Lɩslaangã yaa rog-ne la yam la zu-noog dĩini

Lɩslaangã

yaa rog-ne la yam la zu-noog dĩini

Ne Wẽnd yʋʋrã barka, sẽn yaa yols yaleng Soabã, n yaa Yolsdã, la d sɩngd d tʋʋmdã

Rẽ yĩngã fo sok a f mengã:

ãnd n naan saasã, la tẽngã, la sẽn be b yiibã pʋgẽ wã, sẽn yaa bon-naands bεdã? La ãnd n naan na-kẽnd-kãngã sẽn maneg n zems taab dũni wã pʋgẽ wã?

yalε ning dũni-kãngã sẽn kẽnde, la a yõgendẽ ne na-kẽndr nins sẽn n yõgneg sõmã, yʋʋmã wʋsg sẽn looge?

Rẽ yĩngã ween-n-vɩ-kãngã n naan a menga? Bɩ a waa woto bala tɩ ka tũ ne bũmbu? Bɩ yaa sẽn ling n wa?

Ãnd n naan foom?

Yaa ãnd n ning tʋʋm-kãngã sẽn ta tεkã, fo yĩngẽ wã, la bon-vɩtɩ wã fãa yĩnsẽ wã?

Ned baa a yembr ka na n sak n yeele, tɩ zak-kãngã waame tɩ ka ned n me-a ye, maa b yeel-a lame tɩ yaa zaalem n wa ne zak-kãngã, rẽnd yaa wãna, tɩ neb sãndɑ sɩdgd neb nins sẽn yete tɩ ween-vɩ-kãngã waame tɩ ka tũ ne naandã? Na n yɩ wãnã tɩ yam soab sak tɩ b yeel tɩ ween-n-vɩ-kãngã, sẽn kẽnd ne na-kẽndr sẽn maneg n ta tεkã, waa ne lingri?

Sik ka be, ad soab sẽn yaa zɩsg n be beenẽ, n yaa naaandã, n yaa rabsda ne ween-n-vɩ-kãngã, la bũmb ning sẽn be a pʋgẽ wã, Yẽ me la Wẽnde, A Naam yɩlg yã n zẽke.

La Soabã, A Naam yɩlgame, A tʋmsa Tẽn-tʋʋmba, tɩ wa tõnd nengẽ, la A sik (Wẽnd) gaf-rãmb n kõ-ba, la b yaoolem yaa Alkʋrãan wagellã, Wẽnd sẽn sik-a a Mohammad zugã, sẽn yaa Wẽnd tẽn-tʋʋmbã baasdgã, la sẽn tũ ne A Gaf-rãmbã la A tẽn-tʋʋmbã:

⦁A wilga tõnd A Mengã, la A Sɩf-rãmbã la A hakε-rãmb sẽn zao tõnd zugu, la A wẽneg tõnd hakε-rãmb sẽn zao A zugu.

⦁La a wilgd tõndo tɩ Yẽnda la Naab ning sẽn naana bon-naandsã, la A yaa Vɩta, A ka kiid ye, la bon-naandsã bee a wẽbgr pʋgẽ, la a modgre, la a kẽnesg pʋgẽ.

La A kõ tõnd kibar tɩu sẽn be A sɩf-rãmbã pʋgẽ, yaa bãngre, bala A gũbga bũmbã fãa ne bãngre, la A yaa Wʋmda, n yaa Neta, bũmb ka solgd-A tẽngã pʋgẽ, ka saasã pʋgẽ me.

Soabã, Yẽnda la Vɩtã, sẽn yãs ne A yεlã wakat fãa, Soab ning bon-naandg fãa vɩɩm sẽn yi A nengẽ wã, A Yembre -A Naam yɩlg yã- la Yẽ me n yãs ne bon-naandg fãa vɩɩm sẽn na yals ne -A Naam yɩlgame- A yeelame, A Naam zẽkame:﴿اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَوَاتِ وَالأَرْضَ وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ﴾ (Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑɑ Vɩta sẽn pid Soɑbɑ, n yɑɑ a Mɑɑn-m-toor Soɑbɑ, gõeem pɑ yõnkd-A, pɑ suusgu. A soo sẽn be sɑɑsẽ wã lɑ sẽn be tẽngẽ wã, ãnd n nɑ n sugs A nengẽ, tɩ sã n pɑ ne A yɑrdɑ, A mii sẽn be bãmb neng tɑoore, lɑ b poorẽ, lɑ b pɑ gũbg bũmb A bãngrẽ wã ye, sã n pɑ A sẽn tʋll tɩ b bãng ɑ soɑbɑ, A Nɑɑmã Goeel tɑgr zĩigẽ yãmbɑ sɑɑsã lɑ tẽngã, lɑ b yiibã gũudum pɑ pɑk Wẽnd tɩ yɑɑ toog ye, lɑ Yẽ yaa Zẽkr Nɑɑbɑ n yɑɑ Zɩsgo)[Sʋʋratʋ Al-baƙara: 225].

⦁La a kõ tõnd kibar tɩ Yẽnda la Soabã, b sẽn sɩfd ne sɩf-rãmb sẽn pid n manegã, la A kõo tõnd yam, la bũmb ning d sẽn tõe n tall n bãng A naanegã yel-soalma la A tõogã, tɩ yaa bũmb ning sẽn wilgd tõnd A zɩslemã, la A pãngã, la a sɩf-rãmbã pidbu, la A ninga tõnd pʋgẽ rog-ne, sẽn wilgd tõnd A sẽn pidã, t'A ka tõe n sɩf ne boogr ye.

⦁ La A wilgd tõnd tɩ Soabã, A bee A saasã yĩngrã, A ka be dũni wã pʋgẽ, dũni wã me ka be A pʋgẽ.

⦁ La A kõ tõnd kibare, tɩ yaa tɩlae ne tõnd tɩ d sak n tũ-A -A Naam yɩlgame- ad yaa Yẽ la tõnd Naanda la dũni wã Naanda la a Kẽnesda.

Rẽnd Naandã, A tara sɩf-rãmb sẽn yaa zɩsgo, la ka tõe tɩ b sɩf ne-A ne tʋlsem, maa boogr ye, rẽnd Soabã, A ka yĩmdi, A ka gõe, A ka rɩt rɩɩbo, A ka tõe n tall paga, A ka tõe n tall biiga, la gʋlsem nins fãa goɑm sẽn be beenẽ, n yõsgd ne Naandã zɩslemã, a ka bũmb sẽn maneg n yi Wẽnd nengẽ, sẽn yaa Wẽnd tẽn-tʋʋmbã sẽn wa ne wã ye, -tɩlgr be b yĩnga-.

Wẽnd yeelame, A Naam zẽk yã, A Alkʋrãan wagellã pʋgẽ:﴿قُلۡ هُوَ ٱللَّهُ أَحَدٌ * (Yeele: Yẽnda la Wẽnde, A yaa A Yembre*ٱللَّهُ ٱلصَّمَدُ * Wẽnd la Tikda*لَمۡ یَلِدۡ وَلَمۡ یُولَدۡ * A pa roge, b pa rog-A*وَلَمۡ یَكُن لَّهُۥ كُفُوًا أَحَدُۢ﴾ Mams-n-taag me baa a yembr ka ne-A ye")[Al-Iẖlaaṣʋ: 1-4].

Sã n mikame tɩ fo kõo sɩd ne Soabã, sẽn yaa Naandã...rẽ yĩnga fo soka f meng raar a yembre, bũmb ning yĩnga A sẽn naan foomã bɩɩ? La yaa bõe la Wẽnd rat tõnd nengẽ, la tõnd belemã bill yaa bõe?

Rẽ yĩnga tõeeme tɩ Wẽnd naana tõndo, n bas tõnd zaalem? Rẽ yĩnga tõeeme tɩ Wẽnde, A naana bon-naands-kãensã fãa tɩ ka tũ ne bila maa raabo?

Sɩdã, yaa tɩ Soabã sẽn yaa Naand kasẽngã, " Wẽnde" A kõo tõnd kibare, raab ning yĩnga, A sẽn naan tõndã, yẽ me la Wẽnd tũudumã, A Yembre, la yaa bõe la Wẽnd rat tõnd nengẽ, la A kõ tõnd kibare, tɩ ad yaa Yẽnd A Yembre, n sõmb ne tũudum, la A vẽneg n wilgd tõndo, sẽn tũ ne A tẽn-tʋʋmbã -tɩlgr be a yĩnga- yalε ning tõnd sẽn tõe n tũ-A, la d tõeeme n pẽneg-A wãnã, ne A saglsã tʋʋmã, la A sẽn gɩdgã basbo? La d paamda A yardã wãn-wãnã? La d gũus n yi A sɩbgrã? La A kõ tõnd kibare, tõnd sẽn na n yɩ a soaba, kũumã poorẽ?

La a kõ tõnd kibar tɩ ad dũni-kãngã yaa zarb-n-gesg zĩig bala, la ad vɩɩm sɩd-sɩd sẽn pidã, na n yɩɩ yaoolem raarã, kũumã poorẽ.

La A kõ tõnd kibar tɩ ad ned ning sẽn tũ a Wẽnde, wala Wẽnd sẽn sagl-a wã la a bas bũmb ning Wẽnd sẽn gɩdg-a wã, a soab tara vɩɩm sẽn yɩlge, dũni wã pʋga, la vɩ-noog sẽn duumdi, yaoolem raarã, la ned ning sẽn kɩɩs-A, la a kɩfl ne-A, a soab tara zu-beedo, dũni wã pʋgẽ, la namsg sẽn duumdi yaoolem raarã.

La tõnd sẽn mi tɩ ka tõe tɩ dũni-kãngã wa looge, tɩ ned fãa sẽn be tõnd pʋgẽ ka reeg a sẽn tʋmã keoore, sõma maaa wẽnnga, tɩ sɩbgr ka naa n zĩnd ne wẽgdbã, la kũum ka na n zĩnd ne manegdbã?

La sɩdla hakɩɩkaa tõn Soabã kõo tõnd kibare, tɩ ad paam A yardã, la tɩlg n yi A sɩbgrã, ka yɩte rẽndaame tɩ fo kẽ lɩslaangã dĩin pʋgẽ, lɑ yẽ la sak n tũ Wẽnde, la f tũ-A A Yembr tãa, lagem-n-taar ka ne-A, la f sak n tũ A tũudmã, la f sak n gãd A sari wã, ne yarda, la reegre, la A kõo tõnd kibare, t'A pa reegd nebã nengẽ dĩini, tɩ sã n ka yẽ ye, Wẽnd yeelamme, A Naam zẽk yã:(وَمَن يَبۡتَغِ غَيۡرَ ٱلۡإِسۡلَٰمِ دِينا فَلَن يُقۡبَلَ مِنۡهُ وَهُوَ فِي ٱلۡأٓخِرَةِ مِنَ ٱلۡخَٰسِرِينَ) (La sẽn baood a dĩin zẽng sẽn pa Lɩslaangã, b pa na n tol n reeg a yĩng ye, la yẽnda, Yaoolem raarã, a yaa bõn-soaba)[Aalʋ`ɭmraan: 85].

Ned sã n ges nebã wʋsg fãa sẽn tũud bũmb ning rũndã wã, mikdame tɩ yãwã soab tũuda nedã, tɩ yãwã soab tũud rʋbga, tɩ ned a to tũud ãdga, yaa woto, la ka sõmb ne yam soaba t'a tũ rẽndame tɩ yaa bon-naandsã Naabã, sẽn pida A sɩf-rãmbã pʋgẽ wã, yɩta a wãn t'a wa tũud bon-naandg sẽn yaa wala yẽ, maa a pʋs n ka ta yẽ! Rẽnd b sẽn tũud a soabã ka sõmb n yɩ ninsaala, maa rʋbga, maa tɩɩga, maa rũng ye!

Rẽnd dĩin-rãmbã fãa nebã sẽn tũud rũndã wã -sã n ka lɩslaangã- Wẽnd ka reegd-a, bala b yaa dĩin-rãmb sẽn yaa nebã n naane, maa yaa dĩin-rãmb sẽn dag n yaa Wẽnd dĩin-rãmba, rẽ poorẽ tɩ nebã kẽ beenẽ n reeme, la sã n yaa lɩslaangã, sẽn yaa bon-naandsã Naan dĩinã, a ka tedgde, a ka toeemde, la dĩin-kãngã gafã yẽ la Akʋrãan wagellã, a yaa gafo b sẽn gũ, t'a yaa wala Wẽnd sẽn sik-a to-to ningã, a ka bak n be lɩslaambã nusẽ, n tãag rũndã, ne buud gomd ningã, a sẽn sig ne wã, Tẽn-tʋʋm Pidsdgã zugã.

La sẽn be lɩslaangã yẽg pʋgẽ, yaa f kõ sɩd ne tẽn-tʋʋmbã fãa Wẽnd sẽn tʋms-ba, b fãa gill yaa ninsaalba, Wẽnd keng-b lame ne tagmas-rãmba, la gom-lubdi, la A tʋms-b lame tɩ b bool n tʋg Yẽnda A Yembr tũudum, lagem-n-taag ka be ne-A ye,La tẽn-tʋʋmbã baasdgã, yẽ la Tẽn-tʋʋma a Mohammade -Wẽnd pʋʋsg la A tɩlgr be a yĩnga- Wẽnd tʋms-a lame ne Wẽnd sari wã sẽn pidã, sẽn yẽesd tẽn-tʋʋmbã sẽn reng taoorã sari-rãmbã, la a keng-a ne gom-lubds sẽn yaa zɩsgo, lɑ b sẽn yaa ɑ bedr n yɩɩda, yaa Alkʋrãan wagellã, sẽn yaa bon-naandsã Naab goama, gaf zɩslem sẽn tʋg n yɩɩdɑ, bon-naandsã sẽn bãnge, n komsdẽ, a maanã wã wεεgẽ, la a gom-biisẽ wã, la a tuiibẽ wã, la a bʋʋdẽ wã, kãndgr sẽn peegd n tʋg sɩdɑ be a pʋgẽ, sẽn taasd ned zu-noog zĩigẽ, dũni wã pʋgẽ, la yaoolem raarã, la a siga ne laarabiimdu.

La gom-lubdi wʋsg n be beenẽ, yam wεεngẽ la bãngr wεεngẽ, sẽn tabende tɩ sik ka be, tɩ Alkʋrãan-kãngã yaa Naandã goam -A Naam yɩlg yã n zẽke- la a ka tõe n yɩ bon-naands goam ye.

La sẽn be lɩslaangã yẽgẽ, yaa kõ sɩd ne malεgsã belem, la kõ sɩd ne yaoolem raarã, Wẽnd sẽn na n wa yik nebã, b yaadẽ wã, dũni wã yikr raare, n na n geel-b b tʋʋmã, rẽnd sẽn tʋma tʋʋm sõmbse, n yaa sɩd-kõta, a tara vɩɩm sẽn duumd arzãnã pʋgẽ, la sẽn kɩfla, n maan tʋʋm wẽnse, a tara nang sẽn yaa zɩsgo, Bugmã pʋgẽ, la sẽn be lɩslaangã yẽg pʋgẽ, yaa kõ sɩd ne Wẽnd sẽn kord (pʋlem) bũmb ningã, sẽn yaa sõma maa wẽnga.

La lɩslaangã dĩinã, yaa na-kẽndr sẽn gũbg vɩɩmã gilli, n zemsd ne rog-ne wã la yamã, yõy nins sẽn manegã sakd-b lame, yaa Naandã sẽn yaa Zɩsgã, Yẽnd n tuk-a n kõ A bon-naaandsã, a yaa sõma diini, la zu-noog ne nebã fãa gilli, dũni wã pʋgẽ, la yaoolem raarã, la a ka welgd buud n bas buud a to, ka kõbg n bas kõbg a to ye, nebã fãɑ ya a yembre a pʋgẽ, ned ka welgd n yɩɩg a to lɩslaangã pʋgẽ, rẽnda a tʋʋm sõngã alkadr tεka.

Wẽnd yeelame A Naam zẽkame:(مَنۡ عَمِلَ صَٰلِحا مِّن ذَكَرٍ أَوۡ أُنثَىٰ وَهُوَ مُؤۡمِن فَلَنُحۡيِيَنَّهُۥ حَيَوٰة طَيِّبَة وَلَنَجۡزِيَنَّهُمۡ أَجۡرَهُم بِأَحۡسَنِ مَا كَانُواْ يَعۡمَلُونَ) (Ned ning sẽn tʋma sõma, yɑɑ rao tɩ yɑɑ pɑgɑ, t'ɑ yaa sɩd-kɩta, D na vɩɩms-a soaba, vɩɩm sẽn yɑɑ noogo, la D na n rol-b lɑme, b keoorã, sõmblem sẽn yɩɩd b sẽn da yɩ n tʋmdẽ wã)[An-Nahlʋ: 97]

La bũmb ning Wẽnd sẽn kengd Alkʋrãan wagellã pʋgẽ, yaa tɩ kõ sɩd ne Wẽndã, tɩ yaa Soaba, n yaa Soab tũudgã, la kõ sɩd ne lɩslaangã tɩ yaa dĩinã, la a Mohammad tɩ yaa Tẽn-tʋʋma, la kẽ lɩslaangã, a yaa bũmb sẽn tab ne ned fãa, ninsaal ka tar yam yãkr a pʋgẽ ye, la dũni wã yikr raare, ad geelg la rolb n be beenẽ, ne ned ning sẽn yaa sɩd kõta n yaa sɩd soaba, a tara põsga, la pʋɩɩr sẽn yaa zɩsgo, la sẽn yɩ a kɩfre, ɑ tara bõne, sẽn yaa vẽenega.

Wẽnd yeelame A Naam zẽkame:(... وَمَن يُطِعِ ٱللَّهَ وَرَسُولَهُۥ يُدۡخِلۡهُ جَنَّٰت تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ ٱلۡفَوۡزُ ٱلۡعَظِيمُ، (...Lɑ sẽn tũudã Wẽnd lɑ A Tẽn-tʋʋmã A kẽesd-ɑ-lɑ arzãn-rãmbɑ ko-sood sẽn zoet ɑ tẽngr tɩ b yɑɑ duumdb ɑ pʋgẽ, lɑ ɑd rẽ lɑ põsg sẽn bedmã;وَمَن يَعۡصِ ٱللَّهَ وَرَسُولَهُۥ وَيَتَعَدَّ حُدُودَهُۥ يُدۡخِلۡهُ نَارًا خَٰلِدا فِيهَا وَلَهُۥ عَذَاب مُّهِين) Lɑ sẽn kɩɩsd ɑ Wẽnd lɑ A Tẽn-tʋʋmã, lɑ a zʋʋgd A todsã, A kẽesd-ɑ-lɑ bugum, t'ɑ yɑɑ duumd ɑ pʋgẽ, lɑ ɑ tɑrɑ nɑmsg sẽn fɑɑgde)[An-Nisaa'ʋ: 13-14].

La ned ning sẽn rata n kẽ lɩslaangã, rẽnd bee ne yẽ soaba t'a yeele: (m maaan kaseto tɩ soab sẽn na n tũ n tɩlg ka be rẽnda Wẽnde, la m maan kaseto t'a Mohammad yaa Wẽnd Tẽn-tʋʋma) t'a yẽ yaa sẽn mi a võorã, n kõ sɩd ne-a, woto a lebgda more, rẽ poorẽ t'a karem lɩslaangã sãri-rãmbã sẽn kellã bilf-bilfu, sẽn na paam n yik n yals ne bũmb ning lɩslaangã sẽn maan n rogl-a wã.

Lɩslaangã

yaa rog-ne la yam la zu-noog dĩini

Ãnd n naan foom?

Rẽ yĩnga tõeeme tɩ Wẽnd naana tõndo, n bas tõnd zaalem? Rẽ yĩnga tõeeme tɩ Wẽnde, A naana bon-naands-kãensã fãa tɩ ka tũ ne bila maa raabo?

La tõnd sẽn mi tɩ ka tõe tɩ dũni-kãngã wa looge, tɩ ned fãa sẽn be tõnd pʋgẽ ka reeg a sẽn tʋmã keoore, sõma maaa wẽnnga, tɩ sɩbgr ka naa n zĩnd ne wẽgdbã, la kũum ka na n zĩnd ne manegdbã?