه‌وه، كاتێك ده‌بچڕێن ئیتر خوێنی لاشه‌ی ئاژه‌ڵ لێوه‌ی به‌تاڵ ده‌بێته‌وه .
جا هه‌ركاتێك ئه‌م چوار شته بچڕا ئه‌وا به كۆده‌نگی زانایان ئه‌و سه‌ربڕاوه حه‌ڵاڵه و دروسته گۆشته‌كه‌ی بخورێت، جا ئه‌م چوار شته كه ده‌كاته گه‌روو و له‌گه‌ڵ سورێچنك و هه‌ردوو شاده‌ماره‌كان، جێگای بڕینیان له خوار شه‌ویلگه‌ی ئه‌و ئاژه‌ڵه‌وه ده‌ست پێده‌كات هه‌تاوه‌كو ده‌گاته ئه‌و جێگایه‌ی گه‌ردن و ملی لێ كۆتای دێت له‌سه‌ره‌تای سنگی ئاژه‌ڵه‌كه‌وه، واتا : ئه‌گه‌ر هاتوو له‌لای سه‌رووی گه‌ردنه‌وه بچڕان دروسته، وه ئه‌گه‌ر هاتوو له ناوه‌ڕاستیشه‌وه بێت، هه‌ر دروسته، خۆ ئه‌گه‌ر له‌كۆتایی گه‌ردنیشه‌وه بوو هه‌ر دروسته و حه‌ڵاڵه گۆشته‌كه‌ی بخورێت .
خوای گه‌وره‌ش زاناتره .
